နေပြည်တော်စိုက် ဆေးဖက်ဝင် နဂါးမောက်သီးများ

(နေပြည်တော် သြဂုတ် ၁၆)

နေပြည်တော် ဇေယျာသီရိ မြို့နယ် ပင်လောင်း လမ်းဆုံ နဂါးမောက် သီးစိုက်ခြံများ၌ စိုက်ပျိုးထားသော နဂါးမောက်သီးများ လှိုင်လှိုင် ထွက်ရှိနေ သဖြင့် ထွက်ရှိသော နဂါးမောက်သီး များအား ဟိုတယ်ဇုန်၊  အာဟာရ သုခကုန်စိမ်း ဈေးနှင့် နေပြည်တော် မြို့မဈေးများသို့ တိုက်ရိုက် ရောင်းချ လျက်ရှိခြင်းဖြင့် နဂါးမောက် သီးစိုက် ပျိုးသူများ ဝင်ငွေ ကောင်းလျက် ရှိကြောင်း သိရသည်။ 

နဂါးမောက် သီးသည် မိုးများ စွာရွာ သွန်းသော  မေလမှစ၍  ဒီဇင်ဘာလ အထိ  အသီးလှိုင်လှိုင် ထွက်ရှိကာ  နွေအခါ၌မူ အပူချိန် မြင့်မားမှုနှင့် မိုးရေကောင်းစွာ မရရှိသဖြင့် အဖူးအားလုံး ပန်းမပွင့်နိုင်ဘဲ  အပွင့်အား လုံး လည်း အသီးမတင် နိုင်ကြောင်း၊ နဂါးမောက် သီးသည် ပိုးမွှား ကျရောက်မှု နည်းကာ 

ဓာတုပစ္စည်း လွတ် အော်ဂဲနစ်သီးနှံ ဖြစ်သည့်အပြင် အူမကြီး ကင်ဆာနှင့် ဆီးချို၊ ဆီးလွန် ရောဂါများကို ကာကွယ် ပေးခြင်း၊   အဆိပ် အတောက်ဖြစ်စေ သော heavy metal များကိုချေဖျက် ပေးသဖြင့် ကိုလက်စထရော ကိုလျော့ ကျစေခြင်း၊ သွေးတိုးနှုန်း ကျဆင်းစေခြင်း၊ နဂါးမောက်သီးကို ကြာရှည်စွာ စွဲစွဲမြဲမြဲ စားသုံးခြင်းဖြင့်   ချောင်းဆိုး ရင်ကျပ်ရောဂါကို  သက်သာ ပျောက်ကင်း စေကြောင်း သိရသည်။ 

ထို့ကြောင့် တရုတ်လူမျိုး များသည် နဂါးမောက် သီးကို စွဲမြဲစွာ စားသုံးနေ သည့်အပြင် ကျန်းမာရေး လိုက်စားသူ တိုင်းလည်း နဂါးမောက် သီး၏ ကျန်းမာရေး အတွက် အထောက် အကူပြုသော တန်ဖိုးများ သိရှိကာ စားသုံး လာကြသဖြင့် နဂါးမောက် သီးသည် ဈေးကွက်ဝင် သီးနှံအဖြစ် အခိုင်အမာ ရပ်တည်နေ ကြောင်း၊ 

 နဂါးမောက် သီးသည် မျိုးအလိုက် အနီရောင်၊ အဖြူရောင်၊ ပန်းရောင်နှင့် အဝါရောင် သန်းသော ပန်းရောင်ဟူ၍ ရှိရာ အနီရောင် နဂါးမောက် သီးသည် ကျန်းမာရေး အတွက် ဆေးစွမ်း ပိုထက်သည်ဟု သိရ သည်။

 နဂါး မောက် သီးကို ဖျော်ရည်၊ အစာသွပ်မုန့် အဖြစ် လည်းကောင်း၊ ဂျယ်လီတွင် ထည့် ၍ လည်းကောင်း၊ နွားနို့နှင့် ရောစပ်၍ လည်းကောင်း၊ ယိုပြုလုပ်၍ လည်းကောင်း၊ ရေခဲမုန့်များ ပေါ်တွင် တင်၍ လည်းကောင်း၊ ယမကာ ထဲတွင် စိမ် လျက် လည်းကောင်း ရောစပ်စားသုံး နိုင်သည်။ 

ပထမအကြိမ်တွင် နဂါးမောက် သီးသည် အသီးအထွက် နည်းပြီး အသီးငယ်ပါက နောက်တစ် ကြိမ်တွင် အသီးထွက် များများနှင့် အသီးကြီးကြီး သီးစေရန် အချိန်မီ ပြုပြင် စိုက်ပျိုး နိုင်သည်။ 

လတ်တလော၌ နေပြည်တော်မှ စိုက်ပျိုးထွက် ရှိသော နဂါးမောက် သီးများအား Capital? ဟိုတယ် ဇုန်များ၊ နေပြည်တော် မြို့မဈေးနှင့် ကင်ပွန်းတန်း အာဟာရသုခ ကုန်စိမ်းဈေးရှိ  သစ်သီးစုံ ဆိုင်များသို့ တစ်လုံးလျှင် ငွေကျပ် ၈ဝဝ မှ ငွေကျပ် ၁ဝဝဝ အထိ အရွယ်အစား အလိုက်   ရောင်းချလျက် ရှိကြောင်း၊

 နေပြည်တော် ၌ နဂါးမောက် သီးကို စီးပွားဖြစ် စိုက်ပျိုး လိုသူများ အတွက် နေပြည်တော် ဇေယျာ သီရိမြို့နယ် ပင်လောင်း လမ်းဆုံ ဧက ၃ဝ နဂါးမောက်သီး စိုက်ခြံမှ ပျိုးပင်များ ထုတ်လုပ် ရောင်းချလျက် ရှိရာ အိမ်တွင်း သီးပင်စားပင် အဖြစ် စိုက်ပျိုး လိုသူများ၊ စီးပွားဖြစ် စိုက်ပျိုးလို သူများ လွတ်လပ်စွာ ဝယ်ယူရရှိ  နိုင်ကြောင်း သတင်းကောင်း ပါးလိုက် ရပါသည်။   

Posted in: နဂါးမောက်သီး