သူရှင်သန်ရာ၊ ရေမြေရာသီဥတုသဘာဝပေါ်မူတည်ပြီး အသီး၏အရွယ်အစားမှာ ၃-လက္မခွဲမှ ၆-လက္မခွဲထိ ရှိတတ်ပါသည်။ အသီးကို ခပ်ဝိုင်းဝိုင်းပုံ၊ ရှည်မျောပုံပုံ၊ အသည်းပုံ၊ တစ်ဖက်ဖောင်းတစ်ဖက်ပိန် စသည်ဖြင့် ပုံစံမျိုးမျိုးတွေ့ ရ တတ်ပါသည်။ အခွံမှာပါးသော်လဲ၊ ရာဇမတ်ကွက်ပုံသဏ္ဍာန်တို့ ဖြင့် တော်တော်လေး ကြမ်းထော်ပါသည်။ အသီးတို့ ထုံးစံအတိုင်း မမှည့်ခင် စိမ်းဖန့် ဖန့် ရောင်ဖြစ်ပြီး၊ မှည့်သွာေးသာအခါမှာ ၀ါညစ်ညစ်ရောင် (သို့ မဟုတ်) အညိုရောင်ပြောင်းသွားတတ်ပါသည်။ မမှည့်ခင်အလွန်မာပြီး၊ မှည့်သောအခါမှာတော့ အခွံပျော့သီးဖြစ်သွားပါသည်။ ရှဥ့် နှင့် ကျေးဌက်သတ္တ၀ါများကလည်း သြဇာသီးကို ကြိုက်ကြသည့်ပြင်၊ သဘာဝအရ အမှည့်မြန်ပြီးကြွေကျတတ် တာကြောင့် အပင်မှာအက်ကွဲသည်အထိ မထားရပါဘူး။ အသီးတော်တော်ရင့်ပြီး မျက်စိကျဲလာတာနဲ့တပြိုင်နက် ခူးဆွတ်ပြီး အုပ်ထားရပါမည်။ အခွံ၏အောက်မှာ အရသာမွှေးချိုသည့် ကရင်မ်ဖြူရောင် အသားအနှစ်ပျော့များရှိပြီး၊ ထိုအသားတို့ က အနက် ရောင်တောက်ပြောင်သော အစေ့တို့ ကို ဖုံးအုပ်ထားပါသည်။ ထိုအစေ့က အဆိပ်ဖြစ်စေတတ်သဖြင်ဝါးစားလို့ မရပါဘူး။ ပရဆေးဝါး အဖြစ် လွန်စွာ အသုံးတဲ့၏။
မြန်မာပြည်မှာ *သြဇာ* ဟူသော အတိတ်နမိတ်ကိုကောက်ခါ၊ သြဇာတက္ကိမ ဘုန်းတန်ခိုးကြီးရန်ဟူသော ယုံကြည်မှုဖြင့် ဘုရား၊ သံဃာများ ကို သြဇာသီးဖြင့် လှူဒါန်းလေ့ရှိကြပါသည်။ ထို့ ပြင် သြဇာကိုင်းချိုး၍ အဆောင်လက်ဖွဲ့  ဆောင်ထားကြလေ၏။ သြဇာသီးကို “အဖေက အနူ..အမေက တရုတ်..သားက ကုလား...” ဟု စကားဝှက်တမ်း ကစားကြပါသည်။ သြဇာပင်တို့ သည် မြန်မာနိုင်ငံအလယ်ပိုင်းတွင် သဘာဝအလျောက် အလေ့ကျပေါက်ရောက်ကြပြီး၊ ပြင်ဦးလွင်၊ တောင်ကြီး နှင့် ကရင်ပြည်နယ်တို့ တွင်မိုးလယ်ကာလမှစ၍ သြဇာသီး၊ လှိုင် လှိုင်ထွက်ရှိ၏။ အထူးသဖြင့် ပုပ္ပါးမှထွက်သော သြဇာသီးသည် အရွယ်ပိုမိုကြီးမားကြပြီး၊ ပြည်မြို့ မှထွက်သော ခရမ်းရင့်ရောင်ဆန်ဆန် နီညိုညိုအသီးတို့ က အရသာပိုချိုသည်ဟု နံမည်ကြီးပါသည်။
ရိုးရိုးသြဇာသီးထက်အတော်အတန်ကြီးမားကာ၊ ဆူးပျော့ပျော့လေးများပါရှိပြီး၊ မျိုးရိုးကွဲပြားသော “ဒူးရင်းသြဇာ” လည်းရှိပါသည်။ ချိုချဉ်ချဉ် အရသာနှင့်အနံ့ နဲနဲပြင်းပြင်းကာ၊ အထဲကအတွင်းသားများသည် ပုံမှန်သြဇာသီးထက် ပျော့အိပြီး အစေ့လဲနဲပါး၏။ ၄င်းက ကင်ဆာရောဂါ အတွက်အလွန်ဆေးဘက်ဝင်သည်ဟု နံမည်ကြီးပြီး၊ မြန်မာပြည်မှာတွေ့ ရခဲသဖြင့် ဈေးလဲကြီး၏။ နောက်တစ်မျိုးရှိပါသေးသည်။ နီညိုရောင်ရှိ ကာ၊ ပုံမှန်သြဇာသီးများထက်အရွယ်ပိုကြီးပြီး၊ ပိန္နဲသီးရနံ့ ထွက်ရှိသဖြင့် “ပိန္နဲသြဇာ” ဟု ခေါ်ကြပါသည်။ ရှမ်းပြည်ဒေသတွင် အများအပြား တွေ့ ရတတ်၏။ အပေါ်ယံအခွံသည် သရက်သီးခွံကဲ့သို့ ပါးလွှားကာ၊ ပျားအုံကွက် ဒီဇိုင်းဖြစ်ပါသည်။ အစေ့ကမပါသလောက် အလွန်နဲပါးကာ၊ အနှစ်သားများဖြင့် ပြည့်နေပါသည်။ အချိုအရသာ နဲနဲပေါ့သော်လဲဘဲ၊ အရွယ်ကြီးမားကာ၊ အသားလဲထူသဖြင့် တစ်လုံးစား ပြီးတာနှင့်အီစိမ့် သွားမှာအမှန်ပါ။
သဘာဝသကြားဓာတ်ပါရှိလို့ ချိုလဲချို၊ မွှေးလဲမွှေးသောသြဇာသီးများကို မြန်မာပြည်တော့ သူ့ ချည်းသက်သက် သွားရည်စာ၊ အချိုပွဲအဖြစ်သာ စားလေ့ရှိပါသည်။ နိုင်ငံခြားတိုင်းပြည်များမှာတော့ သြဇာသီးကို နွားနို့ ဖြင့်ရောကာ၊ Milk Shake အဖြစ်လည်းကောင်း၊ ယို၊ ဂျယ်လီ၊ ရေခဲမုန့် ၊ ရှာရဘတ်ရည်(ဖျော်ရည်)အဖြစ်လည်းကောင်း၊ကိတ်မုန့်  တွင်အရသာရှိစေရန်အတွက်လည်းကောင်း၊စသည်ဖြင့် အမျိုးမျိုးလုပ်စားကြပါသည်။
သြဇာသီးနှင့်ကျန်းမာရေး။
သြဇာသီးသည် အရသာရှိသည့်ပြင်၊ လူသားတို့ ကျန်းမာရေးကို အထောက်အကူဖြစ်စေသော အာဟာရဓာတ်တို့  စုဝေးရာအရင်း အမြစ်ဖြစ်ပါ သည်။ သြဇာသီးသာမက၊ အရွက်၊ အစေ့၊ ပင်စည်၊ အမြစ် စသည်ဖြင့် တစ်ပင်လုံးဆေးဖက်ဝင်ပါသည်။ ၁၀၀ ဂရမ် အလေးချိန်ရှိသော သြဇာ သီးထဲတွင် ဗီတာမင်ဘီ (ခေါ်) သီအာမင် ၀-၀၇ မီလီဂရမ်၊ ဗီတာမင်အေ ၁ မီလီဂရမ်၊ ဗီတာမင်ဘီ ၂ (ခေါ်) ရီဘိုဖလာဗင် ၀.၀၉ မီလီဂရမ်၊ သဘာဝသကြားဓာတ် ၁၆ ဂရမ်၊ ဗီတာမင်ဘီ ၃ (ခေါ်) နီအာစင် ၀.၇ မီလီဂရမ်၊ ကစီဓာတ် ၂၃.၇၁ ဂရမ်၊ သံဓာတ် ၀.၇ မီလီဂရမ်၊ အက်ဆစ်ဓာတ်ပေါင်း ၀.၄ မီလီဂရမ်၊ ခွန်အား ၈၆ ကယ်လိုရီ၊ ပရိုတင်း ၃ ဂရမ်၊ ဇင့် ၁.၅ မီလီဂရမ်၊ မဂ္ဂနီစီယမ် ၆၆ ဂရမ်၊ ကော့ပါး ၂.၄ မီလီဂရမ်၊ ပိုတက်စီယမ် ၄၅၀ မီလီဂရမ်၊ ဆိုဒီယမ် ၉ မီလီဂရမ်၊ ကယ်စီယမ် ၁၉ မီလီဂရမ်၊ ဗီတာမင်စီ ၃၃ မီလီဂရမ်၊ အမျှင်ဓာတ် ၂.၁ ဂရမ်၊ ပျော်ဝင်လွယ်သော Solids (Brix) ၂၂.၃% စသည်ဖြင့် အသီးသီးပါရှိကြပါသည်။
(၁)ဗီတာမင်ဘီ6၊ပိုတက်စီယမ် နှင့်မဂ္ဂနီစီယမ်ဓာတ်ပါရှိခြင်းကြောင့် နှလုံးကြွက်သားတွေကိုပြေလျော့စေပြီး၊
နှလုံးအားနဲ၍နှလုံးခုန်မမှန်ခြင်း နှင့် နှလုံးရောဂါ ဝေဒနာများအတွက်သြဇာသီးက ကောင်းကျိုးပြုပါသည်။
နှလုံးရောဂါနှင့် ဆက်စပ်လျက်ရှိသော၊ လေဖြတ်ခြင်း နှင့် သွေးတိုးရောဂါတို့ ကိုလဲ မဖြစ်စေပါ။
(၂) ဗီတာမင်ဘီဓာတ်ချို့ ယွင်းမှုကြောင့်၊ အရေပြားရောဂါ၊ လည်ချောင်းနာခြင်း၊ လျှာနာခြင်း၊ တက်ခြင်း၊ စိတ်ဓာတ်ကျ စိတ်အားငယ်ခြင်း တို့ ဖြစ်တတ်ပါသည်။ ဗီတာမင်ဘီ ကြွယ်ဝသော သြဇာသီးကိုစားပေးခြင်းဖြင့် ထိုရောဂါ တို့ ကို ကြိုတင်ကာကွယ်ထားနိုင်ပါသည်။ နှစ်ခြိုက်စွာ အိပ်မောကျစေပါသည်။
(၃) သြဇာရွက်ကိုကြိတ်၍ သတ္တုရည်သောက်သုံးပေးခြင်းဖြင့်၊ သန်နှင့် တုတ်ကောင်များကို ကျစေနိုင်ပါသည်။
(၄) အမျှင်ဓာတ်အလုံအလောက် ပါရှိခြင်းကြောင့်၊ အစာချေစံနစ်ကိုကောင်းမွန်စေပြီး၊ ၀မ်းကိုလဲမချုပ်စေပါ။ ထမင်း စားပြီးတိုင်း အစာကျေစေ ရန်အတွက် သြဇာသီးစားပေးသင့်ပါသည်။ လေပူထိုးခြင်း၊ လေနာရောဂါများ နှင့် အစာအိမ်မကောင်း၍ မအီမသာဖြစ်ခြင်း၊ သွေးအန်ခြင်း တို့ကိုလည်း ပျောက်ကင်းစေပါသည်။
(၅) ၀မ်းသွားပါက သြဇာရွက်ပြုတ်ရည်ကိုသောက်သုံးနိုင်ပါသည်။ ၀မ်းလျောပြီးအားပြန်လည်ပြည့်စေရန်အတွက် သြဇာသီးပင် အခေါက်ပြုတ် ရည်က၊ အားကိုးလောက်ပါပေသည်။ အသီးစိမ်းသည် ကော့ပါးပါရှိသောကြောင့် ၀မ်းသွားခြင်းနှင့်ဝမ်းကိုက်ခြင်း တို့ ကို ကောင်းစွာကုသပေး နိုငိသည့်အတွက်၊ အသီးစိမ်းကိုအခြောက်လှမ်း အမှုန့် ကြိတ်ပြီးသောက်ပေးသင့်ပါသည်။
(၆) အမြစ်ကိုသွေး၍ သောက်ပါက ဆီးချုပ်ရောဂါ ပျောက်ကင်းစေပါသည်။
(၇) သြဇာသီးက၊ ဆေးလိပ်သောက်သူများ၏ အဆုတ်တွင် နီကိုဒင်းအဆိပ်ဓာတ်ကို ဖြေဖျောက်ပေးကာ၊ အဆုတ် ကိုသန့် စေပါသည်။
(၈)ဗိုက်တာမင်စီ နှင့်ဓာတ်တိုးဆန့် ကျင်ပစ္စည်းများပါရှိခြင်းကြောင့်၊ကိုယ်ခံစွမ်းအားကို
ကောင်းမွန်တိုးတက်စေကာ၊ ခန္ဒာကိုယ်ထဲရှိ မလို လားအပ်သော free radicals များကို နှိမ်နှင်းပေးပါသည်။
(၉) အသီးထဲတွင် ဗီတာမင်အေ ပါရှိသောကြောင့်၊ မှန်မှန်စားပေးခြင်းဖြင့် ဆံပင်၊ မျက်စေ့၊ ခြေသည်းလက်သည်း နှင့် အသားအရည်တို့ ကို ကောင်းကျိုးပြုပေးနိုင်ပါသည်။ သြဇာစေ့အမှုန့် ကို ညအိပ်ခါနီး ဆံပင်အနှံ့ လိမ်းကျံ ပေးပြီး၊ နောက်တစ်နေ့ နံက်ကြည့်လိုက်ပါ။
ဆံသားများ နက်မှောင်တောက်ပြောင်လာသည်ကို အံ့သြစွာ တွေ့ မြင်ရပါမည်။ (သို့ သော် သြဇာစေ့အမှုန့် မျက်စေ့ထဲမ၀င်ရန်အထူးသတိပြုပါ)
(၁၀) အသီးထဲတွင် ပြည့်ဝဆီ၊ ကိုလက်စထရော နှင့် ဆိုဒီယမ်တို့  ပါဝင်မှုနဲပါးပြီး၊ ကစီဓာတ်ကြွယ်ဝခြင်းကြောင့်လည်း ခွန်အားတိုးပွားစေပြီး၊ ကျန်းမာရေးကို ဘက်စုံကောင်းစေပါသည်။ နာလန်ထစလူနာများ သြဇာသီးစားပြီး အားပြန်ပြည့်စေပါသည်။
(၁၁) ခန္ဒာကိုယ်အရေပြားပေါ်ရှိ ပြည်တည်နာ၊ မွေးကျွတ်နာ နှင့် ဖက်ခွက်နာတို့ ဖြစ်ပွားပါက၊ သြဇာသီးအနှစ်သား (သို့ မဟုတ်) သြဇာရွက် ခြေပြီး ၄င်းသတ္တုရည်ဖြင့် ထိုအနာပေါ်အုံပြီးစည်းထားပေးခြင်းဖြင့် ပြည်ပုပ်များစုပ်ယူ ခမ်းခြောက်ကာ၊ အနာမြန်မြန် ကျက်စေပါသည်။
(၁၂) သြဇာသီးထဲတွင် ကော့ပါးဓာတ် အမြောက်အများပါရှိပေရာ၊ သွေးထဲရှိဟေမိုဂလိုဘင်ကိုတိုးပွားစေပြီး၊သွေးအား ကောင်းစေပါသည်။ ထို့ ကြောင့် သွေးအားနည်း ရောဂါသည်များ မှီဝဲစားသုံးသင့်ပါသည်။
(၁၃) သြဇာပင်အခေါက်သည် တစ်ရှုးများကိုကျုံ့ ကျဉ်း၍သွေးတိတ်စေနိုင်သော အာနိသင်ရှိခြင်းကြောင့်၊ အရေပြားပွန်ပဲ့ဒဏ်ရာများနှင့် ခွဲစိပ် ထားသောအနာများပေါ်တွင် ဖြူးပေးနိုင်ပါသည်။ သွားကိုက်သွားနာခြင်းများအတွက်လည်း သြဇာပင်ခေါက်အမှုန့် ဖြင့် သိပ်ပေးနိုင်ပါသည်။
(၁၄) အသီးထဲတွင် မဂနီစီယမ် အမြောက်အများပါရှိခြင်းကြောင့်၊ ခန္ဒာကိုယ်ထဲရှိရေဓာတ်ကိုမျှတစေသည့်ပြင်၊ အရိုးအဆစ်များမှ အက်ဆစ် များကိုဖယ်ရှားပေးနိုင်သောကြောင့် အဆစ်အမြစ်ယောင်နာ ရောဂါအမျိုးမျိုးနှင့် ဂေါက် ရောဂါတို့ ကို မဖြစ်လာစေပါ။
(၁၅) သြဇာစေ့ကအဆိပ်ရှိ၍ စားသုံးရန်မသင့်သော်လဲ၊ အင်းဆက်ပိုးကောင်တွေကိုသတ်ပေးနိုင်သဖြင့် ထိုအစေ့ကို ထောင်းကာ၊ ၀ဲနှင်းခူနာ များပေါ်ဖြူးပြီး ပိုးသတ်ပေးနိုင်ပါသည်။ မြန်မာ့ဆေးကျမ်းများတွင် သြဇာစေ့အတွင်းဆံကိုကြိတ်၍ မီးရှို့အခိုးမှိုင်းတိုက်ပြီး ရှုရိုက်ပေးပါက ၀က်ရူးပျံရောဂါ ပျောက်ကင်းသည်ဟုဆိုပါသည်။
(၁၆) အပူချိန်မကျဘဲ အပြင်းဖျားသောလူနာများကို သြဇာသီးအစိမ်း၊ အရွက်၊ အခေါက်၊ အမြစ် တို့ ကိုရော၍ ရေ ၁-လီတာဖြင့် ၅-မိနစ် ပြုတ်ပြီး တိုက်ပေးပါက၊ အဖျားများယူပစ်သလို ပျောက်ကင်းသွားစေပါသည်။
(၁၇) လူတစ်ဦးတစ်ယောက်အတွက် တစ်နေ့ တာ ကော့ပါးလိုအပ်မှုပမာဏမှာ ၉၀၀ မီလီဂရမ်ဖြစ်ပြီး၊ ကိုယ်ဝန်ဆောင်အမျိုးသမီး အတွက် တစ်နေ့ တာ ကော့ပါး လိုအပ်မှုပမာဏမှာ ၁၀၀၀ မီလီဂရမ် ဖြစ်ပါသည်။ ကော့ပါးဓာတ်ချို့ တဲ့သော မိခင်လောင်းသည် အချိန်မတိုင်မှီ မီးဖွား စေပြီး၊ ဆောက်ဆက်တွဲပြသနာများအနေဖြင့် သွေးဖြူဥအားနဲကာ၊ အရိုးကျိုးလွယ်ပါသည်။ကော့ပါးဓာတ်ကြွယ်ဝသော သြဇာသီးကို အားဖြည့် အစာအဖြစ် စားသုံးနိုင်ပါသည်။
(၁၈) သြဇာသီးတွင် ကယ်လိုရီပမာဏမြင့်မားစွာပါရှိပါသည်။ ခန္ဒာကိုယ်သေးသွယ်ပိန်လွန်းသူများ၊ ကိုယ်အလေးချိန် တက်လိုပါက၊ သြဇာသီး အနှစ်ကို ပျားရည်ဖြင့်ရော၍ စားသုံးပေးနိုင်ပါသည်။
(၁၉) သြဇာသီးထဲရှိ ပိုတက်စီယမ်အစွမ်းက၊ ကြွက်သားများ ကိုခွန်အားဖြစ်စေပါသည်။
(၂၀) အရွက်ကြိတ်၍ အုံကပ်ပေးပါက အကြောငုပ်ခြင်း နှင့် အကြောတက်ခြင်းများကို ပြေပျောက်စေပြီး၊ အရွက်ကို ချေ၍ရှုပေးပါက အမူး အမော် နှင့် ထိပ်ကပ်နာတို့ ကို ပျောက်စေပါသည်။
(၂၁) ယနေ့ ဆေးသိပ္ပံနည်းအရ၊ ကင်ဆာရောဂါတို့ ကို ခီမိုဆေးသွင်း၊ ကုသစေပါသည်။ ခီမိုဆေးစွမ်းက ခန္ဒာကိုယ် ထဲရှိ ဆဲလ်အကောင်း/ အဆိုးအားလုံးကို သတ်ပစ်ကြပြီး၊ သြဇာသီးမျိုးနွယ်ဝင် ဒူးရင်းသြဇာကတော့ ကင်ဆာဆဲလ်ကိုသာ ရွေးသတ်ပေးသည့်အပြင်၊ ကင်ဆာ အကျိတ်အခဲများကိုပါ ကောင်းစွာနှိမ်နှင်းပေးနိုင်စွမ်းရှိပါသည်။ ထို့ ကြောင့် မည်သည့်ကင်ဆာဝေဒနာသည်မဆို၊ ဒူးရင်းသြဇာ အရွက် ၂၀ ကို ရေ ၇-ခွက်ထဲ့ပြီး မီးအေးအေး ဖြင့် (၂)နာရီခန့် ကြာအောင်တည်ပေးပြီးနောက် တစ်ရက်လျှင် (၃)ကြိမ်နှုံးဖြင့် (၂)ခွက်စီ သောက်ပေးပါ။ ဤ နည်းအတိုင်း ၅-ရက်တိတိ သောက်သုံးပေးခြင်းဖြင့်သိသိသာသာ အကျိုးထူးခံစားရပါလိမ့်မည်။ (ထိုသို့  သောက်နေစဉ်အတွင်း ဒူးရင်းသြဇာ သီးကိုလဲ စားသုံးနိုင်ပါသည်)
အသားအရေထိန်းသိမ်းနည်း။
မိမိအိမ်မှာပင်မျက်နှာကို သြဇာသီးဖြင့်အလွယ်တကူ scrubs လုပ်လို့ ရပါသည်။ ဒီနည်းက မျက်နှာအသားအရေကို ဘေးထွက် ဆိုးကျိုးမဖြစ် စေပါ။ ရှေးဦးစွာမျက်နှာကို သန့် စင်ဆေးကြောပါ။ သြဇာသီး အစေ့ကိုဖယ်၍ အသားနှင့်အနှစ်တို့ ကို ဒိန်ချဉ် (သို့ မဟုတ်) ဗီတာမင်စီဓာတ် ပါသော မျက်နှာလိမ်းကရင်မ်ဖြင့် ရောသမမွှေပေးပါ။ ပြီးနောက် မျက်နှာတစ်ပြင်လုံးကို ညင်ညင်သာသာ ပွတ်လိမ်းပေးပါ။ မျက်စေ့ထဲမ၀င် အောင်ဂရုစိုက်ပါ။ လိမ်းပြီး၊ မိနစ် ၂၀ ခန့်  အကြာမှာ ရေအေးအေးဖြင့် သစ်ပေးပါ။ သြဇာသီး၏ အစွမ်းက၊ မျက်နှာအသားအရည်ကို ၀င်းလက် စိုပြည်စေပြီး၊ ဒိန်ချဉ် (သို့ မဟုတ်) ကရင်မ် ထဲတွင်ပါရှိ သော lactose အက်ဆစ်ဓာတ်က မမြင်ရသောပိုးမွှားများကိုသေစေကာ၊ မျက်နှာပေါ်ရှိ ချေးညှော်များ နှင့် မှဲ့ ခြောက်တို့ ကို ၁၀၀% သန့် စင်စေ ပါသည်။ ဤနည်းအတိုင်း တစ်ပတ်တစ်ကြိမ်လုပ်ပေးရုံဖြင့် လုံလောက်ပါသည်။
သတိပြုရန်။
(၁) ကလေးများက သြဇာသီးစေ့လေးမျာကို ဇယ်တောက်တမ်းကစားတတ်ကြပါသည်။ နား နှင့် နှာခေါင်းထဲ မတော်တဆ အစေ့ မ၀င်စေရ အောင် သတိပြုပေးသင့်ပါသည်။
(၂) သြဇာသီး နှင့် ပျားရည် ကို တွဲဖက်မစားသင့်ပါ။ အော့အန်တတ်ပြီး၊ အခန့်  မသင်ရင်သေစေနိုင်ပါသည်။
(၃) ၀က်သားသည် အအေးစာဖြစ်ပြီး၊ သြဇာသီးသည် အပူစာဖြစ်သဖြင့် တွဲဖက်၍မစားသင့်ပါ။ မူးဝေအော့အန် တတ်ပါသည်။
(၄) သဘာဝသကြားဓာတ်ကြွယ်ဝသဖြင့်၊ ဆီးချိုဝေဒနာသည်များ ရှောင်ရှားရပါမည်။
(၅) ချွဲ၊သလိပ်ကို အားပေးသဖြင့် ပန်းနာရောဂါသည်များ မစားသင့်ပေ။
မှတ်ချက်။
(၁) အသီးနုနုတို့ ကို အချိန်ကြာမြင့်စွာ အုပ်ထားသော်လဲ မမှည့်လာဘဲ၊ မှိုတက်ပြီးမည်းသွားတတ်ပါသည်။ ထို့ ကြောင့် သြဇာသီးကို ကိုင်ကြည့်သောအခါ၊ လက်ထဲတွင် အလေးချိန်စီးပြီး၊ မျက်ကွင်းကျယ်သော အသီးရင့်ရင့်တို့ ကိုသာရွေးဝယ်ပါ။ ၀ယ်ပြီးသော အသီးတွေ မပိပြားရလေအောင် အင်ဖက်တွေဖြင့် အထပ်လိုက် ဖုံးအုပ်ထားပါ (သို့ မဟုတ်) ဆန်အိုးထဲတွင် အမှည့်ခံပါ။
++++++++++++++++++++++++++++++++++++++++
“မသိသူကျော်သွား၊ သိသူဖော်စား” ဟူသော မြန်မာစကားပုံရှိပါသည်။ ဆေးပညာရှုထောင့်မှ ကြည့်ပါက သြဇာသီးတစ်ပင်လုံးက သိပံ္ပွနည်းအရသာမက၊ တိုင်းရင်းဆေးဝါးကုထုံးအတွက်ပါ အံ့မခန်း အသုံးဝင်နေပါသည်။ ထို့ ကြောင့်အရသာလဲရှိ၊ ကျန်းမာရေး အတွက်လဲ ကောင်းကျိုးပြုသော ရာသီစာသီးနှံတစ်မျိုးဖြစ်သည့် သြဇာသီးကို လက်လွတ်မခံသင့်ပါကြောင်း သတင်းကောင်း ပါးလိုက်ရပါသည်။
ဘာသာပြန်သူ (ပေါက်ပေါက်)
