မုန့်ဟင်းခါးချက်မယ်ဆိုရင်တော့ မုန့်အချိန်တစ်ဆယ်မှာ -
•ငါးခူ(သို့)ငါးကျည်း (၃)ပိဿာ၊
•ငံပြာရည်အချိုတစ်ပိဿာ၊
•ကုလားပဲခြမ်း(၅၀)ကျပ်သား၊
•ကြက်သွန်နီ (၃)ပိဿာ၊
•ကြက်သွန်ဖြူ
•အစိတ်သား၊ဆီတစ်ပိဿာ၊
•ဆန်လှော်မှုန့်(၇၀)ကျပ်သား၊
•စပါးလင်(၁၅)ချောင်း၊
•ချင်း(၁၅)ကျပ်သား၊
•ငရုတ်သီးအစိမ်းမှုန့်(၁၀)ကျပ်သား၊
•ငရုတ်သီးအပွ (၂)ကျပ်ခွဲသား၊
•ငရုတ်သီးအလှော်မှုန့်(၁၅)ကျပ်သား၊
•ငရုတ်ကောင်း(၂)ကျပ်ခွဲသား၊
•ငှက်ပျောအူတစ်ပိုင်း၊
•ဘဲဥ(၂၅)လုံး၊
•နံနံပင်(၅၀)ကျပ်သား၊
• ရှောက်သီး(၅)လုံး၊
•နနွင်း၊
• ဆားအနည်းငယ်နဲ့
• မြေပဲ(၇၅) ကျပ်သား လိုအပ်ပါတယ်။
ပထမဆုံးငါးကို ရေစင်အောင်ဆေး၊ဆူးတောင်ဖြတ်၊ ဗိုက်ဖောက်ပြီး ငရုတ်သီးပွအတောင့်၊ ငံပြာရည်၊ ချင်းတို့ရဲ့ ရေမြုပ်အောင်ထည့်ပြီးပြုတ်ရပါမယ်။
ငါးကျက်လာရင် ဆယ်ယူကာအအေးခံပြီးအရိုးထွင်ရပါမယ်။
အရိုးတွေကိုထောင်းပြီး ရေစစ်ရပါမယ်။
ငါးရိုးတွေထောင်းတဲ့အခါ ငါးနဲ့အတူပြုတ်ထားတဲ့ငရုတ်သီးတောင့်အပွတွေကိုပါ ရောထောင်းရပါမယ်။
ဘဲဥကိုပြုတ်ပြီး အအေးခံကာ အခွံချွတ်ထားရပါမယ်။
ကြက်သွန်နီတစ်ပိဿာကိုပါးပါးလှီးပြီးကြွပ်နေအောင်ကြော်ထားရပါမယ်။
မြေပဲကိုလှော်အခွံချွတ်ပြီး ညက်အောင်ထောင်းထားရပါမယ်။
ကြက်သွန်ဖြူ၊ချင်းနဲ့စပါးလင်တို့ကို ညက်အောင်ထောင်းထားရပါမယ်၊
အဲဒီနောက် အရိုးထွင်ထားတဲ့ငါးများကိုငရုတ်သီး အရောင်တင်မှုန့်၊အမွှေးအကြိုင်များနဲ့ ဆီသတ်ရပါမယ်။
ကုလားပဲတွေကို ပြုတ်၊ ဆန်ခါနဲ့တိုက်ချပြီး ငါးပြုတ်အိုးထဲမှာပဲ ရေ၊ဆန်လှော်မှုန့်နဲ့ မြေပဲမှုန့်တို့ကို ရေဖျော်ကာ မီးဖိုပေါ်တည်ရပါမယ်။
အဲဒီငါးပြုတ်အိုးထဲကို ငါးအရိုးတွေထောင်းပြီး ရေစစ်ထားတဲ့အချိုရည်တွေကိုပါ ထည့်ပြုတ်ရပါမယ်။
အဆက်မပြတ်မွှေပေးရင် ပွက်ပွက်ဆူလာတဲ့အခါ ပါးပါးလှီးထားတဲ့ငှက်ပျောအူနဲ့ အခွံခွာထားတဲ့ကြက်သွန်ဥများကိုထည့်ရပါမယ်။
ရေကျလာတဲ့အခါငါးဆီသတ်ကို လောင်းထည့်ရပါမယ်။
မွှေးနံ့လှိုင်လာပြီဆိုရင်တော့မှ ပါးပါးလှီးထားတဲ့ဘဲဥများထည့်ရပါမယ်။
နောက်ဆုံး မုန့်ဟင်းခါးဟင်းရည်ကိုအပေါ့၊ အငန်မြည်းပြီး အနေတော်ဖြစ်ပြီဆိုရင်တော့ ငရုတ်ကောင်းခတ်ပြီး ကြော်ထားတဲ့ကြက်သွန်ကြော်များကိုအုပ်လို့မီးကိုလျှော့ကာ အဖုံးအုပ်ထားရပါမယ်။ ဒီအခါမှာတော့အနံ့အရသာပြည့်စုံကောင်းမွန်လှတဲ့မုန့်ဟင်းခါးဟင်းရည် တစ်အိုးကို ရရှိနိုင်ကြပြီဖြစ်ပါတယ်။
မုန့်ဟင်းခါးထဲမှာ နံနံပင်၊ငရုတ်သီးမှုန့်တို့အပြင်အချဉ်ကြိုက်တတ်ရင်ရှောက်သီးလေးပါညှစ်ပြီအရသာရှိရှိသုံးဆောင်နိုင်ကြ
ပါတယ်။ ဒါ့အပြင် ဘူးသီးကြော်၊ ပဲခြမ်းကြော်၊မန္တလေးပဲကြော်၊ ငါးဖယ်ကြော်၊ ဘဲဥ၊ အီကြာကွေး စတဲ့ အကြော်များနဲ့လည်း တွဲဖက်သုံးဆောင်နိုင်ကြပါတယ်။
အချို့ဒေသတွေမှာတော့ငါးသလောက်ဥ၊ ငါးချဉ်၊ ပုစွန်ချဉ် တို့ကိုထည့်စားလေ့ရှိကြပါတယ်။
မုန့်ဟင်းခါးမှာ ငါး၊ ပဲ၊ ဆီ၊ ဆန်၊နံနံပင်၊ ရှောက်သီး၊ပဲသီးနဲ့အကြော်များပါဝင်တဲ့အတွက်အာဟာရပြည့်ဝစွာ ပါဝင်တာတွေ့ရပါတယ်။
မုန့်ဟင်းခါးမှာ ပါဝင်တဲ့ အာဟာရဓာတ်တွေကတော့ အင်အားဓာတ်၊ကစီဓာတ်၊ ကာဗိုဟိုက်ဒရိတ်နဲ့ ကယ်လစီယမ်တို့ ပါဝင်ပါတယ်။
• ဆန်းဆန်းဦး(မြန်မာ့အသံ)
