Pages - Menu

23 Sep 2013

ထူးခြားဆန်းပြား သခွားသီးလေးများ

သခွားသီးတို့ သည် အအေးစာသီးနှံများဖြစ်ကြသော ဗူး၊ ဖရုံ၊ ဖရဲသီး မျိုးနွယ်ဖြစ်ပြီး၊ လွန်ခဲ့သော နှစ်ပေါင်း ၁၀၀၀၀ ကျော်ခန့်  မှ စ၍ အိန္ဒိယနိုင်ငံမှာ စတင်ပေါက်ရောက်ခဲ့ကြပါတယ်။ ယနေ့ ကမ္ဘာမှာတော့ ခရမ်းချဉ်သီး၊ ကြက်သွန်နီ၊ ဂေါ်ဖီထုပ်တို့ ပြီးရင်၊ သခွားသီးက စတုတ္ထအစားဆုံး ဟင်းသီးဟင်းရွက်လို့့ဆိုပါတယ်။ သခွားသီးပင်တို့ ဟာ အပူချိန်မျှတသော နေရာဒေသတွင် ကောင်းစွာဖြစ်ထွန်းကြပြီး၊ အကြီးမျိုးနှင့် အသေးမျိုးဟူ၍ ၂-မျိုးရှိပါတယ်။


အသီးထဲမှာ အရည်ဓာတ် ၉၆% နီးပါး ပါရှိသဖြင့် ရေငတ်ပြေ အစိမ်းလိုက်ဝါးစားနိုင်သလို၊ ဟင်းချိုရည်၊ သခွားသီးအသုပ်၊ သခွားသီး-ကြက်ဥကြော်၊ အတို့ အမြှုပ်အပြင်၊ ရှာလကာ ရည် (သို့ မ ဟုတ်) ဆားရည်စိမ်ပြီး သခွားသီးသနပ် လုပ်စားနိုင်ပါတယ်။

WHFoods ရဲ့  ဓာတ်ခွဲစမ်းသပ်ချက်များအရ၊ ၁၃၃ ဂရမ်ရှိတဲ့ သခွားသီးထဲမှာ၊ ကယ်လိုရင်း ၁၈၊ ပရိုတင်း ၈၂၅ မီလီဂရမ်၊ ရေ ၁၂၆ ဂရမ်၊ Ash ၀.၅ ဂရမ်၊ Phytosterols ၁၉ မီလီဂရမ်၊ ကဆီဓာတ် ၃.၉ ဂရမ်၊ ချေဖျက်လွယ်သောအမျှင်ဓာတ် ၇၉၈ မီလီဂရမ်၊ ကော်ဓာတ် ၆၀၅ မီလီဂရမ်၊ သကြား ၂ ဂရမ်၊ အဆီဓာတ် ၁၈၀ မီလီဂရမ်၊ ဗီတာမင်အေ ၁၁၈ IU၊ ဗီတာမင်စီ ၄ မီလီဂရမ်၊ ဗီတာမင်အီး ၄၀ မိုက်ကရိုဂရမ်၊ ဗီတာမင်ကေ ၁၆ မိုက်ကရိုဂရမ်၊ သီအာမင် ၃၉ မိုက်ကရိုဂရမ်၊ ရီဘိုဖလာဗင် ၃၉ မိုက်ကရိုဂရမ်၊ နီအာစင် ၉၀ မီလီဂရမ်၊ ဗီတာမင်ဘီ၆ ၆၁ မီလီဂရမ်၊ ဖောလိပ် ၁၄ မိုက်ကရိုဂရမ်၊ Pantothenic အက်ဆစ် ၃၃၂ မိုက်ကရိုဂရမ်၊ Choline ၈ မီလီဂရမ်၊ Betaine ၀.၁၃ မီလီဂရမ်၊ ကယ်လ်စီယမ် ၂၀ မီလီဂရမ်၊ သံဓာတ် ၃၃၃ မိုင်ကရိုဂရမ်၊ မဂ္ဂနီစီယမ် ၁၇ မီလီဂရမ်၊ မီးစုန်း ၃၀ မီလီဂရမ်၊ ပိုတက်စီယမ် ၁၈၈ မီလီဂရမ်၊ ဆိုဒီယမ် ၂.၇ မီလီဂရမ်၊ ဇင့် ၂၄၆ မိုက်ကရိုဂရမ်၊ ကော့ပါး ၇၄ မိုင်ကရိုဂရမ်၊ မဂ္ဂနီးစ် ၁၀၁ မိုက်ကရိုဂရမ်၊ Selenium ၀.၂၇ မိုက်ကရိုဂရမ်၊ Fluoride ၁.၇ မိုက်ကရိုဂရမ် တို့ အသီးသီးပါရှိကြ ပါတယ်။

ယနေ့ ဖွံ့ ဖြိုးတိုးတက်လျှက်ရှိသော ကမ္ဘာ့နိုင်ငံအသီးသီးတွင် ကျန်းမာရေးအတွက်သာမက၊ အသားအရည်ထိန်းသိမ်းမှု အတွက်ပါ အစွမ်းထက်မြက်တဲ့သခွားသီး၏ အရေးပါပုံကိုသိရှိပြီးဖြစ်ရာ၊ တွင်ကျယ်စွာအသုံးပြုလျှက်ရှိနေကြပါတယ်။ ထို့ ကြောင့် သခွားသီး၏ ဘက်စုံအသုံးဝင်ပုံကို အောက်ပါအတိုင်း ဖော်ပြလိုက်ရပါသည်။

သခွားသီး နှင့် ကျန်းမာရေုး။

(၁)ရေဓာတ်ပါဝင်မှုများသော သခွားသီးကိုစားသုံးပေးခြင်းဖြင့်၊ ကိုယ်တွင်းအေးမြစေကာ အဆိပ်အတောက်များကို ပြေစေ တဲ့အပြင်၊ သခွါးသီးထဲမှာပါရှိသော ရေဓာတ်ဟာ သဘာဝသောက်သုံးရေထက် ပိုမိုအာဟာရဖြစ်စေပါတယ်။

(၂)နိုင်ငံတကာရှိ ဆေးသိပ္မံပညာရှင်များသည် သခွားသီးကို ကင်ဆာရောဂါကုထုံးအဖြစ် တိရိစ္ဆာန်များဖြင့် အမျိုးမျိုးစမ်းသပ် ခဲ့ကြရာ၊ သခွားသီးထဲမှာ lariciresinol, pinoresinol နှင့် secoisolariciresinol ဓာတ်ပေါင်းစုပါရှိတဲ့အတွက်ကြောင့်၊ ရင်သားကင်ဆာ၊ သားအိမ်ကင်ဆာ၊ ဆီးကျိတ်ကင်ဆာ နှင့် မျိုးဥအိမ်ကင်ဆာ ဖြစ်နိုင်ချေအလားအလာတို့ ကို လျော့ချ ပေးနိုင်ကြောင်း၊

(၃)သခွားသီးအခွံထဲမှာ ချေဖျက်လွယ်သောအမျှင်ဓာတ်များပါရှိလို့ ၊ အူသိမ်/အူမ တို့ မှ အဆိပ်အတောက် ကိုပြေပျောက်ကာ ၀မ်းမချုပ်စေဘဲ အူမကြီးကင်ဆာလဲ မဖြစ်စေနိုင်ကြောင်း၊ ထို့ ကြောင့် သခွားသီးကိုနေ့့စဉ်သုံး အစား အစာအဖြစ်စားပေးသင့်ကြောင်း၊ အကြံပြုတိုက်တွန်းထားပါတယ်။

(၄)သခွားသီးထဲတွင် ပိုတက်စီယမ် နှင့် မဂ္ဂနီစီယမ် ဓာတ်ပေါင်းစုပါရှိလို့ ၊ သွေးအတက်/အကျကို ထိန်းညှိပေးနိုင်စွမ်းရှိ၍့ သွေးတိုးရောဂါသည်များကို ကောင်းကျိုးပြုပါတယ်။ အငန်ဓာတ်လွန်ကဲသော အစားအစာကိုစားပြီးတိုင်း သခွားသီး များ များစားပေးသင့်ပါတယ်။

(၅)သခွားသီးသတ္တုရည်သည် သွားဖုံးရောဂါ၊ သွားရောဂါ နှင့် ရေစီးကမ်းပြိုရောဂါတို့ အတွက် အလွန်ဆေးဘက်ဝင်ပါတယ်။ အစာအိမ်အက်ဆစ်အထွက်များ၍ ဗိုက်အောင့်ခြင်း၊ အစာအိမ်နာဖြစ်ခြင်းတို့ အတွက် သခွားသီးစားပေးသင့်ပါတယ်။

(၆)သခွားသီးက အစာချေစံနစ်ကို ကောင်းမွန်စေရုံသာမက၊ နာတာရှည်ဝမ်းချုပ်ခြင်းကိုလဲ ကောင်းစွာကုသပေးနိုင်ပါတယ်။

(၇)သခွားသီးထဲမှာ စီလီကာ၊ ဗီတာမင်ကေ နှင့် ကယ်လ်စီယမ် တို့ အလုံအလောက်ပါရှိသောကြောင့်၊ အရိုးအဆစ် ကြွက် သားများကို ခွန်အားဖြစ်စေပါတယ်။ ထို့ ပြင် အရိုးကိုကျန်းမာသန်စွမ်းစေကာ၊ အရိုးအဆစ်ရောင်ရမ်းခြင်း နှင့် အရိုးပွခြင်း မှလဲ ကာကွယ်ပေးပါတယ်။

(၈)သခွားစေ့ဟာ သံကောင်၊ တုပ်ပြားကောင်တို့ ကို ရှင်းလင်းသုတ်သင်ပေးနိုင်တဲ့ သဘာဝဆေးတစ်ခွက်ဖြစ်ပါတယ်။

(၉)သခွားသီးကို မုန်လာဥအနီဖြင့်ရောစပ်၍ ဖျော်ရည်အဖြစ်သောက်သုံးပေးပါက၊ ခန္ဓာကိုယ်ထဲရှိ ပိုလျှံသောယူရစ် အက် ဆစ်တို့ ကို ဖယ်ရှားပေးသဖြင့် အဆစ်ရောင်ရောဂါ၊ ဒူလာပါဒရက် နှင့် ခန္ဓာကိုယ်ရောင်ရမ်းနာဝေဒနာများကို သက်သာ စေပါတယ်။

(၁၀)ဆီးချိုရောဂါသည်များ သခွားသီးကို ဘေးဥပါသ်ကင်းဝေးစွာဖြင့် စားသုံးနိုင်ပါတယ်။

(၁၁)သခွားသီးထဲရှိ sterols ဓာတ်ပေါင်းစု က ကိုလက်စထရောကို ကျစေပါတယ်။

(၁၂)ခန္ဓာကိုယ်ထဲရှိ မလိုလားအပ်သောအရည်များကို ဆီးအဖြစ်ပြန်ထုတ်ပေးသဖြင့်၊ ဆီးရွှင်စေပါတယ်။ ဆီးအိမ်နဲ့ ကျောက် ကပ်တို့ တွင် ဆီးကျောက်တည်ခြင်းကို မဖြစ်စေပါဘူး။

(၁၃)သခွားသီးထဲမှာ ရေဓာတ်ကြွယ်ဝပြီး၊ ကယ်လိုရီ မရှိသလောက်အလွန်နဲပါလို့  ကိုယ်အလေးချိန်ကိုကျစေပါတယ်။ ဒါ့ပြင် ခန္ဓာကိုယ်ဇီဝကမ္မလုပ်ဆောင်မှုများကို တိုးပွားစေကာ၊ အဆီလဲ လောင်ကျွမ်းစေတာကြောင့် ကိုယ်ခန္ဓာသွယ်လျ လှပလို သူများ အားထားလောက်ပါပေတယ်။

(၁၄) ဆေးဘက်ဝင် ဘီတာကယ်ရိုတင်း၊ zea-xanthin နှင့် လူတိန်း စသော ဓာတ်တိုးဆန့် ကျင်ပစ္စည်းများ အလုံအလောက် ပါရှိလို့ ၊ ခန္ဓာကိုယ်ထဲရှိမလိုလားအပ်သော free radials များကို တိုက်ထုတ်ပေးကာ၊ အရွယ်တင်နုပျိုစေပါတယ်။

(၁၅) သခွားသီးထဲတွင် ဗိုက်တာမင်နှင့် သတ္တုဓာတ်တို့ အပြင် သဘာဝဆားဓာတ်လဲပါရှိလို့  ခန္ဓာကိုယ်ရှိဆဲလ်များကို ကြီးထွား ဖွံ့ ဖြိုးစေပါတယ်။

(၁၆)အယ်လ်ဇိုင်းမားဝေဒနာရှင်များ၏ ဦးနှောက်တွင်းရှိ အာရုံကြောများ ပျက်စီးယိုယွင်းမှုကို ကောင်းစွာကုသပေးနိုင်ပါတယ်။

(၁၇)နှာခေါင်းနှင့် လည်ချောင်းတို့ ရှိ အမြှေးပါးများအား ရောင်ရမ်းနာကျင်မှုများအတွက် သခွားစေ့ကိုရေဖျော်သောက်ခြင်းဖြင့် သက်သာပျောက်ကင်းနိုင်ပါတယ်။

(၁၈)အသည်း နှင့် ပန်ကရိယ တို့ ကိုကောင်းကျိုးပြုပါတယ်။

ဘာသာပြန်သူ - ပေါက်ပေါက်
(ကိုးကားချက် - The Amazing Cucumber by Vibhavari)

Twitter Delicious Facebook Digg Stumbleupon Favorites More