ထမင်းပေါင်း

ထမင်းပေါင်း ကို မကြာခဏ ပေါင်းစားဖြစ်ပါတယ်။ လွယ်လည်းလွယ်ပါတယ်။ စားလို့လည်းအလွန်ကောင်းပြီး လုပ်ရလွယ်လွန်းလို့ အိမ်မှာ ခဏ ခဏ ပေါင်းစားဖြစ်ပါတယ်။
ဟင်းသီးဟင်းရွက်တွေအများကြီးပါလို့ကျန်းမာရေးအတွက်လည်း အလွန်သင့်တော်ပါတယ်။
 ကြည့်ရအောင် . . . ။

ပါဝင်ပစ္စည်းများ( ၅ပွဲစာ)
---------------------------
၁။ ကြက်သား - ၂၀၀ ဂရမ် (၁၃ကျပ်သားခန့်)
၂။ ပုစွန်ကျား - ၁၅ကောင်
၃။ ကြက်အသည်း - ၁၀၀ ဂရမ် (၆ကျပ်သား)
၎။ ငါးဖယ်လုံး - ၅၀ ဂရမ် (၃ကျပ်သားခန့်)
၅။ ပဲပြား - ၅၀ ဂရမ် (၃ကျပ်သားခန့်)

ဟင်းသီးဟင်းရွက်များ(ကြိုက်နှစ်သက်ရာ)
-------------------------------------------
၁။ မုန်လာဥနီ - ၁၀ကျပ်သား
၂။ ပြောင်းဖူးအသေး - ၁၀ကျပ်သား
၃။ ဗိုလ်စားပဲ - ၁၀ကျပ်သား
၎။ မှို- ၅ကျပ်သား
၅။ ပန်းဂေါ်ဖီ- ၁၀ကျပ်သား
၆။ ဘရိုကိုလီ- ၁၀ကျပ်သား
၇။ ငုံးဥ - ၁၂လုံး ( ပြုတ်ထား)
၈။ မျှစ် - ၁၀ကျပ်သား(ပါးပါးလှီး)
၉။ ခရမ်းချဉ်သီး - ၂လုံး (အစိတ်လေးများစိတ်ထား)
၁၀။ ကြက်သွန်ဖြူ - ၂မြွာ(ဓားပြားရိုက်)
၁၁။ ကြက်သွန်နီ - ၁လုံး(ပါးပါး)

အရည်ပြုလုပ်ရန်
------------------
၁။ ဆား - လက်ဖက်ရည်ဇွန်း၂ ဇွန်း
၂။ ကြက်သားမှုန့် -စားပွဲဇွန်း ၃ဇွန်း
၃။ ခရုဆီ - စားပွဲဇွန်း ၂ဇွန်း
၎။ ပဲငံပြာရည်အကြည် - စားပွဲဇွန်း ၁ဇွန်း
၅။ ဟင်းချက်ဝိုင် - စားပွဲဇွန်း ၂ဇွန်း
၆။ တရုတ်မဆလာ - လက်ဖက်ရည်ဇွန်း ၁ဇွန်း
၇။ သကြား -စားပွဲဇွန်း ၂ဇွန်း
၈။ ကော်မှုန့်-စားပွဲဇွန်း ၃ဇွန်း

ထမင်းပေါင်းနည်း
-------------------
၁။ စစချင်း ကြက်သား၊ ကြက်သည်းတို့ကို
ဆားအနည်းငယ် ဖြင့်နယ်ပြီး
ရေစပ်စပ်ထည့်ပြီး(ရေနည်းနည်း) ပြုတ်ကာ
ကျက်ရင် ဆီပူထိုးပေးပါ။ ကြွပ်သွားအောင်မကြော်ဘဲ
အပေါ်ယံ ရဲရုံသာ ၁မိနစ်ခန့်ဆီပူထိုးတာကိုဆိုလိုပါတယ်။ ပုစွန်ကိုလည်း အဲဒီလိုပဲ ရဲရုံလေးကြော်ထားပါတယ်။
ငါးဖယ်လုံးများကတော့ Ready Madeမို့ ပါးပါးလှီးပေးထားပါ။

၂။ အရည်ပြုလုပ်ရန်အတွက်ပါဝင်ပစ္စည်းများကို
ရေနွေးနွေး ၁လီတာဖြင့်ဖျော်ထားလိုက်ပါတယ်။

၃။ ဆီကို ဒယ်အိုးထဲတွင် ပါလေကာ ထည့်ကာ
ကြက်သွန်နီ၊ ဖြူ တို့ထည့်ကြော်ကာ ရွှေဝါရောင်သမ်းလာရင်
မီးပြင်းပြင်းဖြင့် အသီးအရွက်များထည့်ကြော်ပါ။

၎။ အသားများ၊ ငုံးဥများရောပါ။ ဖျော်ထားသော အရည်များကိုထည့်ရောပြီး ဟင်းသီးဟင်းရွက်လေးများနူးကာ အရည်ပျစ်လာရင် တရုတ်မဆလာဖြူးလိုက်ပါ။

၅။ ထမင်းပူပူပေါ်တွင် အရည်များများဆမ်းကာ
အသီးအရွက်ကြော်များ အသားများဖြူးကာ
ပူပူလေးစားသုံးနိုင်ပါပြီ။

Posted in: ထမင်း