**** တန်ဆောင်မုန်းလပြည့်ည နှင့် ဆေးဘက်ဝင် မဲဇလီပင်လေးများအကြောင်း ****
မဲဇလီဆိုသည်မှာ ရွက်ပေါင်းအရွက်ရှိ၍အ၀ါရောင်အပွင့်များအချိန်လိုက်ဖူးပွင့်သည့် ပင်စောက်ကြီးတစ်မျိုး (အရွက်၊ အဖူးစ သည်ကို ဟင်းလျာအဖြစ်စားသုံးပြီး အရသာခါး၍ဆေးဖက်ဝင်သည်)ဟု မဲဇလီနှင့်ပတ်သက်၍မြန်မာအဘိဓာန်တွင် ဖွင့်ဆိုထားပါ တယ်။ ထူပါရုံစေတီကျောက်စာပေါ်မှာ
ရေးထွင်းထားသော မှတ်တမ်းစာအရ၊ ရှေးယခင်က မဲဇလီပင်ကို “မည်ဇရီပင်” ဟုခေါ်ရာ မှ
အသံထွက်အလိုက် မယ်ဇရီ ဖြစ်လာပြီး၊ ထို့ နောက် ကာလကြာတဲ့အခါ မယ်ဇရီ မှ
မယ်ဇလီ-မဲဇလီ ဟူ၍ အဆင့်ဆင့်အသံ ထွက်ပြောင်း၍ ခေါ်ဝေါ်လာခဲ့ကြပါတယ်။
နေရာဒေသပေါ်မူတည်ပြီး တချို့ ကတော့ မဉ္စူရီပင်ဟု ခေါ်ကြသလို၊ ကချင်လူမျိုးတို့  က
မယ်ဂျူရီပင် ဟုလည်းကောင်း၊ ရှမ်းလူမျိုးတို့ က မယ်ပဉ္စလီ ဟုလည်းကောင်း
ခေါ်ဆိုကြပါတယ်။ မဲဇလီဖူးဟာ နုတဲ့အချိန်မှာ အစိမ်းဖျော့ရောင်ဖြစ်ပြီး၊
ရင့်လာတဲ့အခါ အညိုရောင်ပြောင်းသွားတတ်ပါတယ်။
ချန်ထား၍မဖြစ်နိုင်ပေ။ အဘယ်ကြောင့်ဆိုသော် ရှေး လူကြီးသူမများလက်ထပ်
ကုန်းဘောင်ခေတ်ကတည်းက တန်ဆောင်မုန်းလပြည့်ည သို့ ရောက်တိုင်း မဲဇလီဖူးခူး၍
သုပ်စား ကြတဲ့ အစဉ်အလာများ ရှိခဲ့လို့ ပါဘဲ။ တန်ဆောင်မုန်းဟူသော အရေးအသားကို
လေ့လာကြည့်တဲ့အခါ၊ ပုဂံခေတ် ကျောက်စာ များတွင် “တန်ဆောင်မှုန်” ဟုရေးထိုး၍
တန်ဆောင်မှုန်း ဟုအသံထွက်ဆိုခဲ့ကြပါတယ်။ “ မိုက်မှောင်လွင့်ပြုန်း၊
တန်ဆောင်မုန်း၊ ဆောင်မှုန်း ခေါ်တကား။ ဟထိုး ပျောက်ကာ၊ ပြောင်းရွှေ့ လာ၊ မုန်း
သာခုထင်ရှား ” ဟူသော စပ်ဆိုထားခြင်းက တန်ဆောင်မုန်း ၏ ဖြစ်စဉ်ကို
ပေါ်လွင်သိရှိနိုင်ပါတယ်။ တန်ဆောင် = ဆီမီး၊ မီးရှူး၊ မီးတိုင်။ မှုန်း =
ထွန်းလင်းခြင်း၊ တောက်ပခြင်းဟူ၍ အဓိပ္ပါယ်ရပါတယ်။ ဒါကြောင့်လည်း မြန်မာ့
၁၂လရာသီမှာ တန်ဆောင်းမုန်းလဟာ အထွန်းလင်း၊ အတောက်ပဆုံး နှင့် အသာ ယာဆုံး
လတစ်လဟု ဆိုနိုင်ပါတယ်။ မြန်မာ့သမိုင်းမှတ်တမ်းများအရ၊ ဗိဿနိုးနတ်မင်းကြီးသည်
နှစ်စဉ်နှစ်တိုင်း ၀ါဆိုလဆန်း ၁၂ ရက်နေ့ မှစ၍ အိပ်စက်လိုက်ရာ
တန်ဆောင်မုန်းလဆန်း ၁၂ ရက်နေ့ မှနိုးထသဖြင့် တန်ဆောင်မုန်းလကို “နတ်နိုးလ” ဟု
ခေါ်ဆိုကြောင်း လေ့လာမှတ်သားရပါတယ်။
တန်ဆောင်မုန်းလပြည့်နေ့ မှာ မြတ်စွာဘုရားရှင်က ရာဇဂြိုလ်ပြည့်ရှင် အဇာတသတ်မင်း
နှင့် အပေါင်းပါတို့ အား သာမညဖလ သုတ်ဟောကြားသည့် နေ့ ထူးနေ့ မြတ်ဖြစ်ပါတယ်။
တန်ဆောင်မုန်းလပြည့်ညမှာ ဆီးနှင်း၊ မြူ၊ တိမ်၊ သူရိန်၊ မီးခိုး စသည့် ငါးမျိုး
ကင်းစင်နေတာကြောင့် ထက်ကောင်းကင်တစ်ခွင်လုံးကြည်လင်ကာ နက္ခတ်တာရာ
တစ်စုံထွန်းလင်းနေပါတယ်။ မပီဝိုးဝါး သေး မွှားတဲ့
ကြတ္တိကာကြယ်(ခေါ်)ဖျောက်ဆိပ်ကြယ်စုလေးများလည်း လင်းလက်ခွင့်ရတဲ့ ညဖြစ်ပါတယ်။
မဇ္ဈိမဒေသမှလာတဲ့ သာရ ကောမုဒိဆေးကျမ်းအရ၊ တန်ဆောင်မုန်းလပြည့်ည
သန်းခေါင်ယံလမင်းကြီး ၀ိုင်းစက်ပြည့်ဝန်းနေစဉ် ကြတ္တိကာနက္ခတ် နှင့် စန်း ယှဉ်၍
ပုဏ္ဍာတိထီ(ဗေဒင်အခေါ် တိထီ ၁၅ လုံးအတွင်း)ဆေးပင်အပေါင်းကို
စောင့်ရှောက်သောနတ်တို့ သည် မဲဇလီပင်စောင့် နတ်မင်းကြီးထံ လာရောက်ခစားကြသည်ဟု
ဆိုပါတယ်။ ဒါကြောင့် ထိုအချိန်မှာ မဲဇလီကို ဆေးဖက်ဝင်အောင် စီရင်ခြင်းဟာ
အချိန်အခါကောင်းတစ်ရပ်လို့  ဆိုနိုင်ပါတယ်တဲ့။ ထိုသို
့စီရင်ရာမှာလည်းလမင်းကြီး တိတိကျကျပြည့်ဝန်းနေချိန် တွင် အရှေ့  ဖက်သို
့ထွက်နေသော မဲဇလီ အဖူး၊ အပွင့်၊ အရွက်၊ အမြစ်၊ အခေါက်၊ အသီးတို့ ကို
စုံလင်အောင် ဆွတ်ခူးတူးယူ၍ ထိုညမှာ အဖူး၊ အပွင့်၊ အရွက်တို့ ကို
စားသုံးရပါမယ်။ ကျန် အမြစ်၊ အခေါက်၊ အသီးတို့ ကိုတော့
နေရိပ်မှာအခြောက်လှန်းအမှုန့် ပြု၍ နေ့  စဉ် စားသုံးပေးသွားရမှာပါ။ ဤသို
့စားသုံးလျှင် ရုပ်ရည်အဆင်းနုပျို၍ အရွယ်တင်ကာ အသက်ရှည်စေကြောင်း၊ ဘုန်းကြီး၍
ဥာဏ်ပညာထက်မြက်ကာ ကျက်သရေမင်္ဂလာအပေါင်းနှင့် ပြည့်စုံစေကြောင်း ယုံကြည်ကြပါတယ်။
ဒါကြောင့်လည်း တန်ဆောင်း မုန်းလပြည့်နေ့ည (၁၂)နာရီတိတိအချိန်ကို
ဆေးပေါင်းခတဲ့ညရဲ့ အမြင့်ဆုံး၊ အစွမ်းထက်ဆုံး အချိန်လို့သတ်မှတ်ပြီး
တိုင်းရင်း ဆေးဆရာကြီးများက ဆေးဝါးမျိုးစုံကို ဖော်စပ်လေ့ရှိကြပါတယ်။ << မဲဇလီ နှင့်ကျန်းမာရေး >>
ရုက္ခဗေဒအမည်အရ Cassiasiamea Linn မျိုးရင်းဖြစ်ပါတယ်။ ၁၀၀ ဂရမ်အလေးချိန်ရှိ
တဲ့ မဲဇလီဖူး နှင့် အရွက်တို့ ကို ဆေး သိပ္ပံနည်းအရ ဓာတ်ခွဲစမ်းသပ်ကြည့်ရာ၊
ကယ်လိုရီ ၁၀၀၊ ပရိုတင်း ၇.၁ ဂရမ်၊ အဆီဓာတ် ၁.၀ ဂရမ်၊ ကစီဓာတ် ၁၇.၉ ဂရမ်၊
ထုံးဓာတ် ၄၄.၁ မီလီဂရမ်၊ သံဓာတ် ၁၇.၀ မီလီဂရမ်၊ ဗီတာမင် အေအိုင်ယူ ၁၄၅၀၀၊
ဗီတာမင်ဘီဝမ်း ၀.၄ မီလီဂရမ်၊ ဗီတာမင်ဘီတူး ၀.၆၉ မီလီဂရမ်၊ နိုင်ယာစင် ၁.၃
မီလီဂရမ်၊ ဗီတာမင်စီ ၁၀၁ မီလီဂရမ် တို့  အသီးသီးပါရှိကြပါတယ်။ ဒါ့အပြင်
ဟင်းသီးဟင်းရွက်များမှာ ရှားရှားပါးပါးတွေ့ ရခဲသော ဆေးဘက်ဝင် glycosides,
terpenoids, tannins, saponins, flavonoids နှင့် steroids တွေလဲ
ပါရှိကြပါသေးတယ်။
(၁) ချို၊ ဆိမ့်၊ ဖန် အရသာ သုံးမျိုးရောပြွမ်း၍ ခါးသက်သက်အရသာလွှမ်းမိုးသော
မဲဇလီပင် မှာ အာပေါဓာတ်ကြီးစိုး၍ ၀ါယော ဓာတ် ပူးတွဲပါရှိနေတာကြောင့်
ရှေးတိုင်းရင်းသမားတော်ကြီးများက မြန်မာ့ရိုးရာဆေးမြီးတိုအဖြစ်
အိပ်မပျော်ခြင်း၊ သွေးတက်ခြင်း၊ ရုပ်ရည်ခန်းခြောက်ခြင်း၊ အသက်ရှုပြွန်ချောင်း
ရောင်ခြင်း၊ ချောင်းခြောက်ဆိုးခြင်း စတဲ့ ရောဂါများအတွက် ကုသပေးခဲ့ကြ ပါတယ်။
(၂) အိန္ဒိယနိုင်ငံမှာတော့ ကာလသားရောဂါ ရှန်ကာနာ ကို မဲဇလီရွက်ဖြင့်ကုသလေ့ရှိပါတယ်။
(၃) သမ်းဝေပြီး အိပ် မပျော်ခြင်းအတွက် မဲဇလီဖူးကိုသုပ်၍စားကနှစ်နှစ်ခြိုက်ခြိုက်အိပ်ပျော်စေနိုင်ပါတယ်။
(၄) ပါးစပ်အတွင်း အပူထွက်ခြင်း၊သွားဖုံး ရောင်ခြင်းတို့ အတွက် မဲဇလီရွက် နှင့် အပွင့်တို့ ကို ခပ်ကျကျပြုတ်၍ငုံပေးပါက သက်သာပျောက်ကင်းနိုင်ပါတယ်။
(၅) မျက်စိ နာခြင်းအတွက်မဲဇလီမြစ်ကိုသွေး၍ မျက်စိတ၀ိုက်ကွင်းပေးပါ။
(၆) ကနခိုစေ့စား၍၀မ်းသွားလွန်ခြင်းအတွက် မဲဇလီမြစ်ကို ထန်း လျက်နှင့်ပြုတ်၍ သောက်ပေးခြင်းဖြင့်
ဝမ်းရပ်တန့် ပါလိမ့်မယ်။
(၇) ချောင်းဆိုး၊ ရင်ကျပ်၊ လည်ချောင်းနာဖြင်းတို
့အတွက် မဲဇလီ ရွက် နှင့် မုရားကြီးရွက်တို့ ကိုဆတူရော၍
သုံးခွက်တစ်ခွက်တင်ကြိုပြီးနောက် ငုံပေးခြင်းဖြင့် သက်သာပျောက်ကင်းနိုင်ပါတယ်။
(၈) ကလေးများ သန်ထပါက မဲဇလီရွက်လတ်လတ်ဆတ်ဆတ်ထောင်းရည် (သတ္တုရည်) နှင့်
သံပုရာရည် ရောစပ်တိုက်ပေးခြင်း ဖြင့် သန်ကျစေနိုင်ပါတယ်။
(၉) ၀မ်းချုပ်ပြီးစမြင်းခံခြင်းအတွက် မဲဇလီဖူးကိုပြုတ်၍ တို့ စရာအဖြစ်စားပေးပါက ၀မ်းမှန်၍ လေ
သက်စေနိုင်ပါတယ်။
(၁၀) ကင်း၊ ပုရွက်ဆိတ် စတဲ့ အဆိပ်ရှိသတ္တ၀ါတွေအကိုက်ခံရပါက၊
မဲဇလီရွက်ကိုကြိတ်၍ ဒဏ်ရာပေါ် အုံပေးပါက အဆိပ်ပြေစေပါတယ်။
(၁၁)နှင်းခူအစိုအတွက် မဲဇလီရွက်ကို သံပုရာရည်နှင့်ကြိတ်၍ နှင်းဖူပေါ်အုံခြင်း၊
မဲဇလီရွက် ပြုတ်ရည်ဖြင့် ဖန်ရည်ဆေးပေးခြင်းတို့ ပြုလုပ်ပေးပါ။
(၁၂)အမျိုးသမီးများ မျက်နှာပေါ်တွင် မီးယပ်ကွက်ထွက်ခြင်းအတွက် မဲဇလီပွင့် (သို
့မဟုတ်) အရွက်ကို အခြောက်လှမ်း အမှုန့်ကြိတ်၍ ရေဖြင့်ဖျော်ပြီး လိမ်းပေးပါ။
(၁၃) မဲဇလီရွက်ပြုတ်ရည်ဖြစ်စေ၊ အရွက်ကို အခြောက်လှမ်းအမှုန့် ကြိတ်၍ဖြစ်စေ
ပျားရည်နှင့်ရောစပ်စားပေးပါက သွေးသားသန့် စင်၍ အားအင်ပြည့်ဖြိုး စေပါ တယ်။
(၁၄) မဲဇလီ ဖူးထဲတွင်ပါရှိသော သဘာဝအခါးဓာတ်က အသည်းအားကောင်းစေပါတယ်။
(၁၅)အစာချေစံနစ်ကိုကောင်း မွန်စေရုံသာမက၊ ပျို့ အန်ခြင်း၊ အက်စစ်ဆန်တက်၍
လေချဉ်တက်ခြင်း၊ ရင်ပူခြင်းတို့ ကို သက်သာစေပါတယ်။
(၁၆) ခန္ဓာကိုယ်အတွက်လိုအပ်သော ပရိုတင်းဓာတ်ကိုဖြည့်တင်းပေးပြီး၊ ကိုယ်ခန္ဓာကြီးထွားမှုကို
ကောင်းစွာအထောက်အပံ့ ပေးပါတယ်။
(၁၇) အူမကြီးကို ကောင်းစွာအလုပ်လုပ်စေလို့ ၊
ဝမ်းပျော့ပျော့သွားစေပါတယ်။ ထို့ ပြင် အူမကြီး နှင့် အူသိမ်အူမများထဲရှိ တုပ်
ကောင်/သန်ကောင်စတဲ့ ကပ်ပါးကောင်များကို ဖယ်ရှားပေးလို့  အူကိုသန့် စင်စေပါတယ်။
(၁၈) ကစီဓာတ်ကြွယ်ဝစွာပါရှိခြင်း ကြောင့်၊ ခန္ဓာကိုယ်တွင်းဇီဝဖြစ်စဉ်ကို
ကောင်းကျိုးပြုပါတယ်။
(၁၉) သရက်ရွက်ထဲရှိ ကောင်းသောဆဲလ်အသစ်များကို တိုးပွားစေတာကြောင့်၊ သရက်ရွက်ကို ကျန်းမာစေပါတယ်။
(၂၀) မဲဇလီဖူးထဲတွင်ပါရှိသောသဘာဝအဆီဓာတ်က ခန္ဓာကိုယ်ထဲရှိ မ ကောင်းသောဓာတ်များကို လောင်ကျွမ်းစေပါတယ်။
(၂၁)အစွမ်းထက် ဓာတ်တိုးဆန့်ကျင်ပစ္စည်းများအပြင်၊ ပိုလီဖီနောဓာတ် များပါရှိသဖြင့်
ခန္ဓာကိုယ်အတွက် မလိုလားအပ်သော ဖရီးရယ်ဒီကယ်များကို
သုတ်သင်ဖယ်ရှားပေးတာကြောင့်၊ အူမကြီးကင် ဆာ၊ အစာအိမ်က်ငဆာ ဆာရောဂါများမဖြစ်စေနိုင်ပါ။
(၂၂) မဲဇလီဖူးထဲတွင်ပါရှိသော သတ္တုဓာတ်ပေါင်းစုများက သူငယ်နာ
အရိုးပျော့ရောဂါကို ကာကွယ်ပေးတာကြောင့် မွေးဖွားလာသော ကလေးများတွင်
ပိုလီရိုရောဂါမဖြစ်စေရန် ကြိုတင်ကာကွယ် သည့်အနေဖြင့် ကိုယ်ဝန်ဆောင်မိခင်များ
မဲဇလီဖူးကို မဖြစ်မနေစားသုံးသင့်ပါတယ်။
(၂၃) ဓာတ်ခွဲစမ်းသပ်ချက်များအရ၊မဲဇလီဖူး-ရွက်-ပွင့်ထဲတွင်ပါရှိ်သော အာဟာရဓာတ်များက ဟင်းနုနယ်တွင် ပါရှိသောအာဟာရဓာတ်များနှင့် အလားတူတယ်လို့  ဆိုပါတယ်။
တန်ဆောင်မုန်းလပြည့်ညမှာ ကာလသားတွေဟာ အိမ်ကတာ၊ လမ်းတကာမှ ပစ္စည်းများကို
ဟိုဟိုဒီဒီ နေရာရွှေ့ကာ၊ စနောက် လေ့ရှိကြတဲ့ “ကျီးမနိုးပွဲ” (၀ါ) “စောရပွဲ”
ဟာလည်း ချစ်စရာ့မြန်မာ့ရိုးရာဓလေ့လေးပါ။ ဆေးပေါင်းခတဲ့ တန်ဆောင်မုန်း
လပြည့်ညလေးမှာ မိသားစတွေ ပျော်ရွှင်စွာဝိုင်းဖွဲ့ ကာ မဲဇလီဖူးသုပ်လေးစားရင်း၊
ရောဂါဘယကင်းဝေးကြပါစေလို့ ဆန္ဒပြုရင်း။
(ဆောင်းပါးရှင်…ပေါက်ပေါက်...ရေးသားမျှဝေသည်)
