ကိုယ်တိုင် ပြုလုပ်သောပဲနို့ကျန်းမာရေးအတွက်များစွာအကျိုးပြု

ပဲနို့ကို ပဲပိစပ်မှ အလွယ်တကူ ထုတ်လုပ်နိုင်ပြီး မိမိ နေအိမ်၌ပင် ပြုလုပ်နိုင်ကာ ကျန်းမာရေး အတွက် များစွာ အကျိုးပြုကြောင်း အာဟာရ ဗေဒဆိုင် ရာ ဆရာဝန်ကြီး တစ်ဦးက ပြောကြား သည်။
ပဲနို့တွင် အဆီဓာတ်၊ ပရိုတင်းဓာတ်၊ OMega 3၊ သတ္တုဓာတ်နှင့် ဗီတာမင်တို့ ပါရှိခြင်းကြောင့် ဝမ်းပျက်သော ကလေးငယ် များကို အာဟာရ အဖြစ် တိုက်ကျွေးနိုင်ကြောင်း သိရသည်။
 ပဲနို့ ပြုလုပ်ရန် အတွက် ပဲပိစပ်ကိုတစ်ညခန့် ရေစိမ်ပြီး ဖျော်စက်တွင် ရေအနည်းငယ် ရော၍ ဖျော်ပြီးနောက် ဆူအောင် ကျိုပါက အသင့် သောက်သုံးနိုင်သော ပဲနို့ရည်ကို ရရှိနိုင်ကြောင်း သိရသည်။

အဆိုပါ ပဲနို့တွင် ပါဝင်သော အီထရိုဂျင် ဓာတ်မှာ အမျိုး သမီးများ ဖြစ်လေ့ရှိသော သွေးဆုံး ကိုင်ရောဂါကို ကာကွယ် ပေးနိုင်သည့် အပြင် ဟော်မုန်း အစားထိုး ကုသမှု အနေဖြင့် သောက်သုံးနိုင်ကြောင်း သိရသည်။ ပဲနို့ ပြုလုပ်သော ပဲပိစပ်တွင် ပါဝင်သည့် ပရိုတင်း ဓာတ်ကြောင့် ကလေးများ၏ အရိုး အဆစ်ကို ဖွံ့ဖြိုးစေပြီး ဘေးအန္တရာယ် မရှိသော သဘာဝ ဖျော်ရည်တစ်မျိုး ဖြစ်ကြောင်း သိရသည်။

အေးချမ်းမွန်မှ မြ၀တီသတင်း တွင်ဖော်ပြသော သတင်းကို မူရင်းအတိုင်းမျှဝေခြင်းဖြစ်ပါသည်။

Posted in: ပဲအမျိုးမျိုး