ဒီနေ့ ဆိုင်ထဲကိုဝင်တော့ စားပွဲတိုင်းလိုလိုလူပြည့်နေတာမို့ ၊ အမကြီး တစ်ယောက် ထိုင်နေတဲ့ စားပွဲမှာ ခွင့်တောင်းပြီး ၀င်ထိုင်လိုက်ပါတယ်။ ဒီနေ့ စားတဲ့သူများ တာေ ကြာင့် ကျွန်မမှာထားတဲ့ နို့ စိမ်းခေါက်ဆွဲ တော်တော်နဲ့  ရောက်မလာသေးလို့  လက်ထဲ မှာ ပါလာတဲ့ ပြည်ထောင်စုနေ့ စဉ် သတင်းစာကိုဖတ်ရင်း စောင့်နေရပါတယ်။ ပြီးတော့ စားပွဲပေါ်မှာ အဆင်သင့် လှီးစိပ်တင်ထားတဲ့ သံပုရာသီး တစ်စိပ်ကို ရေနွေးကြမ်း ပန်းကန်လုံးထဲထဲ့ပြီး ရေနွေးကရားဌဲ့ လောင်းချရင်း တကျိုက်ချင်းသောက်နေခဲ့ပါတယ်။
အဲဒီအခါမှာ ကျွန်မရှေ့ တည့်တည့်မှာ ထိုင်နေတဲ့အမကြီးက စကားစလာပါတယ်။ “ ညီ မလေး အဲဒီလို ဘာအတွက် သောက်တာရတာလဲ၊ ဘာကောင်းလဲဟင် ” တဲ့။ ကျွန်မက “ အဲဒီလိုသောက်တော့ မုန့် ဟင်းခါး၊ နို့ စိမ်းခေါက်ဆွဲတွေစားပြီးတဲ့ အခါ တော် ရုံတန် ရုံသွေးမတိုးတော့တဲ့အကြောင်း၊ အအီပြေစေကြောင်း၊ အထူးသဖြင့် သံပုရာသီးအခွံထဲ မှာ ရှိတဲ့ သဘာဝအဆီက ရေနွေးတဲ့ဓာတ်ပြုပြီးတဲ့အခါ ခံတွင်းရှင်း-အဆီကျ-ကိုလက်စ ထရောကျ စေကြောင်း၊ ဒါကြောင့် နေ့ စဉ် နံက်စာစားပြီးတိုင်း သံပုရာသီးကို အတန် ငယ် ပျော့ သွားအောင် စားပွဲပေါ်လှိမ့်-၄ စိပ် စိပ်-အရည်မညှစ်ဘဲ ရေနွေးပူပူထဲ့တားတဲ့ ခွက်ထဲစိမ်အဖုံးဖုံးပြီး ရေဆာတိုင်းသောက်သင့်ကြောင်း ”စိတ်ရှည်လက်ရှည် ရှင်းပြခဲ့ ပါတယ်။
ဆက်လက်ပြီး အဲဒီ အမကြီးက “သူ့ မှာ အစာအိမ်အချဉ်ပေါက်တဲ့ရောဂါရှိလို့ ၊ သံပုရာ ရည်စွဲမသောက်ရဲ ပါဘူး။ ဒါကြောင့် ဘာသောက်သင့်သလဲ ” လို့ မေးပါတယ်။ ကျွန်မ “ချဉ်စော်ခါးသီး အခြောက် ၃-ဖတ် လောက် ကို ရေစင်အောင်ဆေးပြီး၊ ရေနွေး ပူပူခွက်ထဲစိမ်သောက်လို့ ရကြောင်း၊ အဲဒီလိုသောက်တဲ့အခါ ပထမဆုံးစသောက်တဲ့ တစ်ကြိမ်သာ ချဉ်ကြောင်း၊ သို့ သော် သံပုရာသီးလိုအချဉ်မစူးကြောင်း၊ ချဉ်စော်ခါး သီးကလည်း အဆီချ-ကိုလက်စထေရောကျစေကြောင်း၊ ၀က်ခြံပျောက်စေကြောင်း၊ သူ့ ရဲ့ ထူးခြားချက်က ပတမဆုံးတစ်ခွက်သောက်ပြီး နောက် ၁၅-မိနစ်လောက်အကြာ မှာ ဆီးအိမ်ထဲမှာ ရှိတဲ့ဆီးတွေတစက်မကျန် ဆီးသွားပစ်တာကြောင့် ကိုယ်ထဲက ယူရစ်အက်ဆစ်တွေကျပြီး သိသိသာသာ ပေါ့ပါးသွားကြောင်း၊ ဒါကြောင့် အသိမိတ်ေ ဆွတွေ ထဲမှာ ဆီးချုပ်-ဆီးအောင့် ရောဂါရှိသူတွေကို ချဉ်စော်ခါးသီးရေးနွေး စိမ်ေ သာက် ခိုင်းစေလိုကြောင်း၊ ကျွန်မကတော့ ခုလို နေ့ စဉ်သောက်ပြီး၊ တနေကုန် ရေဆာ တိုင်း ခွက်ထဲကို ရေနွေးလောင်းစိမ်သောက်လေ့ရှိပြီး ရုံးဆင်းခါနီးမှာ အဖတ်တွေကိုဝါး စားလေ့ရှိကြောင်း၊ ချဉ်စော်ခါးသီးခြောက်က ဈေးမကြီးကြောင်း၊ ၁၀ သားကို ကျပ် ၁၂၀၀ သာရှိပြီး အများကြီးရကြောင်း၊ ရောင်းတဲ့ဆိုင်နေရာကိုပါ ညွှန်ပြ ” ပြောပြခဲ့ ပါတယ်။
ဒီတော့ အဲဒီအမကြီး က “ခုလိုပြောပြလို့ ကျေးဇူးတင်ကြောင်း၊ ညီမလေး ပြောပြသ လိုဘဲ ကျန်းမာရေးဆေး ဖက်ဝင်တဲ့စာတွေကို စာရေးဆရာ ပေါက်ပေါက် ကြေးမုံ သတင်း စာမှာ ရေးတာကို ဖတ်ရကြောင်း၊ တချို့ စာတွေကို ကတ်ကြေးနဲ့ ညှပ်သိမ်း ထားကြောင်း၊ အဲဒီ ဆရာ ကို ကျေးဇူးတင်ကြောင်း ” ပြောလာတဲ့အခါ၊ မထင်မှတ် ဘဲကြားလိုက်ရတဲ့ကျွန်မ အားရပါးရပြုံးရယ်မိရင်း “ပေါက်ပေါက် ဆိုတာ ဆရာမဟုတ်ေ ကြာင်း၊ အမျိုးသားမဟုတ်ကြောင်း၊ အမျိုးသမီးဖြစ်ကြောင်း…အဲဒီပေါက်ပေါက်…က ကျွန်မပါဘဲ ”လို့  အသံအုပ်ပြောပြလိုက်တော့၊ အမကြီးက “အံ့သြ၀မ်းသာတကြီးနဲ့  အာမေဋိတ်သံတွေပါထွက်ကျလာပြီး၊ ခုလို မထင်မှတ်ဘဲ ဆုံတွေ့ ရတာ ၀မ်းသာ လိုက်တာ..ဆောင်းပါးတွေဖတ်ပြီးတိုင်း အဲဒီစာရေးဆရာကို ကျေးဇူးတင်ပြီး ကျန်းမာ ပါစေကြောင်း အမြဲမေတ္တာပို့ နေတာပါ ၊ အဲဒီလို များများရေးပေးပါ၊ နေ့ တိုင်း ဖတ်ချင်နေတာပါ၊ တခြားဘယ်သတင်းစာတွေရေးသေးလဲ၊ ရှာဖတ်ပါ့မယ်” တဲ့။
ကျွန်မက “အဲဒီလို ကျန်းမာရေးဆောင်းပါးတွေ ရေးထားတာ အပုဒ် ၂၀၀ နီးပါးရှိ ပါကြောင်း၊ သတင်းစာမှာ နေ့ တိုင်းပါပြီး စာဖတ်သူတွေကို သိစေချင်ပေမယ့်၊ သတင်း စာရဲ့ စာမျက်နှာအနေအထားအရ..အကြောင်းကြောင်းတွေကြောင့် သတင်းစာတိုက်က အယ်ဒီတာတွေ ခွင့်ပြုမှ ဖော်ပြနိုင်ကြောင်း” သေသေချာချာ နားလည်အောင် ရှင်းပြရ ပါတယ်။
သူမက ကျွန်မထက်ဆိုင်ကို အရင်ရောက်ပြီးလို့  စားပြီးသွားတာကြောင့် ပြန်ခါနီး ကျွန်မရဲ့ ဘယ်ဘက်ပုခုံးကို ရင်းရင်းနှီးနှီး ၃-ကြိမ် ဖျစ်ညှစ်ပြီး နှုတ်ဆက်ပြန်သွား ပါတယ်။ ကျွန်မ နေ့ တိုင်းစားနေကျ နို့ စိမ်းခေါက်ဆွဲလေးက ဒီနေ့ မှာ ထူးထူးခြားခြား အရသာပိုကောင်းပြီး အားပြည့်သွားသလိုခံစားလိုက်ရပါတယ်။ ကိုယ့်နံမည်ကို အမှတ်တယသိနေတဲ့ စာဖတ်ပရိတ်သတ်တစ်ယောက်ကို ခုလို အပြင်မှာမျက်မြင် ကိုယ်တွေ့  ဆုံရတာ နည်းတဲ့အခွင့်အရေးမဟုတ်ဘူးလေ။ (နောက်ပြီး ကျွန်မရေး တဲ့ ဆောင်းပါးလေးတွေကို သတင်းစာမှာစောင့်ဖတ်နေတယ် ဆိုတာသိရတော့…ြ ပည်သူ့ အကျိုးပြုနိုင်အာင် ဒိထက်ပိုပြီး ကြိုးစားရဦးမယ်လို့  …)
** ချဉ်စော်ခါးသီး(ခေါ်)ချဉ်စော်ကားသီး ၏ ကျမ္မာရေးအစွမ်းသတ္တိများ **
ရှေးလူကြီးများ တောင်ပေါ်ဒေသလူမျိုးများ၏ ရေလဲသုံးသော အဖိုးတန်ဆေးဖက်ဝင်အသီးဖြစ်ပါတယ်။ အသီးရင့်မှည့်လာပါက ပါးလွှာသောအခွံမာလေးအား ဖြည်းညှင်းစွာ ဓါးဖြင့်နွှာရပါတယ်။ ရေဖြင့်စင်ကြယ်စွာဆေးကြောပြီးတဲ့အခါ ဓါးဖြင့်ပါးလွှာစွာ လှီးဖြတ်ပါ။ ပြီးရင် ဆားအနည်းငယ်နှင့် ပျားရည်(သို့ မဟုတ်)သကြားသင့်ရုံထည့်ပြီး တစ်ရက်ခန့် နှပ်ထားပါ။ (ချင်းပါးပါးလှီးထဲ့ပါက အရသာပို၍ ကောင်းမွန်စေပါတယ်)နောက်တစ်နေ့ မှာ တစ်ပြား မှ နှစ်ပြား တစ်နေ့  (၃)ကြိမ်မျှစာေးပးခြင်းဖြင့်- (က) လေထိုးလေအောင့်ခြင်းကို သက်သာစေပါတယ်။ (ခ) အစာကြေ ရင်ချောင်စေနိုင်ပါတယ်။ အသံကိုကြည်လင်စေပါတယ်။ (ဂ) သွေးတိုးသောသူများ၊ နှလုံးအဆီပိတ်သူများ၊ အဆီများသူများ၊ အသည်းရောဂါ ဝေဒနာရှင်များနှင့် ခန္ဓာကိုယ်တွင်း အဆီများသူများကို ကောင်းကျိုးပြုရုံသာမက သက်ရှည်ကျန်းမာစေပါတယ်။ (ဃ) တိုင်းရင်းဆေးပညာအလိုအရ တေဇောဓာတ်၊ ပထ၀ီဓာတ် နှင့် အာပေါဓာတ်ကြွယ်ဝ၍ ၀ါယောဓာတ်ကို ပို့ ဆောင်ပေးနိုင်တာကြောင့် အာယုဝဃုန သက်ရှည်ကျန်းမာစေသော အသီးဖြစ်ပါတယ်။
ရှေးသမားတော်ကြီးများ၏ အဆိုအရ- (က) ချဉ်စော်ခါးသီးကို ပါးပါးလှီး၍ ၀က်သားဖြင့် ချက်စားခြင်းဖြင့် ၀က်သားနှင့်မတည့်သော သူများအတွက် အန္တရာယ်ကင်းစွာ စားသုံးနိုင်ပါတယ်။ (ခ) ငဒန်၊ ငမြင်းစာသော အဆီများသော ငါးများဖြင့်လည်း ချက်စားနိုင်ပါတယ်။ (ဂ) ကြက်၊ ဘဲ များဖြင့် ချက်စားလျှင်လည်း လွန်စွာ အရသာ ရှိပါတယ်။
<မှတ်ချက်> ရန်ကုန်မှာတော့ အသီးခြောက်ဘဲ ၀ယ်လို့ အဆင်ပြေပါတယ်။ ပန်းဆိုးတန်းက Ruby Mart မှာ ချဉ်စော်ခါးသီးခြောက် ထုတ်တွေ ရောင်းပါတယ်။ City Mart ဆိုင်တိုင်းမှာလည်း ရမယ်ထင်ပါတယ်။ နောက်ပြီး ဘုန်းကြီးလမ်း စံပြရုပ်ရှင်ရုံ အောက် ပတ်ဝန်းကျင်တွေမှာ လ္ဘက်-ကြက် သွန်ကြော် -မြေပဲ ရောင်းတဲ့ လမ်းဘေးဆိုင်လေးတွေမှာ ချဉ်စော်ခါးသီးခြောက်ကို ပလပ်စတစ် အိတ်ကြီးထောင်ပြီး ၁၀ ဆယ်သားကို ၁၂၀၀ကျပ်နဲ့  ရောင်းနေပါတယ်။
(ဆောင်းပါးရှင်… ပေါက်ပေါက်… မျှဝေသည်)
--
promise.pauk
(ရိုးသားမှုသည်တခါတရံ၌ရှုံးနိမ့်စေတတ်၏။သို့ သော်တစ်သက်လုံးကားလိပ်ပြာလုံစေတော့၏။)
