ဆေးဖက်ဝင် ခရေ

လယ်တောကအပြန်
ပန်ချင်တယ်ခရေဖူးဆိုလို့ 
မောင်ခူးကာပေး။
မနက်တုန်းဆီက
ကြော့ဆုံးကိုမောင်မြင်တော့
သူ့ ဆံပင်နှင်းဆီပွင့်တွေနဲ့ 
ဂုဏ်တင့်တယ်လေး၊၊        

ခေတ်စမ်းစာဆို ဆရာကြီးမင်းသုဝဏ်၏ ကဗျာလေးကို နှုတ်မှရွတ်ဆိုမိရင်း ခရေအကြောင်းကို စဉ်းစားမိသည်၊၊ ခရေပင်အောက်မှာ လျှောက်လှမ်းရင်း ကြွေကျလာသော ခရေပွင့်လေး များကို ကောက်ယူနမ်းကြူခဲ့ဘူးသည်မှာ အခါခါပင်ဖြစ်သည်။ ငယ်ရွယ်စဉ်ကသာမန် အကြွေပန်းလေးများဟု ပင် စိတ်ဝယ်ထင်မှတ်မှားမိသည်။ တိုင်းရင်းဆေးပညာ ကို  လေ့လာသင်ယူသောအခါ ခရေအကြောင်း ကို တွေ့ ထိရင်းနှီးလေ့လာ စိတ်ဝင်စားမိခဲ့သည်၊၊
      ခရေသည် ရက္ခဗေဒပညာအရ Sapotaceaae မျိုးရင်းဝင်ဖြစ်ပြီး ရုက္ခဗေဒအမည်မှာ Mimusops elengi Roob ဖြစ်သည်။ ရှေးခေတ်ဆေးကျမ်းများတွင် ခရေ ကို  ချယားဟုခေါ်ကြောင်း တွေ့ ရသည်၊၊ အင်္ဂလိပ် အခေါ်မှာ Star Faower ဖြစ်သည်၊၊
          မြန်မာနိုင်ငံတ၀ှမ်းလုံးတွင် ပေါက်ရောက်ပြီး မြေပြန့် ဒေသများတွင် အထူးများပြား စွာ ပေါက်ရောက်ကြောင်း တွေ့ ရသည်။ ပင်ကြီးသစ်ပင်မျိုးဖြစ်သည်။ ခရေပင်သည် အဖိုပင် အမပင် ဟှူု၍ရှိပြီး အမပင်သာ အသီးသီးနိုင်ကြောင်း တွေ့ ရသည်။ အဖိုပင်မှ အပွင့်ဖြူပြီးပို၍ ကြီးကြောင်းတွေ့  ရသည်။ အမပွင့်မှာမူ အပွင့်သေးပြီး အနည်းငယ်နီကြောင်းတွေ့ ရသည်။
         နွယ်မြက်သစ်ပင် ဆေးဖက်ဝင် ဟူသော ဆိုရိုးစကားအတိုင်း ခရေပင်သည် ဆေးဖက်ဝင်သော အပင်တပင် ဖြစ်သည်၊၊ ဆေးအဖြစ် အခေါက်၊ အပွင့်၊ အသီး၊ အစေ့ တို့ ကို အသုံးပြုနိုင်ကြောင်း တွေ့  ရသည်။ ရှေးဟောင်းမြန်မာဆေးကျမ်းများတွင် ခရေပင်ကို အစိတ်အပိုင်းအလိုက် ဆေးဖက်ဝင်ပုံနှင့် အာနိသင်တို့ ကို စနစ်တကျခွဲခြားပြညွန်းထားကြောင်း တွေ့ ရသည်၊၊
          အခေါက်သည် ချို၊ခါး၊အေး၏။ နှလုံးကို အားရှိစေသည်။ ၀မ်းမီးကို ပွားစေသည်။ ရောဂါပိုးကို နိုင်သည်။ သွားဖုံးရောဂါကို ကျေးဇူးပြုပြီး သက်သာပျောက်ကင်းစေသည်။ သည်းခြေဖောက်ပြန်ခြင်း ကို ပျောက်ကင်းစေသည်။ စသည်ဖြစ် အခေါက်၏ အာနိသင် ကိုတွေ့ ရသည်။
          အပွင့်သည် ချို၏။ ဖန်၏။ အေး၏။ အဆီအစေးရှိသော ဂုဏ်နှင့် ပြည့်စုံ၏။ အူကိုတွန့် ရှုံစေတတ်၏။ သည်းခြေနာ၊ မြင်းသရိုက်နာ၊ သွေးသည်းခြေမညီမျှသော အနာ၊ နှလုံးတုန်လှုပ်၍ အိပ်မပျော်သော အနာ၊ အပူအအေး မညီမျှသော အနာ၊ ယားယံသော အနာ စသော ရောဂါဝေဒနာ တို့ ကို သက်သာပျောက်ကင်းစေတတ်ကြောင်း တွေ့ ရသည်။
          အသီးမှည့်သည် ချို၏၊ စဉ်းငယ်ဖန်၏၊ အေး၏၊ အဆီသြဇာရှိ၏၊။ ၀မ်းကို နိုင်၏၊ လေချုပ်၏၊ သလိပ်သည်းခြေကိုနိုင်စေ၏၊ သွားကိုခိုင်မြဲစေ၏၊ အူကို ရှုံတွန့် စေ၏၊ နှုတ်ကို မြိန်စေ၏။
          အစေ့သည် လှုပ်သောသွားကို ခိုင်ခံ့စေ၏၊ ရှူသော် ခေါင်းကိုက်ပျောက်၏၊ စသည့်ဖြစ် ရှေးဟောင်းမြန်မာ ဆေးကျမ်းများတွင် ခရေ၏ ဂုဏ်သတ္တိနှင့် အသုံးဝင်ပုံကို ခွဲခြားပြညွန်း ထားကြောင်းတွေရပါသည်။
         ဆေးဖက်ဝင်ခရေ၏ ဆေးအသုံးပြုပုံအချို့ ကို အစိတ်အပိုင်းအလိုက် ရောဂါဝေဒနာအလိုက်  ခွဲခြားပြညွန်း ပါမည်။
          ခရေခေါက်ကို သုံးခွက်တခွက်တင်ပြုတ်၍ သောက်ခြင်း။ အပွင့်ကို ရှူခြင်း၊ အသီးကို စားခြင်း ဖြစ် နှလုံးရောဂါကို သက်သာပျောက်ကင်းစေသည်။ ထိုပြုတ်ရည်ကို သောက်သုံးပါက ဆီးအတွင်း အနည်အနှစ်ပါခြင်းကို သက်သာပျောက်ကင်းစေတတ်သည်။ အနာများကို ဖန်ရည်ဆေးရာတွင် ခရေခေါက်ပြုတ်ရည်ကို အသုံးပြုနိုင်သည်။ ခရေခေါက်ကို ရေစိမ်၍ သောက်သုံးပေးပါက ဆီးအိမ်ကို သန့် ရှင်းစေပြီး ဆီးလမ်းကြောင်းတွင် ညောင်းကျသောရောဂါကို ပျောက်ကင်းစေတတ်ပါသည်။
          ပါးစပ်၌ပေါက်သော  မက်ခရုရောဂါကို ခရေခေါက်၊ ဆီးဖြူခေါက်၊ ရှားခေါက် တို့ ကို အလေးချိန် ဆတူရော၍ ရေနှင့်ပြုတ်ပါ။ နေ့ အခါတွင် သုံးလေးခါ ငုံ၍ အာလုပ်ကျင်းပေးပါက ပျောက်ကင်းစေပါသည်။ ထို့ ပြင် ပါးစပ်၌ဖြစ်သော အပူလောင်ခြင်း၊ သွားဖုံးရောင်ခြင်းတို့ ကို ပျောက်ကင်းစေပါသည်။ သွားများကိုလဲခိုင်မာစေသည်။
          မွေးကြိုင်သင်းပျံ့ သော ခရေပွင့်လေးများ၏ ရနံသည် ရှူရှိုက်ရုံ ပန်ဆင်ရုံမျှဖြင့် နှလုံးရောဂါကို သက်သာစေသည်။ ခရေပွင့်ခြောက်များကို ခေါင်းအုံးလုပ်၍အိပ်ပါက နှလုံးရောဂါကို နုလျှင် ပျောက်ကင်းပြီး ရင့်လျှင်သက်သာစေပါသည်။
          နွေရာသီတွင် မိတ်ထွက်၍ ယားယံခြင်း၊ မိတ်ကြီးများထွက်၍အယားလွန်ခြင်း တို့ဖြစ်ပါက နွေရာသီတွင်ပွင့်သော ခရေပွင့်ကို ဆားနှင့်သွေး၍ လိမ်းပါက သက်သာပျောက် ကင်းစေနိုင်ပါသည်။ ရာသီတွင်ဖြစ်သောရောဂါကို ရာသီထွက်ဆေးပစ္စည်း အသုံးပြုကုသခြင်းသည် တိုင်းရင်းဆေးပညာ၏ နည်းစံနစ်တမျိုးဟု ဆိုနိုင်ပါသည်။
          ကလေးများ အပူအကြောင်းခံ၍ ရာသီအကူးအပြောင်းတွင် ချောင်းဆိုးပါက ခရေပွင့် လတ်လတ်  ၁ကျပ် ၈ပဲသားကို ရေတစ်ဖန်ခွတ်နှင့် တစ်ညစိမ်ထားပါ။ နံနက်တွင် စစ်ယူပြီး တိုက်ကျွေး ပါ။ ၇ - ရက်ဆက်၍ တိုက်ကျွေးပါက သက်သာပျောက်ကင်းစေပါသည်။
 မီးယပ်ဖြူဆင်းရောဂါကို ခရေပွင့်လတ်လတ် ၃မတ်သား၊ ဗာဒံစေ့ ၃စေ့၊ သကြားခဲ ၃ပဲသား ရော၍ နံနက်တကြိမ် ညတကြိမ် ၄ ပဲသားခန့် ရောဂါနှင့် ချင့်ချိန်၍ တိုက်ကျွေးနိုင်ပါသည်။ ထိုဆေးကို ပင် ဓါတ်ပျက်ရောဂါ၊ သွားလှုပ်၊ သွားနဲ့ ခြင်းတို့ ကို သက်သာပျောက်ကင်းစေကြောင်း သိရပါသည်။
          ၀မ်းလျောဝမ်းပျက် ရောဂါတွင် ခရေသီးကို အသုံးပြုနိုင်သည်။ ခရေသီးမှည့်၏ အသားကို အနှစ်တိုက်၍ စားပါက ကြာမြင့်သော အတိဿရ၀မ်းရောဂါကို ပျောက်ကင်းစေတတ်ကြောင်းတွေ့ ရ ပါသည်။
          ခရေစေ့ကိုမူ ခေါင်းကိုက်ခဲသောဝေဒနာတွင်ရှူပေးစေခြင်းဖြင့် သက်သာပျောက်ကင်းစေ သည်။ အတိဿရ၀မ်း ခေါ် ၀မ်းလျောဝမ်းပျက်ရောဂါတွင် ခရေစေ့ကိုရေအေးနှင့် ကြိတ်၍ သောက်ဆေးအဖြစ် ပေးနိုင်ပြန်ပါသည်။
          ခရေ နှင့် ရေကျောက်ရောဂါတို့ သည် ဓါတ်သဘောအရ  ကက်ကင်း ခေါ် ဓါတ်ပြန် မိနေ ကြောင်း တွေ့ ရသည်။ ထို့ ကြောင့် ရေကျောက်ပေါက်နေသော ကာလရာသီတွင် ခရေသားကို သရဏဂုဏ်သုံးပါးနှင့် ရွတ်ဆို၍ ဆောင်ထားပါက ကာကွယ်ပျောက်ကင်းနိုင်ကြောင်း တွေ့ ရသည်။ သို့ သော် သောကြာသားသမီးများကိုမူ ပေး၍မရနိုင်ပါ။ အကြောင်းမှာ သောကြာနှင့်တနင်္လာသည် သောက ခေါ် ပဋ္ဋိပက္ခ ရန်ဓါတ်ြဖစ်နေသောကြောင့် ဖြစ်ပါသည်။
          ခရေပင်၏ အသုံးဝင်ပုံ ဆေးဖက်ဝင်ပုံ တို့ မှာ များပြားစွာ ကျန်ရှိနေပါသေးသည်။ ယခုဆောင်းပါးတွင် လက်လှမ်းမှီသမျှကို သာ ဖော်ပြလိုက်ခြင်း ဖြစ်ပါသည်။
ပန်ချင်တယ် ခရေဖူးဆိုလို့ ………….
                                                                   ၀င်းသူရညွန့် 
ကိုးကားသောကျမ်းများ
၁။ ပုံပြဆေးအဘိဓာန် (ပထမတွဲ) - ရှင်နဂသိန်
၂။မြန်မာ့လှို့ ဝှက်ဆေးဝါးနှင့် အသုံးဝင်နွယ်မြက်သစ်ပင် - မောင်ယဉ်နွယ်
၃။ သမားလက်စွဲ ခေါ် ဆေးအဘိဓာန် အဖွင့်ကျမ်း - အရှင်သုတဓရ
၎။ ဆေးပင်သိမှု ရုက္ခဗေဒ - တိုင်းရင်းဆေးသိပံ ပထမနှစ်သင်ခန်းစာ
 Source: http://winthuranyunt.blogspot.com/

Posted in: ဆေးဖက်ဝင်အပင်များ