မရောနိစ်လုပ်နည်း

မရောနိစ်ဆော့စ် (Making Mayonnaise )

မရောနိစ်ဆော့စ်လုပ်ရတာ လွယ်ကူပါတယ်။

 မရောနိစ်ဆော့စ်ကဆီနဲ့ ကြက်ဥအနှစ်ကို အချဉ်အနည်းငယ်လေးနဲ့ ရောမွှေထားတဲ့ ရိုးရိုးဆော့လေးပါ။

 ဒါကို အဓိကဆော့ယူပြီး ကြိုက်နှစ်သက်ရာနဲ့ရောပြီး တခြားဆော့စ်ပြောင်းလို့ရပါတယ်။

ပါဝင်ပစ္စည်းများ (1 cup)
................................
• သံလွင်ဆီ- ၁ ခွက် (ဟင်းချက်လျှင် တိုင်းသောခွက်) ဆီအကောင်းစားနဲ့ပဲသုံးသင့်ပါတယ်။
• ကြက်ဥ- ၁ လုံး (အနှစ် နဲ့အကာ ခွဲထားပါ)
• ရှလကာရည် (သို့) သံပရာရည်- စားပွဲ ဇွန်း ၂ ဇွန်း
• ဆား- အနည်းငယ်
• ငရုတ်ကောင်းမှုန့်- အနည်းငယ် (ကြိုက်နှစ်သက်လျှင် ထည့်ပါ)

ပြုလုပ်နည်း
...............
ကြက်ဥအနှစ်ကို ပန်းကန်လုံးကြီးထဲထည့်ပြီး ခလောက်ပါ။
ပြီးလျှင် သံပရာရည် (သို့) ရှလကာရည်ထည့်ပြီး ရောပြီးပျစ်သွားတဲ့အထိ ခလောက်တံနဲ့မွှေပါ။
(စက်နဲ့ မွှေ့လည်းရပါတယ်)
ဆီကို ဖြည်းဖြည်းခြင်းလောင်းထည့်ပါ။
တစ်ဖက်ကနေလည်း အဆက်မပြတ် မွှေပေးရပါမယ်။
ဒါမှ လိုချင်တဲ့အရောင်ပြောင်းပြီး ညက်ညောသော မရောနိစ်ဆော့စ်ဖြစ်လာမှာပါ။
ဆီထည့်နေတုန်း အဆက်မပြတ် မမွှေနိုင်ဘူးဆိုရင်တော့ အခဲတွေဖြစ်ပြီး
ပျက်သွားရင် အစကပြန်စရပါလိမ့်မယ်။
ခက်ကြဲကြဲလေးလိုချင်ရင် ရှလကာရည် အနည်းငယ်ပိုထည့်ပါ။    

ကိုယ်လိုချင်တဲ့အနေအထား ရရှိလာပြီဆိုရင်တော့ ဆားနဲ့ ငရုတ်ကောင်းမှုန့်ရောပြီး
လိုရာနေ ရာမှာအသုံးချလို့ရပါပြီ။

အိမ်လုပ်တဲ့ လတ်ဆတ်မှုရှိတဲ့ ရောနိစ်ကို လေလုံပုလင်းထဲထည့်ပြီး ရေခဲသေတ္တာထဲမှာထားလျှင် ၅ ရက်လောက်ခံပါတယ်။

.................................
Syi Lwin Foods Garden
www.syilwinfoodsgarden.blogspot.com

Posted in: သွားရည်စာ