မုန်လာဥရဲ့စွမ်းအင်

မုန်လာဥတွင်ပါသော နိုက်ထရိတ်ဓာတ် သွေးတိုးခြင်းကို ကျဆင်းစေနိုင်

မုန်လာဥတွင် ပါဝင်သော နိုက်ထရိတ်ဓာတ်သည် သွေးတိုးခြင်းကို ကျဆင်းစေနိုင်ကြောင်း သုတေသီများက ပြောကြားသည်။

မုန်လာဥကို ဟင်းချက်၍ စားသုံးသည် ဖြစ်စေ၊ နိုက်ထရိတ်ဆေးပြားများ သောက်သုံးသည် ဖြစ်စေ သွေးတိုးကျ
 စေနိုင်ကြောင်း အမေရိကန်နှလုံးနှင့် သွေးကြောဆိုင်ရာ ဆေးဂျာနယ်၌ ဖော်ပြသည်။

နိုက်ထရိတ်ဓာတ်သည် ဟင်းသီးဟင်းရွက်တို့တွင် အများဆုံး ပါဝင်တတ်သည်။ မုန်လာဥတွင် နိုက်ထရိတ်ဓာတ်များ ပါဝင်နေသဖြင့် နှလုံးနှင့်ဆိုင်သော ရောဂါများ ကုသရာ၌ ပိုမိုထိရောက်စွာ ကုသနိုင်လိမ့်မည်ဟု သုတေသီများက မျှော်လင့်ထားသည်။

ကမ္ဘာပေါ်တွင် အရွယ်ရောက်သူ ၂၅ ရာခိုင်နှုန်းမှာ နှလုံးနှင့်ဆိုင်သော ရောဂါများ ဖြစ်ပွားလျက်ရှိသည်။ ၂၀၂၅ ခုနှစ်အရောက်တွင် ထို့ထက်ပိုလာနိုင်သည် ဟုဆိုသည်။

 New

Mg Mandalay

source >>>http://www.facebook.com/

shared by >>>http://natureenergycare.blogspot.com/2012/10/blog-post_8663.html#more

Read More

ဖရဲသီးကပေးတဲ့ ကျန်းမာရေး နှင့် အလှအပ အကျိုးအမျိုးမျိုး

ဖရဲသီးဟာ ရာသီပေါ် အသီးအနှံဖြစ်ပြီး မြန်မာပြည်သူပြည်သားတွေ အများဆုံး စားသုံးကြတဲ့ သွားရည်စာတစ်မျိုး ဖြစ်ပါတယ်။ မာတ်တွိန်းကတောင် ဖရဲသီးကို စားတဲ့သူဟာ နတ်သားတွေ ဘာစားတယ် ဆိုတာ သိလာလိမ့်မယ်ဆိုပြီး ဖရဲသီးဂုဏ်ကို ချီးမြောက်ခဲ့ပါတယ်။ ဖရဲသီးဟာ နတ်သားတွေ စားသုံးတဲ့သစ်သီးဖြစ်ရုံမက နတ်သမီးလေးဖြစ်အောင်ပါ ဘယ်လို စားသုံးသင့်တယ်ဆိုတဲ့အကြောင်းကို တင်ဆက်စရာ သစ်သီးအလှအဖြစ် ဖော်ပြလိုက်ရပါတယ်။

 မှတ်ဉာဏ်ကောင်းစေတယ် 
မြင်းခွာရွက်မှ မှတ်ဉာဏ်ကောင်းတာ မဟုတ်ဘူးနော်။ ဖရဲသီးဟာလည်း လူကို မှတ်ဉာဏ်ကောင်း စေတယ်။ ဖရဲသီးအစေ့ကို အခွံခွာပြီး လေး၊ ငါးလုံးလောက် မနက် ဘာမှမစားရသေးခင် စားပေးပါ။ ကျောင်းသူ ကျောင်းသားတွေ စားသုံးပေးသင့်ပါတယ်။ မှတ်ဉာဏ်ကောင်းစေပါတယ်။ ဖရဲသီးအစေ့မှာ ပရိုတင်း၊ အက်မီနိုအက်ဆစ်၊ ဗီတာမင်ဘီ၊ သံဓာတ်၊ ဇင့်ဓာတ်နဲ့ တခြားဓာတ်တွေ ပါဝင်ပါတယ်။ ဒါ့အပြင် ညဘက်အိပ်မပျော်ခြင်း၊ လွယ်ကူစွာ အိပ်မရခြင်း၊ ခဏ ခဏ သတိမေ့လျော့ခြင်းများအတွက် ဖရဲသီးဟာ အကောင်းဆုံး မှတ်ဉာဏ်တိုးဆေးပဲ ဖြစ်ပါတယ်။

ဝမ်းချုပ်တာကာကွယ် 
ဖရဲသီးကို နေ့လယ်စာနဲ့ ညစာစားပြီးအချိန် စားသုံးပေးရင် ဝမ်းချုပ်ခြင်းမှ ကာကွယ် ပေးပါတယ်။ ဖျားနေရင် ဖရဲသီးကို ဒီအတိုင်းသော်လည်းကောင်း၊ အရည်သော် လည်းကောင်း သောက်သုံးပေးပါ။ ချောင်းခြောက်ဆိုးနေရင် ဆားခပ်ပြီး သောက်ပေးပါ။

ခေါင်းကိုက်၊ ကျောက်ကပ် 
ခေါင်းကိုက်နေရင် ဖရဲသီးဖျော်ရည်ကို မနက်ပိုင်း ဘာမှမစားရသေးခင် သောက်ပေးပါ။ သကြားတစ်ဇွန်း (လက်ဖက်ရည်ဇွန်း) နဲ့ ခပ်ပြီး သောက်ပေးပါ။ ဖရဲသီးကို အရည်ပဲဖြစ်ဖြစ်၊ ဒီအတိုင်းပဲဖြစ်ဖြစ် စားသုံးပေးပါက ကျောက်ကပ်ကို သန့်စင်စေပါတယ်။ ဂျိုးတွေကျစေ ပါတယ်။ ကွမ်းစားလို့ ကျောက်ကပ်မှာ ထုံးတွေတည်နေတာတွေ ကျစေပါတယ်။

သွေးတိုးအတွက်
သွေးတိုးသမားတွေအတွက် ဖရဲသီးအစေ့ကို ဖျော်ရည်လုပ်ပြီး သောက်ပေးရပါမယ်။ ဖရဲသီးအစေ့ကို နေလှန်းပြီး တစ်ရက်ထားပါ။ ပြီးရင် လက်ဖက်ရည်ဇွန်း (၂)ဇွန်းစာ အစေ့တွေကိုယူပြီး ရေနွေးနဲ့ တစ်နာရီလောက် ပြုတ်ပေးပါ။ သုံးပုံတစ်ပုံကျန်မှ အရည်နဲ့စစ်ပြီး အဲဒီ့အရည်ကို မနက်တိုင်း ဘာအစာမှ မစားရသေးခင် သောက်သုံးပေး ရပါမယ်။ ကျန်တဲ့ နေ့ခင်းဘက်အချိန်တွေ သောက်ရင်လည်း ရပါတယ်။ မနက်ပိုင်း ဘာအစာမှ မစားရသေးခင် သောက်တာဟာ အကောင်းဆုံး အကျိုးသက်ရောက်မှု ရှိစေပါတယ်။

ဖရဲသီး Diet လုပ်နည်း 
ဖရဲသီးဟာ ဝိတ်ကျစေတဲ့ သစ်သီးတစ်မျိုး ဖြစ်ပါတယ်။ ဖရဲသီးတစ်ခွက်မှာ ကယ်လိုရီ ၄၆ ရှိပါတယ်။ ဖရဲသီးဖျော်ရည်ကို များများသောက်ပြီး ရေများများသောက်ပေးရင် သိသိသာသာ ဝိတ်ကျလာစေပါတယ်။ တခြား ဘေးထွက်ဆိုးကျိုးများ မရှိတဲ့အတွက် စိတ်ချလက်ချ စားသုံးနိုင်ပါတယ်။ ဖရဲသီးကို ဘယ်လောက်စားသုံးပေးရမလဲဆိုတော့ ကိုယ်ဘယ်လောက် ဝိတ်မြန်မြန်ချချင်တယ်ဆိုတဲ့အပေါ်မှာ မူတည်ပါတယ်။ သာမန်အား ဖြင့်တော့ ကယ်လိုရီ ၁၅၀ စားသုံးပေးရမှာ ဖြစ်ပါတယ်။ ဖရဲသီးကို မနက်စာ မစားခင် အချိန်၊ နေ့လယ်စာမစားခင် တစ်ခွက်နဲ့ ညနေစာမစားခင် တစ်ခွက် သောက်ပေးပါ။ သွားရည်စာအဖြစ်လည်း စားသုံးပေးပါ။ ဖရဲသီးထဲမှာပါတဲ့ သကြားဓာတ်ဟာ ဘေးဘယာမဖြစ်စေပါဘူး။

အကောင်းဆုံး Toner 
ဖရဲသီးဟာ သဘာဝအကောင်းဆုံး Toner တစ်ခုပဲဖြစ်ပါတယ်။ ဖရဲသီးအရည်ကို ပျားရည်နဲ့ရောပြီး ခြောက်သွေ့တဲ့ အသားအရေပိုင်ရှင်တွေအတွက် လိမ်းပေးနိုင်ပါတယ်။ အဆီပြန်တဲ့အသားအရေအတွက် ဖရဲသီးအရည်နဲ့တင် လိမ်းပေးနိုင်ပါတယ်။ သဘာဝ Toner ဖြစ်ပြီး မျက်နှာအရေပြားအတွက်လည်း လိမ်းပေးနိုင်ပါသေးတယ်။ လိမ်းမည် ဆိုပါက အရင်ဆုံး ပိတ်ဖြူသန့်တစ်စအပေါ် ဖရဲသီးအရည်ဆွတ်ပြီး မျက်နှာကို လိမ်းပေးပါ။ လည်ပင်းနေရာတွေကိုပါ လိမ်းပေးရမှာ ဖြစ်ပါတယ်။ အသားအရေကို တင်းရင်းစေတယ်။ စိုပြည်စေပါတယ်။ ဗီတာမင်စီ၊ ဗီတာမင်အေတို့ ပါဝင်တဲ့အတွက် အသားအရေကို တောက်ပရွှန်းလဲ့စေပါတယ်။ အရေပြားပေါ်က ပျက်စီးနေတဲ့ဆဲလ်တွေကို ပြုပြင်ပေးပြီး အသစ်ပြန်လည် ဖြည့်ဆည်းပေးပါတယ်။

ဖရဲသီးနဲ့ မျက်နှာပေါင်းတင်မယ် 
ဖရဲသီးကို ညှစ်ပြီး အဖတ်ကို မျက်နှာနဲ့ လည်ပင်းနေရာတွေကို လိမ်းပေးပါ။ ၁၅ မိနစ်လောက်ထားပြီး မျက်နှာကို ပြန်ဆေးပေးပါ။ ဒါက ရိုးရိုးနည်းဖြစ်ပါတယ်။ မျက်နှာမှာ နေလောင်ဒဏ်တွေ၊ နေပူထဲ ခဏ ခဏသွားရတဲ့ မျက်နှာမည်းညစ်နေတဲ့သူဆိုရင်တော့ ဖရဲသီးနဲ့ သခွားသီးကို အချိုးကျညှစ်ပြီး အဖတ်နဲ့လိမ်းပေးရမှာ ဖြစ်ပါတယ်။ မိနစ် ၂၀ လောက်ထားပြီးမှ ရေနဲ့ပြန်ဆေးပေးပါ။ သာမန်အသားအရေအတွက် ဖရဲသီး ပေါင်းတင် နည်းဟာ အရေပြားကို နူးညံ့ရွှန်းစိုလာစေပြီး နေလောင်ဒဏ် အသားအရေများအတွက် မည်းညစ်နေတာတွေ ပျောက်ကင်းပြီး ရှင်းသန့်လာစေပါတယ်။

နွေဦးအစားအစာ 
ပူအိုက်တဲ့ရာသီမှာ စားသုံးသင့်တဲ့ အသီးတစ်မျိုးပါပဲ။ ဘာဖြစ်လို့လဲဆိုတော့ ဖရဲသီးမှာ ရေဓာတ်အများကြီး ပါပါတယ်။ ၉၂ ရာခိုင်နှုန်း ပါဝင်ပါတယ်။ ရေကိုဒီအတိုင်းကြီး သောက်တာထက် ဖရဲသီးကို စားပေးတာဟာ အရသာလည်းရှိ၊ ရေငတ်လည်းပြေပါတယ်။ ကိုယ်အတွင်းရှိ အဆိပ်ဖြစ်စေမယ့် အရာတွေကို ရှင်းပေးပါတယ်။

ပုရိသတို့စားသုံးသင့်တဲ့ ဖရဲသီး 
ဖရဲသီးဟာ ယောက်ျားကာမအားတိုးစေတယ်လို့ သိပ္ပံပညာရှင်များစွာက သက်သေထူနိုင်ခဲ့ ကြပါတယ်။ ယောက်ျားအယောက် ၅၀ ကို လေ့လာဆန်းစစ်တဲ့အခါမှာ ကာမအား သိသိသာသာ တိုးလာကြောင်း တွေ့ရှိရပါတယ်။ ဖရဲသီးမှာ Citrulline ဓာတ်တွေ အများကြီးရှိပါတယ်။ လေ့လာတွေ့ရှိချက်များအရ လုံလောက်တဲ့ Crtrulline ရရှိရန် ဖရဲသီးခြောက်စိတ် (သို့) ခုနှစ်စိတ်ကို နေ့စဉ်စားသုံးပေးရန် လိုအပ်ကြောင်း သိရှိရပါတယ်။
Ref: 8 Days Journal
shared by >>>http://natureenergycare.blogspot.com/2012/10/blog-post_2103.html#more

Read More

ကြံရည်၏ ကျန်းမာရေးအာနိသင်များ

ကြံပင်ဟာ အဆစ်တွေ ပါပြီး ကြံ့ခိုင်တဲ့ အပင်ဖြစ်ပြီး အမြင့်အားဖြင့် ၂-၆ မီတာ လောက် မြင့်ပါတယ်။ ကြံရိုးက ရတဲ့ ကြံရည်ဟာ မရှိမဖြစ် အာဟာရဓာတ်တွေ ပါဝင်တာကြောင့် ကျန်းမာရေးနဲ့ အလွန်ညီညွတ်ပါတယ်။ ကြံရည်ဟာ စွမ်းအင်မြင့်မားစွာ ပါဝင်တဲ့

သဘာဝ အရည်ဖြစ်ပြီး သကြားထည့်ထားတဲ့ အရည်တွေအစား သောက်သုံးနိုင်ပါတယ်။

ကျန်းမာကြံ့ခိုင်စေပါတယ်

ကြံရိုးမှာ Glycemic Index နည်း တာကြောင့် ခန္ဓာကိုယ်ကို ကျန်းမာကြံ့ခိုင် စေပါတယ်။ ကြံရိုးမှာ ရိုးရိုးသကြားဓာတ် မပါဝင်တဲ့အတွက် ဆီးချိုရောဂါရှိသူတွေ သောက်သုံးနိုင်သော်လည်း ဆီးချိုရောဂါ ရှိသူတွေအနေနဲ့ တတ်နိုင်သမျှ ထိန်းချုပ် သောက်သုံးသင့်ပါတယ်။

အအေးမိတာနဲ့ တုပ်ကွေးတို့ မဖြစ် အောင် ကာကွယ်နိုင်ပါတယ်

ရေခဲမပါတဲ့ ကြံရည်ဟာ လည်ချောင်း နာတာ၊ အအေးမိတာနဲ့ တုပ်ကွေး ကွေး တာတို့ မဖြစ်အောင် ကာကွယ်နိုင်တယ် လို့ တချို့က ဆိုပါတယ်။

ကင်ဆာကို ကာကွယ်ပေးနိုင်ပါတယ်

ကြံရည်ဟာ အယ်လ်ကာလိုင်း ဂုဏ် သတ္တိရှိတာကြောင့် ကင်ဆာ၊ အထူးသ ဖြင့် ဆီးကျိတ်နဲ့ ရင်သားကင်ဆာတို့မဖြစ် အောင် ကာကွယ်ပေးနိုင်ပါတယ်။

စွမ်းအင်ရရှိစေပါတယ်

ကြံရိုးဟာ ခန္ဓာကိုယ်ကို ဂလူးကို့စ် ဓာတ်ရရှိစေတာကြောင့် စွမ်းအင်လိုအပ် တဲ့ နေရာတွေမှာ ဂလိုင်ကိုဂျင်အဖြစ် သို လှောင်ထားပါတယ်။

 ရေဓာတ် ပြည့်ဝစေပါတယ်

ပူပြင်းတဲ့ရာသီဒဏ်ခံရရင်ဒါမှမဟုတ်ကိုယ်လက်လှုပ်ရှားမှုကိုကြာကြာလုပ်ရင်ကြံရည်ကို သောက်သင့်ပါတယ်။ ဒါကခန္ဓာကိုယ်ကိုရေဓာတ်ပြည့်ဝစေပါတယ်။အထူးသဖြင့်ဆော်ဒါလိုအချိုရည်တွေအစားကြံရည်ကို သောက် သင့် ပါတယ်။

ခန္ဓာကိုယ် အစိတ်အပိုင်း တချို့ ကို သန်စွမ်းစေတယ်

ကြံရိုးဟာ အစာအိမ်၊ ကျောက်ကပ်၊ နှလုံး၊ မျက်စိ၊ ဦးနှောက်နဲ့ လိင်အင်္ဂါတွေ ကိုသန်စွမ်းစေတယ်လို့ တချို့က ယုံကြည် ကြပါတယ်။

ဆီး လမ်း ကြောင်း ကျန်း မာစေပါတယ်

ကြံရိုးဟာဆီးလမ်းကြောင်းကိုသန့်စင်စေပြီးကျောက်ကပ်တွေကိုလုပ်ငန်းဆောင်တာ ကောင်းကောင်းလုပ်နိုင်ဖို့ ကူညီပါတယ်။ကြံရိုးဟာဂနိုဆီးပူ ညောင်း ကျရောဂါ၊ ဆီးကျိတ်ကြီးတာ၊ ဆီးအိတ် ရောင်တာတို့ကြောင့်ဖြစ်တဲ့ ဆီးသွားလို စိတ်များတဲ့ ဝေဒနာကို သက်သာစေပါ တယ်။

သက်လုံကောင်းစေပါတယ်

ကြံရိုးမှာ ကာဗိုဟိုက်ဒရိတ်ပါဝင်မှု များတာကြောင့် ခန္ဓာကိုယ်ကို စွမ်းအင် ဖြည့်ပေးပြီး လန်းဆန်းစေပါတယ်။ ပင် ပန်းနေတဲ့ ကြွက်သားတွေကို စွမ်းအင် ချက်ချင်းပေးနိုင်ပြီး အားကစားသမား တွေမှာ သက်လုံကောင်းစေပါတယ်။

ဝမ်းမှန်မှန်သွား စေပါတယ်

ကြံရိုးမှာ ပိုတက်စီယမ်ပါဝင်မှု မြင့်မား တာကြောင့် အစာကြေညက်စေပြီး ဝမ်း နုတ်ဆေး အပျော့စားလို ထိထိရောက် ရောက် အသုံးဝင်ပါတယ်။

source>>> http://myawady.net.mm/mwdhealth/index.

shared by >>>http://natureenergycare.blogspot.com/2012/10/blog-post_3116.html#more

Read More

ဟင်းခတ်အမွှေးအကြိုင်များ၏ ကျန်းမာရေးအစွမ်းများ

ဟင်းခတ်အမွှေးအကြိုင်တွေ အသုံးပြုတာကြောင့် ဟင်းရဲ့အရသာကောင်းမွန်ပြီး ဟင်းအပြင်အဆင် လှပရုံသာမက သင့်အတွက် ကျန်းမာရေးကောင်းစေတဲ့ ဗီတာမင်၊ သတ္တုဓာတ်နဲ့ ဓာတ်တိုးဆန့်ကျင်ပစ္စည်းတွေပါ ရရှိနိုင်ပါတယ်။ Phytochemicals နဲ့ antioxidant တွေလည်း ပါဝင်တဲ့အတွက် ကင်ဆာရောဂါနဲ့ နှလုံးရောဂါဖြစ်နိုင်ခြေတွေကို လျှော့ချပေးပါတယ်။ ဟင်းခတ်အမွှေးအကြိုင် အလိုက်ပါဝင်တဲ့ အာဟာရဓာတ်တွေကို ဖော်ပြပေးလိုက်ပါတယ်။

 ဆီသတ်ရွက်  ဗီတာမင် A နဲ့ B၊ သံဓာတ်၊ ကယ်လ်စီယမ်နဲ့ ဖော့စ်ဖရပ်စ်တွေများစွာ ပါဝင်ပါတယ်။
ပင်စိမ်းရွက်
 ကယ်လ်စီယမ်၊ ဗီတာမင် A နဲ့ ဗီတာမင် C များစွာပါဝင်ပါတယ်။ ပင်စိမ်းရွက်မှာ ပါဝင်တဲ့ ဓာတ်တိုးဆန့်ကျင်သတ္တိတွေဟာ ပန်းသီး၊ လိမ္မောသီးနဲ့ ဘလူးဘယ်ရီသီးထက် ပိုမို အစွမ်းထက်ပါတယ်။

 ချင်း
ချင်းဟာ ဘက်တီးရီးယားကို တွန်းလှန်နိုင်ပါတယ်။ ရောင်ရမ်းမှုကို လျှော့ချနိုင်တဲ့အစွမ်းနဲ့ ဓာတ်တိုးဆန့်ကျင်တဲ့ အစွမ်းတွေ ရှိပါတယ်။ ချင်းဟာ ခေါင်းတစ်ခြမ်းကိုက်ရောဂါ ရနိုင်တဲ့ ဦးနှောက်သွေးကြောတွင်း ရောင်ရမ်းမှုဖြစ်စေတဲ့ Prostagladin ရဲ့ အကျိုးသက်ရောက်မှုကို ပိတ်ပင်ပေးပါတယ်။ ဒါကြောင့် migraine (ခေါင်းတစ်ခြမ်းကိုက်ဝေဒနာ) စတင်ခံစားရတာနဲ့ ချင်းဖျော်ရည်တစ်ခွက် သောက်လိုက်ရင် ဝေဒနာသက်သာ သွားနိုင်ပါတယ်။

နနွင်း
နနွင်းမှာ ဘက်တီးရီးယားကို တွန်းလှန်နိုင်တဲ့ ဂုဏ်သတ္တိ၊ ရောင်ရမ်းမှုကို တွန်းလှန်နိုင်တဲ့ ဂုဏ်သတ္တိနဲ့ ဓာတ်တိုးဆန့်ကျင့်နိုင်တဲ့ အစွမ်းသတ္တိတွေ ပါရှိပါတယ်။ အဆစ်ရောင်ရမ်းမှုကိုလည်း ပိတ်ပင်နိုင်တဲ့အတွက် အဆစ်ရောင်ရောဂါရှိသူတွေအတွက် အသုံးဝင်ပါတယ်။

ကြက်သွန်ဖြူ
မဂ္ဂနီးစ်၊ ဗီတာမင် B6 နဲ့ ဗီတာမင် C များစွာ ပါဝင်ပါတယ်။ ကြက်သွန်ဖြူမှာပါဝင်တဲ့ အနံ့ထွက်စေတဲ့ allicin ဒြပ်ပေါင်းဟာ ဘက်တီးရီးယားနဲ့ မှိုပိုးတွေ အပါအဝင် ပိုးမွှားတွေကို သေစေနိုင်တဲ့ အစွမ်းသတ္တိပါရှိသည်။ အအေးမိရောဂါနဲ့ တုပ်ကွေးရောဂါရှိသူတွေ စားသင့်ပါတယ်။

ပူစီနံ
ဗီတာမင် A နဲ့ ဗီတာမင် C တွေများစွာပါဝင်ပြီး ဓာတ်တိုးဆန့်ကျင့်ပစ္စည်းအဖြစ် ကင်ဆာကိုတွန်းလှန်နိုင်တဲ့ ပစ္စည်းအဖြစ် အသုံးဝင်ပါတယ်။ အမျှင်ဓာတ်နဲ့ ကယ်လ်စီယမ်တွေလည်း များစွာပါဝင်ပါတယ်။

နံနံပင်
နံနံပင်မှာ ဗီတာမင် A, B, C နဲ့ သံဓာတ်၊ ကယ်လ်စီယမ်ဓာတ်တွေအပြင် ဓာတ်တိုးဆန့်ကျင်စွမ်းအားတွေအတွက် Phytochemicals တွေ များစွာ ပါဝင်ပါတယ်။ ဝမ်းဗိုက်မကောင်းသူများအတွက် အထူးကောင်းမွန်ပါတယ်။

ကြက်သွန်မြိတ်
နံနံပင်နဲ့ အာဟာရပါဝင်မှု တူညီတဲ့အပြင် ကျန်းမာရေးအစွမ်းသတ္တိလည်း တူညီပါတယ်။ ကြက်သွန်နီ မိသားစုဝင်ဖြစ်တဲ့အတွက် မှိုပိုးကို တွန်းလှန်နိုင်တဲ့ ဆာလဖာဒြပ်ပေါင်းတွေ ပါဝင်ပါတယ်။
Ref: Good Health
source>>>http://natureenergycare.blogspot.com/2012/11/blog-post_5986.html#more

Read More

ထောပတ်သီးရဲ့ကျန်းမာရေးနှင့် အလှအပ

ကျန်းမာရေးနှင့် အလှအပ အတွက် အကျိုးရှိစေမဲ့ အသီးတစ်မျိုးကတော့ထောပတ်
သီးဘဲဖြစ်ပါတယ်။ဒီအသီးဟာလည်းရှားပါးအသီးမျိုးတော့မဟုတ်ပါဘူး။အလွယ်တကူဝယ်ယူရရှိနိုင်ပါတယ်။ဒီဆောင်းပါးလေးကိုလည်း
ကျွန်တော် 8 Day ဂျာနယ်မှ ကူးယူစုဆောင်းထားတာဖြစ်ပါတယ်။
ကဗျာဆရာခါလီဂျီဘရန်က ‘ချစ်မေတ္တာ ကင်းပတဲ့ ဘဝဟာ မြုံနေတဲ့သစ်ပင်၊ ပန်းပင်နဲ့ တူတယ်’ လို့ဆိုထားတယ်။  အလားတူ ပျိုတို့ သုံးနေတဲ့ အလှကုန် ပစ္စည်းတွေဟာလည်း သစ်သီးသစ်ဖုတွေ မပါဘဲ ဓာတ်တုပစ္စည်း အားကိုးနဲ့ အစွမ်းရှိရိုး ထုံးစံမရှိပါဘူး။ သဘာဝက ပေးစွမ်းထားတဲ့ သစ်သီးသစ်ဥသစ်ဖုများနဲ့ ပျိုတို့အလှကို အရောင်တင်လင်းလက်စေခဲ့ရတာ ဖြစ်ပါတယ်။ ဒီတစ်ခါ ပျိုတို့ရဲ့လင်းရောင်ခြည်ကို တောက်ပစေမယ့် သစ်သီးကတော့ ထောပတ်သီးပဲ ဖြစ်ပါတယ်။

အာရောဂျံအကျိုးကျေးဇူးများ
     ထောပတ်သီးဟာ တခြားသော လူအများစားသုံးကြတဲ့ သစ်သီးတွေထက် ကာရိုတီနွိုက်လူတင်း (Carotenoid Lutein)ပါဝင်တာ ကြောင့်   မျက်လုံးနဲ့ ပတ်သက်တဲ့ ဘေးဘယာများကို ကင်းရှင်းစေပါတယ်။ နှလုံးသမားများအတွက် ထောပတ်သီးဟာ အစဉ်သဖြင့် မှီဝဲ သင့်တဲ့ သစ်သီးတစ်မျိူး ဖြစ်ပါတယ်။ ထောပတ်သီးထဲက ဖိုလေး (Folate) ဓာတ်ပါဝင်မှုနှုန်း မြင့်မားခြင်းကြောင့် နှလုံးရိုက်ခြင်း၊ ဖြတ်ခြင်း များကို ကာကွယ် ပေးနိုင်စွမ်း ရှိပြီးနေ့စဉ် ထောပတ်သီးဖျော်ရည်တဟ်ခွက် သောက်သုံးခြင်းဖြင့် ရုတ်တရက် နှလုံးရှော့ခ်ရိုက်ခြင်းမှ ၂၃ ရာခိုင်နှုန်း   ကာကွယ်ပေးနိုင်ကြောင်း  လေ့လာချက်များအရ   တွေ့ရှိရပါတယ်။     ဒါ့အပြင် ထောပတ်သီးထဲမှာ ပါဝင်တဲ့ ဗီတာမင်အီး၊ Monounsaturated Fats နဲ့ ဂလူတသီဝမ်ဓာတ်တို့ဟာ နှလုံးအတွက် အားပေးစေတဲ့ ဓာတ်များပဲ ဖြစ်ပါတယ်။
     ဗီတာမင်တွေထဲမှာ ပျိုတို့အတွက် အလှအပအတွက်ရော၊ ကျန်းမာရေးအတွက်ပါ အရေးအကြီးဆုံး ဗီတာမင်တစ်ခု ဖြစ်တဲ့ ဗီတာမင် အီးကို ချို့တဲ့နေတယ်ဆိုရင် ထောပတ်သီးကို သုံးဆောင်ပေးသင့်ပါတယ်။ ထောပတ်သီးဟာ ဗီတာမင်အီး ပေါကြွယ်ဝဆုံး သစ်သီးတစ်မျိုး ဖြစ်ပါတယ်။
   
ထောပတ်သီးဟာ ဝိတ်ကျစေတယ် လို့ အမေရိကန်နှလုံးရောဂါအဖွဲ့ကြီးက ထောက်ခံချက်ပေးထားပါတယ်။ အမေရိကန်ဆီးချို ရောဂါကာကွယ်ရေး အဖွဲ့ကလည်း ထောပတ်သီးဟာ ဆီးချိုရောဂါမဖြစ်ပွားအောင် တားဆီးပေးနိုင်စွမ်းရှိရုံမျှမက ဝိတ်ကျစေတယ်လို့ အတည်ပြုထားပါတယ်။

ကာကွယ်တားဆီးပေးခြင်း
     ထောပတ်သီးဟာ ကင်ဆာအတော်များများကို ကြိုတင်ကာကွယ် တားဆီးပေးပါတယ်။ အနောက်တိုင်းမှာ အမျိုးသမီးတွေ အဖြစ်များ နေတဲ့ ရင်သားကင်ဆာရောဂါကိုလည်း တားဆီးပေးပါတယ်။ ထောပတ်သီးထဲမှာ ပါတဲ့ အော်လီအစ် (Oleic) အက်ဆစ် ပါဝင်မှုကြောင့် ရင်သားကင်ဆာကို ကာကွယ်ပေးနိုင်ကြောင်း သုတေသီ စာတမ်း အတော်များများမှာ တွေ့ရှိထားပါတယ်။

ထောပတ်သီးနဲ့ အလှပြင်နည်းများ
 ထောပတ်သီးထဲမှာ ဗီတာမင်စီ၊ ဗီတာမင်အီးတို့ အထူးကြွယ်ဝတာကြောင့် ပျိုတို့ရဲ့ အလှအပတိုးတက်ရေးအတွက် အထူးပဲ သင့်တော်တဲ့ သစ်သီးတစ်မျိုး ဖြစ်ပါတယ်။ သာမန်စားသုံးပေးရုံနဲ့တင် လူကို အကျိုးပြုစေတဲ့ သစ်သီး ဖြစ်ပါတယ်။

မျက်လုံးမို့အစ်ဖောင်းနေခြင်း
 ဖိအိပ်ထားလို့ပဲ ဖြစ်ဖြစ်၊ ငိုထားလို့ပဲ ဖြစ်ဖြစ် မျက်ဝန်းပေါ်က မျက်ခွံအိမ်လေးဟာ မို့မို့ဖောင်း နေတတ်ပါတယ်။ ဒီမို့မို့ဟာ ပျိုတို့အတွက် လိုလားအပ်တဲ့အရာတော့ ဟုတ်မယ် မထင်ပါဘူး။ ဒီလိုမျိုး မျက်ခွံမို့မို့ဖောင်းနေရင် ထောပတ်သီးကို အခွံခွာပြီး အတွင်းသားလေးကို အ လွှာချပ်လေးပုံစံလှီးပြီး မျက်ခွံပေါ်သိပ်ပါ ကျန်အတွင်းသားတွေနဲ့ မျက်နှာအသားအရေကို လိမ်းကျံပါ။ မျက်လုံးအောက်ဘက်ခြမ်းနေရာကို လိမ်းကျံပေးရမှာ ဖြစ်ပါတယ်။ မိနစ်၂၀ ခန့်ထားပြီးတော့မှ ရေနွေးနွေးနဲ့ ဆေးကြောပေးပါ။ မို့မို့ဖောင်း မျက်ခွံလေးတွေ ပျောက်ကင်း သွားပါလိမ့်မယ်။

ကေသာဆံမြ နူးညံ့လှစေ
ပျိုတို့ကေသာအတွက် ဗီတာမင်အီးပါတဲ့ ရှမ်ပူတွေကို သုံးမယ့် အစား အောက်က ဖော်ပြထားတဲ့ နည်းလမ်းလေးနဲ့ ပြုလုပ်မယ်ဆိုရင် ပျိုတို့ရဲ့ ကေသာဟာ သိသိသာသာ နူးညံ့ပြီး ချောမွေ့လာပါမယ်။ ကမ္ဘာကျော်မော်ဒယ်တစ်ယောက်ဖြစ်တဲ့ ဆဲလစ်တာဘန့်ခါဟာ ဆိုရင် ထောပတ်သီးနဲ့ အမြဲခေါင်းလျှော်ပြီး ကေသာ တောက်ပြောင်အောင် လုပ်တယ်လို့ သိရပါတယ်။
 ဆဲလစ်တာရဲ့ ကေသာတောက်ပြောင် လျှို့ဝှက်ချက်နည်းကတော့ ထောပတ်သီး တစ်လုံးဝက်ခန့်ကို အနှစ်သားတွေပဲ ယူပြီးဆံပင်ကို လိမ်းကျံတာပဲ ဖြစ်ပါတယ်။ မိနစ်အနည်းငယ်ခန့်ထားပြီးမှ ရေနဲ့ ပြန်ဆေးတာ ဖြစ်ပါတယ်။ နောက်တစ်နည်းကတော့ ပန်းကန်ခွက် (သေးသေး)တစ်လုံးထဲကို ထောပတ်သီးတစ်လုံး (ဆံပင်တိုရင်တော့ တစ်ဝက်ခန့်သာသုံးရန်)၊ ကြက်ဥအကာရည်(ကြက်ဥတစ်လုံးစာ)၊ သံလွင်ဆီ ဇွန်းတစ်ဝက်ခန့် (လက်ဖက်ရည်ဇွန်း) တို့ကို ရောစပ်ပြီး ဆံပင်ကို လိမ်းပေးပါ။ လိမ်းပြီး နာရီဝက်ခန့်(သို့) အထက်ထားပြီး ခေါင်းလျှော်ပေးပါ။

လက်အသားအရေ နူးညံ့ချောမွေ့စေခြင်း
ရွှေဇွန်းကိုက်ပြီး မမွေးလာရလို့ပဲ ဖြစ်ဖြစ်၊ ဘတ်စ်ကားလက်ရန်းကိုင်ပြီး ကားတိုးစီး နေရလို့ပဲ ဖြစ်ဖြစ် မေတို့ရဲ့ လက်ချောင်းလေးတွေ ဟာ ထူထဲမာကြမ်းနေတယ်ဆိုရင် ထောပတ်သီးက နူးညံ့သွားအောင် တာဝန်ယူကူညီဖြေရှင်းပေးပါရစေ။
 ထောပတ်သီး (အခွံနွာပြီးလေးပုံတစ်ပုံခန့်ထည့်ရန်)၊ ကြက်ဥအကာရည် (ကြက်ဥ တစ်လုံးစာ)၊ ကောက်ညှင်းဆန် ၂ ဇွန်းခန့် (စားပွဲတင်ဇွန်း)၊ သံပုရာရည်တစ်ဇွန်းခန့် (လက်ဖက်ရည်ဇွန်း) တို့ကို ပေါင်းစပ်ရောနှောပြီး လက်ဖမိုးနဲ့ လက်ခုံတို့ကိ လိမ်းပေးပါ။ လိမ်းပြီး မိနစ် ၂၀ ခန့်စောင့်ပေးရမှာ ဖြစ်ပါတယ်။ ပြီးမှရေနွေးနွေးနဲ့ ဆေးကြောပြီး လက်ကိုဖွဖွလေး ပြန်နှိပ်ပေးပါ။ လက်ဖမိုးအသားအရေဟာ နူးံညံ့ပျော့ပြောင်းလာမှာ ဖြစ်ပါတယ်။

 ထောပတ်သီးနဲ့ နေလောင်ဒဏ်အသားအရေကို ကုစားနိုင်ပါသေးတယ်။ လတ်လတ် ဆတ်ဆတ် ထောပတ်သီးတစ်လုံး ရဲ့အတွင်း သား  နဲ့ နေလောင်ခံထားရတဲ့ အရေပြားတွေကို ညင်သာစွာ ပွတ်ပေးပါ။ နေလောင်အသားအရေများ ကင်းပသွားပြီး နေ့စဉ်ထော ပတ်သီးကို စားသုံးပေးမယ်ဆိုရင် အလွယ်တကူ ဖျားနာခြင်းများ၊ အားအင် ကုန်ခမ်းမောပန်းခြင်းများကိုလည်း တားဆီးကာကွယ်ပေးသွားပါတယ်။

လျှို့ဝှက်ချက်
- ထောပတ်သီးအတွင်းသားနဲ့ တစ်ကိုယ်လုံးကို လိမ်းကျံပေးရင်လည်း ကိုယ်အရေပြားနူးညံ့စေပါတယ်။

သတိထားရမည့်အချက်များ
- ထောပတ်သီးကို ရေခဲသေတ္တာထဲမှာ လှီးပြီး၊ ခြမ်းပြီး၊ စိတ်ပြီး ၂ ရက်ခန့်အထိ သိမ်းထားနိုင်ပါတယ်။
 ထောပတ်သီးကို ခွဲခြမ်းပြီးနောက် မြန်မြန်သုံးလေပိုပြီး အာနိသင်ရှိလေပဲ ဖြစ်ပါတယ်။
 အကြာကြီး သိမ်းထားရန် မသင့်ပါ။
Source: http://onlinepyadaik.com/profiles/blogs/4021190:BlogPost:150265

Read More

တစ်ပင်လုံးအသုံးဝင် ရွှေရှောက်ပင်

ဆေးဖက်ဝင်ရှောက်ရွက်

(၁) လစဉ် မြန်မာ လဆန်း တစ်ရက်နေ့၌ ရှောက်ရွက်နှစ်ရွက်၊ သုံးရွက် ကိုရှာပြီး စားဖြစ်အောင် စားထားရန် အမှာရှိသည်။ ထို့သို့စားပေးခြင်းဖြင့် လေရောဂါများ မ၀င်ရောက်နိုင်၊ လေထိုး၊ လေအောင့်၊ လေငန်းရောဂါများ မ၀င်ရောက်နိုင်။

(၂) လေငန်းရောဂါရှင်များ ရှောက်ရွက်၊ ငရုတ်ကောင်းနှင့် ကြက်သွန်ဖြူတို့ဖြင့် ဟင်းခါးချက်ကာ နေ့စဉ် သောက်သုံး ပေးခြင်းဖြင့် လေငန်းရောဂါမှ သက်သာ ပျောက်ကင်းစေသည်။

(၃) အ၀လွန်သူများ၊ ဗိုက်ခေါက်ထူပြီး လာသော အမျိုးသမီးများအတွက် ပထမဦးစွာ ရှောက်ရွက်ကြမ်းများကို ရှာထားပါ။ ပုလင်းတစ်လုံးစီတွင် ရိုးရိုးသကြား သုံးဇွန်း(ဟင်းစားဇွန်း) စီထည့် ရပါမည်။ ပုလင်းများတစ်လုံးစီတွင် ရှောက်၉ရွက် စီထည့်ပေးပါ။ ရေကျက်အေးများ ပုလင်းများထဲသို့ အပြည့်ထည့်ပြီး အဆို့ ပိတ်လျက် နေပူတွင်ကိုးရက်စီ ထည့်ပေးပါ။ေ၇ကျက်အေးများ ပုလင်းထဲသို့ အပြည့် ထည့်ပြီး အဆို့ပိတ်လျက် နေပူတွင် ကိုးရက်လှန်းပေးပါ။ ကိုးရက်စေ့လျှင် ဆးဝါးအဖြစ် သုံးနိုင်ပြီ။ နံနက် တစ်ကြိမ်၊ ညတစ်ကြိမ် အဆိုပါေ၇ှာက်၇ွက် ဆေးရည်ပုလင်းကို လှုပ်ပြီး လက်ဖက်ရည် အကြမ်းပန်းကန် တစ်ဝက်ခန့်ကို မှန်မှန် သောက်သုံးသွား ပေးပါ။ တစ်လနှစ်လ ရှိသောအခါ အမျိုးသမီးများ ခါးသေးရင်ချီပြီး အဆီပို ဗိုက်ရွှဲမှုများ ကျသွား၍ အသားအရေ စစ်သွားပါမည်။ အဆီကျဓာတ်စာဆေးများစားခြင်း ထက် စိတ်ချရသော ရိုးရာဆေးနည်း ဖြစ်ပါသည်။ မှန်မှန် သောက်သုံးခြင်းဖြင့် အသည်းအဆီဖုံးခြင်းနှင့် နှလုံးအဆီ ပိတ်ခြင်းတို့မှလည်း သက်သာပျောက်ကင်း စေပါသည်။

ဆေးဖက်ဝင်ရှောက်သီး

(၁) အုန်းနို့ခေါက်ဆွဲ၊ ဒံပေါက်၊ မုန့်ဟင်းခါးအ၀စားမိသည်အခါတွင် ရှောက်ဖျော်ရည်ကိုသောက်ပေးခြင်းဖြင့် သွေးတိုး၊ သွေးတက်၊ အစာမကြေ ခြင်းမှ ပြေပျောက်စေသည်။

(၂) အစာအဟာရများကို မမှီဝဲချင်ဘဲ လေခံနေခြင်း။ လေများမကြာခဏ ပျို့အန်ခြင်းနှင့် အစာမကြေခြင်းများ ဖြစ်နေပါက ရှောက်သီးတစ်စိတ်ကိုနုပ်နုပ်စဉ်းကာ ထန်းလျက်တစ်ဆယ်သားခန့်ဖြင့် ကျကျကျို ပြီး မနက်တစ်ကြိမ်၊ ညတစ်ကြိမ် လက်ဖက်ရည် အကြမ်းပန်းကန်တစ်ဝက်ခန့် သောက်ပေးရသည်။ ပြီးမနက် တစ်ကြိမ်၊ ညတစ်ကြိမ် လက်ဖက်ရည် အကြမ်းပန်းကန်တစ်ဝက်ခန့် သောက်ပေးရသည်။ ရင်မရှင်းမလင်း ခြင်းများ၊ အစာမကြေ၊ လေအန် လေဆန်နေခြင်းများ သက်သာသွားမည်။

(၃) ခန္ဓာကိုယ်ရှိ အကြောများ အခံမရပ်နိုင်အောင် တက်ခြင်း။ အကျိတ်အဖု များထွက်ခြင်း၊ ပြင်းထန်စွာ ထိခိုက်လျက် အတွင်းကြေ ဒဏ်ရာ ရရှိခြင်းများ ဖြစ်ခဲ့လျှင် ရှောက်ရည် တစ်ဆ၊ နနွင်းမှုန့်တစ်ဆ၊ ထုံးတစ်ဆတို့ကိုို ရောလျက် မနက် ညတစ်ကြိမ်စီ လိမ်းပေးဖြင့် သက်သာ ပျောက်ကင်းသည်။

(၄) မီးယပ်အဆင်းများလျှင် မှူးဝေတက်သည်။ ရှောက်သီးနှင့် ထန်းလျက်ရောကာ ကျွေးပေးရသည်။

(၅) သွေးတိုး ရောဂါ၇ှင် များအတွက် ရှောက်သီး အလုံးကြီး တစ်လုံး၏ အတွင်းသားများ၊ ထန်းလျက်စိတ်သား ဆားခါးတစ်ဆယ်သား၊ ကွမ်း၇ွက်သတ္တုရည် တစ်ဆယ်သား တို့ကိုစုရော ထောင်းပြီး နေ့တစ်နေ့ လှန်းပေးရသည်။ မနက် ဟင်းစား ဇွန်းတစ်ဇွန်း၊ ညဟင်းစားတစ်ဇွန်း မှန်မှန် သောက်ခြင်းဖြင့် သွေးတိုးရောဂါမှ ပျောက်ကင်း စေပါသည်။

(၆) ရှောက်ခွံများကို ပါးပါးလှီးကာ အခြောက်လှန်းရသည်။ ခြောက်သွေ့သွားလျှင် မီးတောက် အရက်နှင့် ခုနှစ်ရက်စိမ်ထားရသည်။ လေငန်းကြောင့် ပါး၇ွဲ့၊ ပါးစပ်ရွဲ့၊ လက်ကပ်၊ လက်မြှောက်မရ၊ ခြေတစ်ဖက်ဆွဲများကို နေ့စဉ် မနက်တစ်ကြိမ်၊ ညတစ်ကြိမ် လိမ်းပေးခြင်းဖြင့် သက်သာပျောက်ကင်းသည်။

(၇)သနပ်ခါးကို ပျစ်ပျစ်သွေးပြီး ရှောက်ရည် မပြစ်မကျဲ ညှစ်ထည့်ပါ။ ထိုသနပ်ခါးကို နေ့စဉ်မှန်မှန်လိမ်းပေးခြင်းဖြင့် အသားအရေ ချောမွေ့ပြီး ၀က်ခြံ၊ တင်းတိတ်၊ မှဲ့ခြောက်များ ပျောက်ကင်းစေသည်။

ဆေးဖက်ဝင်ရှောက်မြစ်

(၁) အနာ ပေါက်လာလျှင် ရှောက်ပင်မှ အမြစ်ကို တူးကာ ရေစင်အောင် ဆေးပြီး မကြာခဏ လိမ်းပါ။နုလျှင်ပိန် ရင့်လျှင်ပေါက် အမြန်ပျောက်သည်။

(၂) အကြာခဏအန်လျှင်ေ၇ှာက်မြစ်သွေး၇ည်နှင့် ပျား၇ည်ရောစပ်ကာ ဟင်းစားဇွန်းတစ်ဇွန်း တိုက်ပေးခြင်းဖြင့် အအန်ရပ်သွားမည်။

(၃) ကလေးများမကြာခဏ နို့အန်ရောဂါဖြင့်နေလျှင် ရှောက်မြစ်ကိုသွေးပြီး ၆လသားအတွင်း တစ်ပဲသားအထိ ကော်ဖီဇွန်းဖြင့် တိုက်ကျွေးပါ။

(၄) နှလုံးရောင်၊ လေထိုးလေပွ၊ လက်ပြင် ငုတ်ခြင်းနှင့် နာကျင် ကိုက်ခဲခြင်း တို့အတွက် ရှောက်မြစ်သွေးရည်၊ ပျားရည် ဆတူစပ်၍ ကာဟင်းစားဇွန်းတစ်ဇွန်းစာကို မနက်၊ ညတစ်ကြိမ်စီသောက်ပါ။
Ref>>မွေးနေ့ဆုမွန်(lapyaelynn)
source>>>http://princesshancock.multiply.com/tag/အသီးအနှံ/

Read More

ရှောက်သီးမှ ပေးစွမ်းနိုင်သော အလှအပဆိုင်ရာ အာနိသင်များ

ရှောက်သီးကို အလှအပအတွက် သဘာဝ အိမ်သုံးပစ္စည်းအဖြစ် အသုံးပြုနိုင်ပါတယ်။

(၁) ဆံသားတောက်ပြောင်စေတယ်

ခေါင်းလျှော်ပြီးတဲ့အခါ ဆံသားအနှံ့ကို ရှောက်ရည်တစ်ဆနဲ့ ရေတစ်ဆရောထားတဲ့ အရည်ကို လိမ်းပါ။ မိနစ် အနည်းငယ် ထားပြီးနောက် ရေနဲ့ သန့်စင်ပေးပါက ဆံသားတွေ တောက်ပြောင်လှပစေပါတယ်။


(၂) မျက်နှာလိမ်း တိုနာအဖြစ် အသုံးပြုနိုင်တယ်

ရှောက်ရည်က ချွေးပေါက်တွေကို ကျုံ့စေတဲ့ အာနိသင်ရှိပါတယ်။ ရှောက်ရည် အနည်းငယ်ကို ဂွမ်းစအနည်းငယ်နဲ့ တို့ယူပြီး တိုနာအဖြစ် သင့်မျက်နှာပေါ်မှာ လိမ်းပေးပါက မျက်နှာအဆီပြန်တာကို သက်သာစေပါတယ်။

(၃) လက်သည်းဖြူစေတယ်

လက်သည်းအရောင်က ဝါကြန့်ကြန့်ဖြစ်လို့ အရောင်မလှ ဖြစ်နေရင် ရှောက်ရည်ကို အသုံးပြုနိုင်ပါတယ်။ ရှောက်သီးကို အရည်ညှစ်ပြီး ပန်းကန်တစ်ခုထဲ ထည့်ပါ။ အဲဒီပန်းကန်ထဲကို လက်ချောင်းလေးတွေ ထည့်စိမ်ထားပြီး မိနစ်အနည်းငယ် ကြာတဲ့အခါ လက်မှာ စွန်းထင်းနေတာတွေ ပျောက်ပြီး လက်သည်းတွေ ဖြူဖွေးလာပါလိမ့်မယ်။

(၄) ချွေးနံ့ပျောက်စေတယ်

ရှောက်ရည်ထဲမှာပါဝင်တဲ့ စစ်ထရစ် အက်စစ်က အနံ့အသက်ဆိုးဖြစ်စေတဲ့ ဘက်တီးရီးယားတွေကို ဖယ်ရှားနိုင်တဲ့ အာနိသင် ရှိတာကြောင့် ချိုင်းချွေးနံ့ ပျောက်လိုပါက ချိုင်းအောက်မှာ သုတ်လိမ်းပေးနိုင်ပါတယ်။

(၅) တင်းတိပ်တွေကို ဖယ်ရှားပေးတယ်

ရှောက်ရည်က တင်းတိပ်နဲ့ သက်ကြီး အစက်အပြောက်တွေကို ဖယ်ရှားပေးတယ်လို့ ယုံကြည်မှု အစွဲအလမ်းတွေ ရှိတတ်ကြပါတယ်။ ရှောက်ရည်ကို ဂွမ်းစနဲ့တို့ပြီး အစက်အပြောက်ရှိတဲ့ နေရာကို တစ်နေ့တစ်ကြိမ် လိမ်းပေးပါ။

(၆) အစွန်းအထင်းတွေကို ဖယ်ရှားပေးတယ်

အဝတ်အစားတွေမှာ အစွန်းအထင်းတွေ ရှိခဲ့ရင် ရှောက်ရည်နဲ့ အစွန်း ချွတ်ပေးနိုင်ပါတယ်။ မပျက်ဘဲ စွဲထင်နေမယ်ဆိုရင်တော့ ရှောက်ရည်ကို ဆားနဲ့ရောပြီး အစွန်း ချွတ်ပေးနိုင်ပါတယ်။ အဝတ်စက နူးညံ့လွန်းတဲ့အစ ဖြစ်နေရင်တော့ ရှောက်ရည်တစ်မျိုးတည်းကိုသာ အစွန်းချွတ်ဆေးအဖြစ် အသုံးပြုပါ။

(၇) ဗောက်ပျောက်စေတယ်

ရှောက်ရည်ကို ဗောက်မထအောင် ကာကွယ်တဲ့ အနေနဲ့တော့ အသုံးပြုလို့ မရပါဘူး။ ဗောက်ထနေခဲ့ရင်တော့ ဦးရေပြားပေါ်က ဗောက်တွေကို ဖယ်ရှားဖို့ အသုံးပြုနိုင်ပါတယ်။ ရှောက်ရည်ကို ဆံသားအနှံ့လိမ်းပြီး ညင်သာစွာ နှိပ်နယ်ပါ။ ၁၀ မိနစ်လောက် ထားပြီးမှ လျှော်နေကျ ခေါင်းလျှော်ရည်နဲ့ လျှော်ပါ။

(၈) ကြေးချွတ်ဆေးအဖြစ် အသုံးပြုနိုင်တယ်

ရှောက်ရည်၊ ဆားနဲ့ သံလွင်ဆီတို့ကို ဆတူရောပြီး သဘာဝ ကြေးချွတ်ဆေးအဖြစ် အသုံးပြုနိုင်ပါတယ်။

ပန်းနွယ်လေး (ဆေးဝါးတက္ကသိုလ်)
Ref>> Good Health

Read More

ပင်စိမ်းရွက်၏ ဆေးဖက်ဝင်အစွမ်း

ပင်စိမ်းရွက်မှာ ရောဂါကာကွယ်နိုင်စွမ်းနဲ့ ကျန်းမာရေး ကောင်းမွန်စေတဲ့ အစွမ်းတွေပါဝင်တာကြောင့် ဆေးဖက်ဝင် အပင်တစ်မျိုးအဖြစ် အသိအမှတ်ပြုထားကြတာပါ။

ရောင်ရမ်းမှုကျစေတဲ့ အစွမ်းရှိပါတယ်

ပင်စိမ်းရွက်မှာ eugenol, citronellol, linalool, citral, limonene နဲ့ terpineol ဆိုတဲ့ ကျန်းမာရေးအကျိုးပြု မရှိမဖြစ်ဆီတွေ ပါဝင်ပါတယ်။ ဒီဓာတ်ပေါင်းတွေက ရောင်ရမ်းမှုကျစေတဲ့ အစွမ်းနဲ့ ဘက်တီးရီးယား ဆန့်ကျင်တဲ့ ဂုဏ်သတ္တိတွေ ရှိကြပါတယ်။ ပင်စိမ်းမှာပါတဲ့ ယူဂျီနော (Eugenol) ဟာ အရိုးအဆစ်ရောင်နာ၊ ရူမတွိုက် အဆစ်ရောင်နာနဲ့ အူလမ်းကြောင်း ရောင်ရမ်းမှုတို့ကို လျော့ကျစေပါတယ်။

အထွေထွေ ကျန်းမာရေးကို ကောင်းမွန်စေပါတယ်

ပင်စိမ်းရွက်မှာ ကယ်လိုရီပါဝင်မှု အလွန်နည်းပါးပြီး သွေးတွင်း ကိုလက်စထရော မပါပါဘူး။ ဒါ့အပြင် မရှိမဖြစ် အာဟာရဓာတ်၊ သတ္တုဓာတ်နဲ့ ဗီတာမင်တွေ အလွန်များစွာ ပါဝင်တာကြောင့် ကျန်းမာရေးကို ကောင်းမွန်စေပါတယ်။

ဓာတ်တိုးပစ္စည်းတွေကို တွန်းလှန်ပေးပါတယ်

ပင်စိမ်းရွက်မှာ ဘီတာကယ်ရိုတင်း၊ ဗီတာမင်အေ၊ ခရစ်ပတိုဇန်သင်း၊ လူတင်နဲ့ ဇီဇန်သင်းတို့ များစွာပါဝင်ပါတယ်။ ဒီဒြပ်ပေါင်းတွေက ဓာတ်တိုးပစ္စည်း ဖရီးရယ်ဒီကယ်တွေကို ဆန့်ကျင်နိုင်တဲ့ အစွမ်းရှိတာကြောင့် အိုမင်းမှုနဲ့ တခြားရောဂါဖြစ်စဉ်တွေကို ကာကွယ်ပေးနိုင်ပါတယ်။

သက်ကြီးချိန်မှာ ဖြစ်တတ်တဲ့ မက်ကူလာ ယိုယွင်းပျက်စီးမှုကို ကာကွယ်ပေးပါတယ်

ပင်စိမ်းရွက်မှာ အဝါရောင် ဖလေဗိုးနွိုက်ဒြပ်ပေါင်း ဇီဇန်သင်း ပါဝင်တာကြောင့် မျက်စိအာရုံခံလွှာဆီကို အန္တရာယ်ရှိတဲ့ ခရမ်းလွန်ရောင်ခြည် ရောက်ရှိမှုမဖြစ်အောင် ကာကွယ်နိုင်ပါတယ်။ ပင်စိမ်းအပါအဝင် သစ်သီးဝလံနဲ့ ဟင်းသီးဟင်းရွက်တွေမှာ ပါဝင်တဲ့ ဇီဇန်သင်းဒြပ်ပေါင်းဟာ အသက်ကြီးချိန်မှာ ဖြစ်တတ်တဲ့ မက်ကူလာ ယိုယွင်းပျက်စီးမှု မဖြစ်အောင် ကာကွယ်နိုင်ပါတယ်။

အဆုတ်နဲ့ ခံတွင်းကင်ဆာတွေ မဖြစ်အောင် ကာကွယ်ပေးနိုင်ပါတယ်

ပင်စိမ်းမှာ ဗီတာမင်အေပါဝင်ပြီး ဗီတာမင်အေဟာ အင်တီအောက်ဆီးဒင့် အစွမ်းရှိတာကြောင့် အရေပြားနဲ့ အမြှေးပါးတွေကို ကျန်းမာစေပါတယ်။ ဒါ့အပြင် အဆုတ်နဲ့ ခံတွင်းကင်ဆာတွေ မဖြစ်အောင် ကာကွယ်ပေးနိုင်ပါတယ်။

အရိုးသန်စွမ်းစေပါတယ်

ပင်စိမ်းမှာ ဗီတာမင်ကေ ပါဝင်ပြီး သွေးခဲစေတဲ့ဖြစ်စဉ်မှာ အရေးပါသလို အရိုးရှိသတ္တုဓာတ် ဖြစ်ပေါ်ရေးကို အားပေးကူညီတာကြောင့် အရိုးတွေကို သန်စွမ်းစေပါတယ်။

နှလုံးခုန်နှုန်းနဲ့ သွေးဖိအားကို ကောင်းမွန်စေပါတယ်

ပင်စိမ်းရွက်မှာ ပိုတက်စီယမ်၊ မဂ္ဂနိစ်၊ ကြေးနီနဲ့ မဂ္ဂနီစီယမ်စတဲ့ သတ္တုဓာတ်တွေများစွာ ပါဝင်ပါတယ်။ ပိုတက်စီယမ်က ဆဲလ်တွေနဲ့ ခန္ဓာကိုယ်တွင်း အရည်တွေထဲမှာ ပါဝင်တဲ့ အရေးကြီးဓာတ်တစ်မျိုး ဖြစ်ပြီး နှလုံးခုန်နှုန်းနဲ့ သွေးဖိအားကို ထိန်းချုပ်ပေးပါတယ်။ မဂ္ဂနီစီယမ်က အင်တီအောက်ဆီးဒင့် အင်ဇိုင်းအတွက် တွဲဖက်ပစ္စည်းအနေနဲ့ ခန္ဓာကိုယ်ထဲမှာ လုပ်ဆောင်ပါတယ်။

သွေးအားကောင်းစေပါတယ်

ပင်စိမ်းရွက်မှာ သံဓာတ်ပါဝင်မှု အကောင်းဆုံး ဖြစ်ပါတယ်။ ပင်စိမ်းရွက် ၁၀၀ ဂရမ်မှာ သံဓာတ် ၃ ဒသမ ၁၇ မီလီဂရမ် ပါဝင်ပါတယ်။ (ဒါက တစ်နေ့တာ မှီဝဲသင့်တဲ့ သံဓာတ်ပမာဏရဲ့ ၂၆ ရာခိုင်နှုန်း ရှိပါတယ်။) သံဓာတ်ဟာ သွေးနီဥထဲမှာ ပါဝင်တဲ့ ဟေမိုဂလိုဘင် အစိတ်အပိုင်းတစ်ခု ဖြစ်ပြီး သွေးရဲ့ အောက်ဆီဂျင် သယ်ယူနိုင်စွမ်းကို ကောင်းမွန်စေပါတယ်။ ကူးစက်ပိုးတွေကို တားဆီးနိုင်ပါတယ်။

ရောဂါပိုးတွေကို တွန်းလှန်နိုင်ပါတယ်

ပင်စိမ်းအဆီမှာ ရောဂါပိုးတွေဖြစ်တဲ့ Staphylococcus, Enterococci, shigella နဲ့ Pseudomonas တို့လို ပိုးတွေကို တွန်းလှန်ပေးတာကြောင့် ရောဂါပိုးကင်းစင်စေပါတယ်။ ပင်စိမ်းရွက်ကို ရေနွေးကြမ်းထဲစိမ်ပြီး သောက်ပေးရင် ပျို့ချင်အန်ချင်စိတ်ကို သက်သာစေပြီး  အနာကင်းစေတဲ့အစွမ်း ရှိပါတယ်။      

ကြယ်စင်
Ref: Good Health
Source: http://news.yatanarpon.com.mm/news/news-59193
source>>> http://www.facebook.com/notes/health-articles/

Read More

လိုင်စင်ရ အသံတိတ် လူသတ်သမားမျာ

(လဲ့ရည်မြင့်၊ သင်းရတနာဆု)
“အသားမှုန့်တွေက အချိုမှုန့်ထက် ပိုဆိုးတယ်”
တစ်ဆင့်စကား တစ်ဆင့်နားဖြင့် ကြားရသော စကားကြောင့် အိမ်ထောင်ရှင်မ ဒေါ်တင်တင်ဌေး ကြောက်လန့်စိတ် အတော်ကြီးမားသွားသည်။

ယင်းကြောင့် လက်ရှိသုံးစွဲနေသော အသားမှုန့်များ၊ အချိုမှုန့်များ နေရာတွင် မည်သည့် ဟင်းခတ်ပစ္စည်း အစားထိုးရမည်ကို ဒေါ်တင်တင်ဌေး တစ်ယောက် စဉ်းစားကြည့်သော်လည်း အဖြေမထွက်ခဲ့ချေ။

အစားအစာများ ချက်ပြုတ် ကြော်လှော်ရာတွင် သုံးစွဲနေသော အသားမှုန့်များတွင် အချိုမှုန့်များ၏ ပါဝင်ပစ္စည်းအတိုင်းသာ ပါဝင်ကြောင်း၊ အထူးသဖြင့် အချိုမှုန့်၊ အသားမှုန့်များသည် အချိုအရသာ ရရှိရန် အသုံးပြုသော်လည်း ယင်းတို့၏ ပါဝင်ပစ္စည်းများသည် အငန်ဓာတ်သာ ဖြစ်သောကြောင့် ရေရှည်စားသုံးမည် ဆိုပါက ကျန်းမာရေးကို ထိခိုက်နိုင်ကြောင်း မြန်မာနိုင်ငံရှိ စားသုံးသူ ကာကွယ်ရေး တာဝန်ရှိသူများနှင့် ဆေးပညာရှင် အသိုင်းအဝိုင်းက ပြောကြားထားသည်။

နေ့စဉ် အစားအစာများတွင် မပါမဖြစ် သုံးစွဲနေသော အချိုမှုန့်များကို ၁၉၀၈ ခုနှစ်တွင် ဂျပန်လူမျိုး Mr.KikunaeIkeda က စတင်တီထွင်ခဲ့ရာ ပထမဆုံး အချိုမှုန့်ကို ပင်လယ်ကျောက်ပွင့်များ၏ အစွမ်းသတ္တိကို အခြေခံကာ ထုတ်လုပ်ခဲ့သည်။

ယင်းနောက် အာဂျီနိုမိုတို အမည်ဖြင့် ကမ္ဘာကျော် ဟင်းခတ်ပစ္စည်း အချိုမှုန့် တစ်မျိုးကို အောင်မြင်အောင် ထုတ်လုပ်လာနိုင်ခဲ့သည်။ အချိုမှုန့်၏ အောင်မြင်မှုသည် ၁၉၅၉ ခုနှစ်တွင် အမေရိကန် အစားအသောက်နှင့် ဆေးဝါးကွပ်ကဲရေး အဖွဲ့ကြီး၏ အသိအမှတ်ပြုမှုကို ရရှိလာသည်။

သို့သော် ၂၀၀၀ ပြည့်လွန်နှစ်များတွင်မူ အချိုမှုန့်၏ ဆိုးကျိုးများ သိသိသာသာ ပေါ်ပေါက်လာခဲ့သဖြင့် ကမ္ဘာ့နိုင်ငံကြီး အများစုကလည်း အချိုမှုန့် ရောင်းချ တင်သွင်းခွင့်များကို တရားဝင် ပိတ်ပင်လာပြီး အချိုမှုန့် သုံးစွဲမည့်နေရာတွင် အသားမှုန့်များ ဝင်ရောက်လာသည်။

အချိန်ကာလ အတန်ကြာကတည်းက အချိုမှုန့် သုံးစွဲနေခဲ့ရာမှ မြန်မာနိုင်ငံတွင် ပြည်ထဲရေးဝန်ကြီးဌာနက ၂၀၀၀ ပြည့်နှစ် ဝန်းကျင်တွင် ယင်းအချို့မှုန့်များ တင်သွင်းခွင့် စတင်ပိတ်ပင်ခဲ့ပြီး ယခုနှစ်ပိုင်းတွင်မှ တရားဝင် တင်သွင်းခွင့် ပြုခဲ့ရာ လက်ရှိအချိန်တွင် ပြည်ပမှ အထူးသဖြင့် ထိုင်းနိုင်ငံမှ အချိုမှုန့်၊ အသားမှုန့်များသာမက ပြည်တွင်းထုတ် အသားမှုန့်များလည်း အိမ်ရှင်မတိုင်း၏ မီးဖိုခန်းတွင် နေရာယူလျက် ရှိသည်။

အချိုမှုန့်အန္တရာယ်ကို သိရှိပြီးနောက် အစားထိုးသုံးနိုင်သည့် အသားမှုန့်များကြောင့် လက်ရှိအချိန်တွင် အသားမှုန့် သုံးစွဲသူ ရာခိုင်နှုန်းသည် အချိုမှုန့် သုံးစွဲသူများထက် ပိုများနေလိမ့်မည် ဖြစ်သည်။ အသားမှုန့်၏ ကျန်းမာရေး ဆိုးကျိုးများသည် အချိုမှုန့်၏ ဆိုးကျိုးအတိုင်း ဖြစ်လာမည်ကိုမူ စားသုံးသူများ ကျယ်ကျယ်ပြန့်ပြန့် မသိကြသေးချေ။

လူ့ကျန်းမာရေးအတွက် တိတ်တဆိတ် အန္တရာယ်ပေးနေသော အချိုမှုန့်၊ အသားမှုန့်များသည် မြန်မာနိုင်ငံ အတွင်းသို့ နေ့စဉ် ဝင်ရောက်နေပြီး နေ့စဉ် စားသုံးနေသည့် အစားအစာတိုင်းတွင် နေရာယူကြီးစိုးလျက် ရှိသည်။

ရေရှည် သုံးစွဲလာသော အချိုမှုန့် ပြဿနာကို အသားမှုန့် အန္တရာယ်ထက် ပိုမိုရင်ဆိုင်နေရသည်မှာ အသားမှုန့်ထက် ဈေးနှုန်းသက်သာသော အချိုမှုန့်များကို စားသောက်ဆိုင် အများစုတွင် အသုံးပြု နေခြင်းဖြစ်ပြီး ပြည်သူ့ကျန်းမာရေး ကဏ္ဍအတွက် စိန်ခေါ်မှုကြီး တစ်ရပ်လည်း ဖြစ်နေသည်။

အစားအသောက်နှင့် ဆေးဝါး ကွပ်ကဲရေးဌာန၏ တရားဝင် ခွင့်ပြုချက် လိုင်စင်နှင့် ရောင်းချနေသော အချိုမှုန့်များ ရှိသော်လည်း တရားမဝင် သွင်းယူလာသော အချိုမှုန့် အန္တရာယ်က ရှိနေသေးသည်။
တရားမဝင် အချိုမှုန့်များတွင် တရုတ်နိုင်ငံရှိ အသေးစား တစ်နိုင်တစ်ပိုင် လုပ်ငန်းတို့မှ အချိုမှုန့် တံဆိပ် အတုများ ပြုလုပ်ကာ တင်သွင်းမှုများ ရှိသည့်အပြင် တံဆိပ်မပါသော အချိုမှုန့် အိတ်ကြီးများ ဖြင့်လည်း ဝင်ရောက်လျက် ရှိကြောင်း ရန်ကုန်မြို့ရှိ ဈေးဆိုင်များထံမှ စုံစမ်းသိရှိရသည်။

၂၀၁၂ ခုနှစ် နိုဝင်ဘာလ ၂၀ ရက်မှ ၂၀၁၃ ခုနှစ် ဇန်နဝါရီလ ၁၆ ရက်နေ့အထိ ကာလအတွင်း ထိုင်း-မြန်မာနယ်စပ်မှ အချိုမှုန့် တန်ချိန် ၄၀ နီးပါး တရားဝင် တင်သွင်းခဲ့ဖူးကြောင်း၊ တစ်ဖက်တွင်လည်း အဆိုပါ နှစ်လအတွင်း တရားမဝင် သွင်းလာသော အချိုမှုန့် တန်ချိန် ၁၀ ခန့် ဖမ်းဆီးထားပြီ ဖြစ်ကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန နယ်စပ်ကုန်သွယ်ရေး ဦးစီးဌာနထံမှ စုံစမ်းသိရှိရသည်။

ယင်းပမာဏသည် အချိုမှုန့် ပမာဏသာဖြစ်ပြီး တရားဝင် ဖြန့်ဖြူး ရောင်းချနေသည့် အသားမှုန့်၏ ပမာဏကို ထည့်သွင်းထားခြင်း မရှိသေးချေ။ မြန်မာနိုင်ငံရှိ လူဦးရေသန်း ၆၀ ကျော်တွင် လွယ်လင့်တကူ ဝယ်ယူရရှိနိုင်သော အချိုမှုန့်၊ အသားမှုန့်များ၏ အန္တရာယ်ကို သိလျက်နှင့် တိုးဝင်နေကြရသူ အများအပြား ရှိနေသည်။
“အခုအချိုမှုန့်၊ အသားမှုန့် အစားထိုး ရွှန်းတိုးတိုးကို သကြားနဲ့ တွဲသုံးတယ်။ ကျန်တာတွေလည်း မသုံးရဲဘူး” ဟု အသက် ၄၀ ကျော်အရွယ် အိမ်ရှင်မတစ်ဦးက ပြောကြားသည်။ ယင်းမှာ ပြည်တွင်းထုတ် အသားမှုန့်တစ်မျိုး ဖြစ်သည်။

အသားမှုန့် ထုတ်လုပ်ရာတွင် နိုင်ငံနှင့် လုပ်ငန်းရှင်အပေါ် မူတည်၍ ကွဲပြား ခြားနားသလို အသားမှုန့် အရောင်အဆင်းလည်း ကွဲပြားခြားနားကြောင်း၊ ယင်းကြောင့် ပြည်တွင်းထုတ် အသားမှုန့် အများစုသည် အဖြူရောင် အဆင်းရှိပြီး ထိုင်းနိုင်ငံဘက်မှ ဝင်ရောက်လာသော အသားမှုန့်များနှင့် ကွဲပြားကြောင်း အစားအသောက်နှင့် ဆေးဝါးကွပ်ကဲရေးဌာနမှ ဒုတိယညွှန်ကြားရေးမှူးက ရှင်းပြသည်။

အစားအစာများတွင် အချို့မှုန့်နှင့် အသားမှုန့်များအစား ပုစွန်ခြောက်၊ ငံပြာရည်အချို၊ သကြားနှင့် ဆန်မှထုတ်သော ဟင်းခတ်အရည် တစ်မျိုးတို့ကို အသုံးပြုခြင်းဖြင့် ယင်းဟင်းခတ်မှုန့်များ သုံးစွဲမှုကို လျှော့ချသွားနိုင်ကြောင်း အထွေထွေရောဂါကု ဆရာဝန် ဒေါက်တာသီဟသစ်က အကြံပြု ပြောကြားသည်။
“အညာဘက်မှာဆို ဘာဟင်းချက်ချက် မျှင်ငါးပိ ထည့်သုံးကြတယ်။ အဲဒါ ထည့်သုံးရင် အချိုလည်းရတယ်၊ အငန်လည်း ရတယ်၊ အနံ့လည်း ကောင်းတယ်” ဟု ရန်ကုန်မြို့နေ အသက် ၅၀ ကျော် အိမ်ရှင်မတစ်ဦးဖြစ်သူ ဒေါ်ခင်အေးက ပြောဆိုသည်။

သို့သော် လတ်တလော ရေကျိုငါးပိတွင် ဓာတ်မြေသြဇာ ထည့်သွင်းထားသော သတင်းများ ပေါ်ထွက်ပြီး နောက်ပိုင်း ငါးပိ ရောင်းအားများလည်း ကျဆင်းသွားခဲ့ပြီး ငါးပိကို ယုံကြည်စွာ သုံးစွဲခဲ့သူများ ဟင်းပွဲတိုင်းတွင် ထည့်သွင်းရန် ကြောက်လန့်သွားခဲ့သည်။

ယင်းထက် ဆိုးရွားသည်မှာ အချိုမှုန့်၊ အသားမှုန့်များ ပိုသုံးစွဲလာသည့်အတွက် ကလေးသူငယ်များတွင် ငယ်ရွယ်စဉ် ကတည်းက နှလုံးရောဂါ ၊ ဆီးချိုရောဂါနှင့် သွေးတိုး လက္ခဏာများ ဖြစ်နိုင်ကြောင်း၊ ယင်းအပြင် အချိုမှုန့်ကို ရေရှည်စားသုံးပါက မှတ်ဉာဏ် အားနည်းလာကာ ပါကင်ဆန် ရောဂါနှင့် အယ်ဇိုင်းမားရောဂါတို့ ဖြစ်လာနိုင်ကြောင်း ပြည်တွင်း အထွေထွေရောဂါကု ဆရာဝန်များထံမှ သိရသည်။

ယင်းအပြင် အချိုမှုန့်ကို နေ့စဉ် စားသုံးခြင်းကြောင့် အဝလွန်ခြင်း၊ မျက်လုံး ထိခိုက်ခြင်း၊ ခေါင်းကိုက်ခြင်း၊ ပင်ပန်း နွမ်းနယ်ခြင်း၊ စိတ်ဓာတ်ကျခြင်းတို့ ဖြစ်စေနိုင်သည့်အပြင် အခြားဘေးထွက် ဆိုးကျိုးများအဖြစ် ခြေဖျားလက်ဖျား ထုံကျင်ခြင်း၊ ပူနေခြင်း၊ မျက်နှာ တင်းနေခြင်း၊ ရင်ဘတ် အောင့်ခြင်းနှင့် အသက်ရှူရ ခက်ခဲခြင်း၊ ခေါင်းကိုက်ခြင်း၊ ရင်တုန်ခြင်း၊ ပျို့အန်ခြင်းတို့ ဖြစ်စေနိုင်ကြောင်း ရန်ကုန်မြို့ရှိ အထွေထွေရောဂါကု ဆရာဝန်တစ်ဦးက The Voice သို့ ပြောကြားသည်။

အချိုမှုန့်နှင့် ဓာတ်မတည့်သူများ အတွက်မူ ယင်းလက္ခဏာများထက် ဆိုးရွားသော ဘေးထွက် ဆိုးကျိုးများ ဖြစ်စေနိုင်ကြောင်း ၎င်းက ဆက်လက်ပြောကြားသည်။

ရောဂါဖြစ်မှန်း သိလျက်နှင့် အချိုမှုန့်၊ အသားမှုန့်များ သုံးစွဲနေသူတို့အတွက် မည်သည့် ဟင်းခတ် ပစ္စည်းမျိုးကို အသုံးပြုလျှင် အဆင်ပြေမည်ဟူသည့် တိကျသော အဖြေတစ်ခု လိုအပ်နေသည် ဖြစ်ရာ ဦးစွာ သဘာဝ အတိုင်း ပြုလုပ်ထားသော ဟင်းခတ် အစားအစာများကို ရိုးရာ ဟင်းချက်နည်းအတိုင်း နေ့စဉ်ဟင်းလျာများတွင် ထည့်သွင်း ချက်ပြုတ်မည် ဆိုပါက အသံတိတ် လူသတ်သမား အန္တရာယ်မှ ရှောင်ရှားနိုင်မည်။

သို့သော် စီးပွားရေး လုပ်ငန်းရှင်များ၏ အလွယ်လမ်း လိုက်တတ်သည့် အကျင့်ကြောင့် မြန်မာ့ဓလေ့ ထုံးစံအတိုင်း အသုံးပြုသော ဟင်းခတ်ပစ္စည်းများ၏ အာမခံချက် လျော့ကျလာခြင်းကြောင့် စားသုံးသူများ လွန်စွာစိုးရိမ်နေရသည်။

ယင်းသို့သော အခြေအနေများကို မဖြေရှင်းနိုင်သေးသရွေ့ မြန်မာနိုင်ငံ သားများသည် ဆေးလိပ်၊ အရက်၊ မူးယစ်ဆေးဝါး တို့ထက် အစွမ်းထက်သော လိုင်စင်ရ အသံတိတ် လူသတ်သမားများကို မီးဖို ချောင်ထဲတွင် ငြိုငြင်သော်လည်း ဧည့်ခံထား နေရဦးမည် ဖြစ်သည်။
“အချိုမှုန့်ထက် အသားမှုန့် ပိုဆိုးတာ သိပေမယ့် ဒါမှမစားရင် ရွေးစရာမှမရှိတာ သုံးနေရတာပေါ့။ ကြောက်တော့ နည်းနည်းတော့ လျှော့သုံးဖြစ်တယ်” ဟု အချိုမှုန့်နှင့် အသားမှုန့် နှစ်မျိုးစလုံး သုံးစွဲ နေသူ ဒေါ်တင်တင်ဌေးက ပြောကြားသည်။

The Voice Weekly

Read More

အားကစားသမားများအတွက် ထောပတ်သီး

 ထောပတ်သီးတွင် ဗိုက်တာမင်ဘီ၊ ဗိုက်တာမင်အီးနှင့် ဦးနှောက်ကိုအထောက်အပံ့ဖြစ်စေသည့် ကိုလင်း (cho-line) ဓါတ်တို့ပါဝင်သည်။
ကြေးနီ (copper) ၊ သွပ် (zinc) စသည့် သတ္တုဓါတ်များအပြင်ရောင်ရမ်းမှုဖြစ်စဉ်များကို ကာကွယ်သည့် ဓါတ်တိုးဆန့်ကျင် (antioxidant) ပစ္စည်းများစွာပါဝင်သည်။

- ဆိုးကျိုးဖြစ်စေသည့် ကိုလက်စထရော (LDL ) နည်းပါးပြီး အကျိုးပြု ကိုလက်စထရော (HDL) ပေါများ သည့် ထောပတ်သီးသည် နှလုံးကျန်းမာရေးကိုအထောက် အကူဖြစ်စေပြီး အားကစားသမားများအတွက် သက် လုံကောင်းစေသည့် အကျိုးကျေးဇူး ရရှိစေသည်။

- လေ့လာမှုများအရ ထောပတ်သီးမကြာခဏစားသုံးသူ များတွင် ခါးအတိုင်း (waist size) လျော့နည်းလေ့ရှိပြီး ခန္ဓာကိုယ်အလေးချိန်နှင့်အရပ်အချိုး (body mass index ) လည်း အချိုးကျမျှတလေ့ရှိသည်ကိုတွေ့ရသည်။

- ထောပတ်သီးတွင်ပါဝင်သော phenolic ဒြပ် ပေါင်းများက သွေးကြောရောင်ရမ်းမှုဒဏ်ရာများနှင့် သွေးကြောကျဉ်းရောဂါများ မဖြစ် အောင်ကာကွယ်ပေးနိုင် သည့် အတွက် နှလုံးသွေးကြော၊ ဦးနှောက် သွေးကြောများ ရောင်ရမ်းခြင်း၊ သွေးကြောကျဉ်းခြင်းတို့မှကင်းဝေးစေ သည်။

- ဟင်းသီးဟင်းရွက်များမှ ရရှိသော polyphenol ဒြပ်ပေါင်းများနှင့် carotene ဓါတ်များသည် အဆီ တွင်သာပျော်ဝင်နိုင်သည့်အရာများ ဖြစ်ကြသည်။ ထို့ ကြောင့်ခန္ဓာကိုယ်မှ ယင်းဓါတ်များကိုစုပ်ယူနိုင်ရန် အဆီ လိုအပ်သည်။ ဟင်းသီးဟင်းရွက်များကို ထောပတ်သီး ရောစပ်၍ စားသောက်ခြင်းဖြင့် ဟင်းသီးဟင်းရွက်များက ပေးစွမ်းသည့် အာဟာရများအပြည့်အဝရရှိစေသည်။

ဇော်ကို
Source:Runners'World
credit to >>Health Updates Journal Vol.2, No.35

Read More

ထိကရုံး ပင်

 

 

မြန်မာ့ဆေးဖက်ဝင် ထိကရုံး ပင်

Item Name ------- Sensitive plant (ထိကရုံးပင်)

Category ---------- Raw Material
Botany Term ----- Mimosa pudica Linn
Species Family --- Mimosaceae

မြန်မာနိုင်ငံ အနှံ့အပြားတွင် ပေါက်ရောက်သည်။သဘာဝ အလျောက် ပေါက်ရောက်သည်။

အပင်

ပင်ပျော့ ပင်ငယ်မျိုး ဖြစ်၏။ အရိုင်းပေါက်ပင် ဖြစ်၍ ဆူးရှိ၏။ အခက်အလက်များတွင် အမွေးကြမ်းများ ရှိ၏။ ရိုးတံ နီ၏။

အရွက်

ရှားရွက်ကဲ့သို့ သေးငယ်သည်။ ၃-၄ ခါ ငှက်မွေး ရွက်ပေါင်း ဖြစ်၍ ထိခဲ့သော် တွန့်ရှုံ့သွား၏။ ရွက်ညှာ မရှိသလောက် ဖြစ်၏။ ရွက်မြွာများသည် ကျဉ်းမြောင်း၍ ရှည်မျောမျော ပုံဖြစ်ပြီး ရွက်ပြား ပြောင်ချော၏။

အပွင့်

အပွင့်သေး၍ ပန်းရောင်ရှိသည်။ ပန်းခိုင်ထီးတည်း ထွက်၏။ ပန်းခိုင်ထိပ်တွင် ပန်းပွင့်များ ဘောလုံးသဏ္ဌာန် စုပြုံပွင့်၏။ နန်းလုံးကြိုင်ပွင့်နှင့် တူသည်။ ၀ါခေါင်၊ တော်သလင်းလ တွင် ပွင့်သည်။

အသီး

၁/၂ လက်မခန့် ရှည်၍ ပြား၏။ အနည်းငယ် အပေါ်သို့ ကွေး၏။ အသီးတွင် အစေ့ ၃-၄ စေ့ ပါ၏။ တန်ဆောင်မုန်း၊ နတ်တော်လ များတွင် သီးသည်။

အသုံးဝင်ပုံ

အရွက်၊ အမြစ်၊ ပဉ္စငါးပါး။

အာနိသင်

မြန်မာဆေးကျမ်းများ အလိုအရ ထိကရုံးသည် ခါး ဖန်သော အရသာ ရှိ၏။ အေးသော သတ္တိရှိ၏။ သလိပ် သည်းခြေ တို့ကို ငြိမ်းစေ၏။

အရွက်အသုံးပြုပုံ

၁။ အရွက်ကိုကြိတ်၍ ဆီးခုံ၌ အုံပေးလျှင် ဆီးလွန်ရောဂါ ပျောက်၏။

၂။ မြင်းသရိုက် လိပ်ခေါင်းရောဂါ အတွက် အရွက်ကို အမှုန့်ပြု၍ နို့နှင့်သောက်လျှင် ပျောက်၏။

အမြစ်အသုံးပြုပုံ

၁။ အမြစ်ကို သွေး၍ လိမ်းသော် အနာမှ အမြစ်များ ထွက်လာစေသည်။

၂။ အမြစ်ကို ပြုတ်သောက်သော် ဆီးအိမ်၌ တည်သော ကျောက်ကို ပျော်၍ ကွဲကျစေပြီး ဆီးကောင်းစေသည်။

ပဉ္စငါးပါးအသုံးပြုပုံ

၁။ ပဉ္စငါးပါး ကို ကြိတ်၍ ရေနှင့် ဖျော်လူးပါက ဖောရောင်ခြင်း ကို ကျစေသည်။

၂။ ရောင်အမ်းသော အနာ ဖြစ်က ထိကရုံး ပဉ္စငါးပါး ကြိတ်၍ ရသော အရည်ကို ရောင်အမ်းသော နေရာတွင် ကြက်တောင်နှင့် သုတ်လိမ်းသော် ပျောက်၏။

၃။ သွေးအန်၊ သွေးကျ၊ ၀မ်းရောဂါ ပျောက်ဆေး၊ ပန်းနာ ကာကွယ်ဆေး၊ အားတိုးဆေး အဖြစ် ဖော်စပ် အသုံးပြု၏။

မြန်မာ့ဆေးဖက်ဝင်အပင်များ
credit to >>မြန်မာ့ဆေးဖက်ဝင်အပင်များfacebook
source>>https://www.facebook.com/myanmarherbal

Read More

သရက်သီးစားသင့်သည့်အကြေင်း ၁၆ ချက်

၁။ ကင်ဆာရောဂါ တိုက်ဖျက်ပေးခြင်း

၂။ ကိုလက်စထရော ထိန်းညှိပေးခြင်း

၃။ အရည်အပြား လှပစေခြင်း

၎။ အယ်ကာလီဓာတ် မျှတစေခြင်း

၅။ ဘော်ဒီ ဝိတ်ချပေးခြင်း

၆။ သွေးချို မဖြစ်အောင် ထိန်းညှိပေးခြ်း

၇။ မျက်လုံး ကျန်းမာရေး ကောင်းစေခြင်း

၈။ အစာချေလွယ်စေခြင်း

၉။ နှလုံးသွေးလည်ပတ်မှု ကောင်းစေခြင်း

၁၀။ ကိုယ်ခံအား ကောင်းစေခြင်း

၁၁။ အာရုံစူးစိုက်မှုကောင်းစေခြင်းနှင့် မှတ်ဥာဏ်ကောင်းစေခြင်း

၁၂။ အမျိုးသမီးများအတွက် သံဓာတ် များများ ပေးနိုင်ခြင်း

၁၃။ ကျောက်ကပ်တွင် ကျောက်တည်နေမှုကို ကြေစေခြင်း

၁၄။ ဝမ်းအားဆေးကဲ့သို့ သုံးဆောင်နိုင်ခြင်း

၁၅။ အမျိုးသား၊အမျိုးသမီး အားတိုးစေခြင်း

၁၆။ ကိုယ်တွင်း သန့်စင်ပေးသော သဘာဝအစားအစာတစ်မျိုး

.
Ref: medicfacts

Read More

ခေါင်းကိုက်ခြင်း ကို ပျောက်စေတဲ့ သံပုရာသီး

ဘယ်လိုအကြောင်းကြောင့်ပဲ ဖြစ်ဖြစ် ခေါင်းဘယ်လောက်ပဲ ကိုက်ကိုက်၊ ဘယ်လောက်ပဲ မူးမူး သဘာဝအတိုင်း ပျောက်စေတဲ့ နည်းလမ်း ရှိပါတယ်။


ယင်းကတော့ သံပုရာသီးကို အသုံးပြုခြင်း ဖြစ်ပါတယ်။ သံပုရာသီးကို နှစ်ခြမ်း ခြမ်းပြီး အတွင်းသားကို နဖူးမှာ သာသာလေး ပွတ်ပေးရုံပဲ ဖြစ်ပါတယ်။ ယင်းသို့ ပွတ်သပ်ခြင်းဖြင့် တကယ်ပဲ ခေါင်းကိုက် သက်သာ ပျောက်ကင်းစေပါတယ်။

သံပုရာသီးက အအေးဓာတ်နဲ့ အနံ့က ဦးနှောက်ကို လန်းဆန်းစေပြီး ခေါင်းကိုက်ဝေဒနာ ပျောက်ကင်းစေတယ်လို့ လေ့လာတွေ့ရှိထားကြောင်း သိရပါတယ်။
--
Ref: medic-facts
Aung Kham ( International news for myanmar )

Read More

ပိန္နဲသီး၏ ကျန်းမာရေး အကျိုးကျေးဇူး ၁၀ ရပ်

(၁)  ကိုယ်ခံစွမ်းအားနစ်ကို ကောင်းမွန်စေပါတယ်
ပိန္နဲသီးမှာ အစွမ်းထက် အာဟာရဖြစ်တဲ့ ဗီတာမင်စီ များစွာ ပါဝင်တာကြောင့် ဗိုင်းရပ်စ်နဲ့ ဘက်တီးရီးယားပိုး ဝင်တာမဖြစ်အောင် ကာကွယ်ပေးနိုင်ပါတယ်။ ဗီတာမင်စီဟာ သွေးဖြူဥတွေရဲ့ လုပ်ငန်းဆောင်တာကို ထောက်ပံ့ပေးတာကြောင့် ကိုယ်ခံစွမ်းအားစနစ်ကို သန်စွမ်းစေပါတယ်။ ပိန္နဲသီးတစ်ခွက်ကို စားတာက ခန္ဓာကိုယ်မှာ လိုအပ်တဲ့ အင်တီအောက်ဆီးဒင့် ပမာဏကို ကောင်းကောင်း ရရှိစေနိုင်ပါတယ်။


(၂) ကင်ဆာရောဂါကို ကာကွယ်ပေးနိုင်ပါတယ်
ပိန္နဲသီးမှာ ဗီတာမင်စီအပြင် လစ်ဂနင်၊ အိုက်ဆိုဖလေဗုန်းနဲ့ ဆာပိုနင်တို့လို ဖိုင်တိုအာဟာရဓာတ် များစွာ ပါဝင်တာကြောင့် ကင်ဆာမဖြစ်အောင် ကာကွယ်ပေးပြီး အိုမင်းမှုကို တားပေးနိုင်ပါတယ်။ ဖိုင်တိုအာဟာရ ဓာတ်တွေက ခန္ဓာကိုယ်ရှိ ကင်ဆာဖြစ်စေနိုင်တဲ့ ဖရီးရယ်ဒီကယ်တွေကို ကင်းစင်စေပြီး ဆဲလ်ပျက်စီးမှုကို နှေးကွေးစေပါတယ်။

(၃) အစာကြေညက်စေပါတယ်

ပိန္နဲသီးမှာ အနာမဖြစ်အောင် ကာကွယ်ပေးတဲ့ အာနိသင်တွေ ပါဝင်တာကြောင့် အစာအိမ်အနာနဲ့ အစာချေဖျက်မှုဆိုင်ရာ ဝေဒနာတို့ မဖြစ်ပေါ်အောင် ကာကွယ်ကုသပေးနိုင်ပါတယ်။ ပိန္နဲသီးမှာ အမျှင်ဓာတ်များစွာ ပါဝင်တာကြောင့် ဝမ်းချုပ်တာမဖြစ်အောင် ကာကွယ်ပေးပြီး အူလှုပ်ရှားမှု ကောင်းစေကာ ဝမ်းမှန်မှန်သွားစေပါတယ်။ အမျှင်ဓာတ်တွေက အူမကြီးရှိ ကင်ဆာဖြစ်စေနိုင်တဲ့ ဓာတ်ပစ္စည်းတွေကို ကင်းဝေးစေတဲ့နည်းနဲ့ အူအမြှေးပါးတွေကို ကျန်းမာအောင် ကာကွယ်ပေးပါတယ်။

(၄) မျက်စိနဲ့ အသားအရေကို ကျန်းမာစေပါတယ်
ပိန္နဲသီးမှာ အစွမ်းထက် အာဟာရ ဗီတာမင်အေ ပါဝင်တာကြောင့် မျက်စိနဲ့ အသားအရေကို ကျန်းမာစေပါတယ်။ ဒါ့အပြင် မက်ကူလာ ယိုယွင်းပျက်စီးမှုနဲ့ ညဘက် မျက်စိမမြင်တာတွေလို အမြင်ပိုင်းဆိုင်ရာ ပြဿနာတို့ မဖြစ်အောင် ကာကွယ် ပေးနိုင်ပါတယ်။

(၅) စွမ်းအင် တိုးစေပါတယ်

ပိန္နဲသီးမှာ ဖရက်တို့စ်နဲ့ ဆူးခရို့စ်တို့လို သကြားဓာတ်တွေ ပါဝင်တာကြောင့် စွမ်းအင်ထွက်ရှိစေတဲ့ အသီးအဖြစ် နာမည်ကြီးပါတယ်။ စွမ်းအင်အားကောင်းစေတဲ့ အသီးဖြစ်ပေမယ့် ပြည့်ဝဆီနဲ့ ကိုလက်စထရော မပါဝင်ပါဘူး။

(၆) သွေးတိုးကို ကျစေပါတယ်
ပိန္နဲသီးမှာ ပိုတက်စီယမ်ဓာတ် ပါဝင်တာကြောင့် သွေးတိုးနေသူတွေမှာ သွေးဖိအားကျစေပြီး နှလုံးရောဂါ ထတာနဲ့ လေဖြတ်တာတို့ရဲ့ ဖြစ်နိုင်ခြေကို လျော့ကျစေပါတယ်။

(၇) ရင်ကျပ်ပန်းနာကို ထိန်းချုပ်နိုင်ပါတယ်
ပိန္နဲသီးအမြစ်ဟာ ပန်းနာရင်ကျပ် ရောဂါ ခံစားနေရသူတွေအတွက် ဆေးဖက်ဝင်တယ်လို့ ဆိုကြပါတယ်။

(၈) အရိုးကို သန်စွမ်းစေပါတယ်
ပိန္နဲသီးမှာ မဂ္ဂနီဆီယမ်ဓာတ် များစွာ ပါဝင်တာကြောင့် ကယ်လ်စီယမ် စုပ်ယူရေးအတွက် အသုံးဝင်ပါတယ်။ ဒါကြောင့် အရိုးတွေကို သန်စွမ်းစေပြီး အရိုးပါးရောဂါလို အရိုးနဲ့ ဆက်စပ်နေတဲ့ ရောဂါဝေဒနာတွေ မဖြစ်အောင် ကာကွယ်ပေးနိုင်ပါတယ်။

(၉) သွေးအားနည်းရောဂါ မဖြစ်အောင် ကာကွယ်ပေးပါတယ်
ပိန္နဲသီးမှာ သံဓာတ် ပါဝင်တဲ့အတွက် သွေးအားနည်းရောဂါ မဖြစ်အောင် ကာကွယ်ပေးပြီး ခန္ဓာကိုယ်ထဲမှာ သွေးလှည့်ပတ်မှု ကောင်းအောင် ကူညီပေးပါတယ်။

(၁၀)  သိုင်းရွိုက်ကို ကျန်းမာစေပါတယ်
ပိန္နဲသီးမှာ ပါတဲ့ ကြေးနီ (Copper) ဟာ သိုင်းရွိုက်ရဲ့ လုပ်ငန်းဆောင်တာအတွက် အရေးပါပါတယ်။ အထူးသဖြင့် ဟော်မုန်း ထုတ်လုပ်ရေးမှာ ပါဝင်ကူညီပေးပါတယ်။              

ကြယ်စင်
Ref:Good Health
Source: http://www.yatanarpon.com.mm/news/news-58049 source>> http://www.facebook.com/notes/health-articles 
Shared by>>>http://natureenergycare.blogspot.com/2012/10/blog-post_7.html#more

Read More

အမြစ်မပါတဲ့ ပဲတီပင်ပေါက် လုပ်နည်း---

လွယ်လွယ်နဲ့ ပဲတီပင်ပေါက်များများထွက်အောင် စိုက်နိုင်တဲ့နည်းဖြစ်ပါတယ်။ တစ်ပုံးမှာ ၄ ထပ် စိုက်နိုင်တဲ့နည်းဖြစ်ပါတယ်။ ပဲတီပဲ တစ်ပိသာကို ပဲတီပင်ပေါက် ၄ ပိသာရပါတယ်၊ ပဲတီပဲ တစ်ဆကို ပဲတီပင်ပေါက် ၄ ဆရပါတယ်။ ဓါတုဆေးဝါးမသုံးတဲ့အတွက် ကျန်းမာရေးနဲ့ ညီညွှတ်တဲ့ ပဲတီပင်ပေါက်ဖြစ်ပါတယ်။ တစ်အိမ်ထောင်စားသုံးဖို့ လုပ်နိုင်သလို စီးပွားဖြစ်လည်းလုပ်နိုင်ပါတယ်။

လိုအပ်တဲ့ပစ္စည်းများ
1. ပဲတီပဲ
2. ပလပ်စတစ်ပုံး (သို့ ) ၀ါးခြင်းတောင်း
3. ဆန်ခါ (ပဲတီပဲ မကျနိုင်တဲ့အပေါက်ငယ် ကော်ဆန်ကာကို ဆောက်လုပ်ရေးပစ္စည်း အရောင်းဆိုင်မှာ ၀ယ်ယူနိုင်ပါတယ်။ တောမှာတော့ ၀ါးနဲ့  ရက်ယူနိုင်ပါတယ်။ )
4. ဂုံနီအိတ်။ (ရေထိမ်းထားဖို့ ဖြစ်ပါတယ်)
5. ရှော့တ်ပင် (သို့ ) မြေဖြူ (သို့ ) မီးသွေးခဲ။
6. ကပ်ကြေး
7. ဓါး

ပြုလုပ်ပုံအဆင့်ဆင့်
ပုံမှာပြထားတဲ့အတိုင်း လုပ်ဆောင်ရမှာဖြစ်ပါတယ်----

ပုံ1) ကော်ပုံး ဒါမှဟုတ် ခြင်းတောင်း တခုခုကိုသုံးနိုင်ပါတယ်။ အများနဲ့ လုပ်မယ်ဆိုရင် ဘိလပ်မြေ ပိုက်လုံးကြီးတွေကို သုံးနိုင်ပါတယ်။ ခြင်းတောင်းအကွက်ကျဲရင်တော့ အင်ဖက်နဲ့ ကာရံထားပြီး အလင်းရောင်မ၀င်အောင်လုပ်ဖို့ လိုပါလိမ့်မယ်။

ပုံ2) ပုံးအောက်ပိုင်းကို အပေါက်ဖေါက်ပါ။ရေကျလွယ်အောင်ဖြစ်ပါတယ်။ ကော်ပုံးဆိုရင် သံချောင်းမီးအပူပေးပြီးဖေါက်လို့  ရပါတယ်။ ခြင်းတောင်ဆိုရင်တော့ အပေါက်ဖေါက်စရာမလိုပါ။

ပုံ3) ဂုံနီအိတ်အစကို ကိုယ်အသုံးပြုမယ့် ပုံးအရွယ်ဖြတ်ပါ။

ပုံ4) ဂုံနီအိတ်ကို ကိုယ်အသုံးပြုမယ့် ပုံးအရွယ်ထက် အနည်းငယ်ကြီးအောင် ပုံမှာပြထားတဲ့ အတိုင်းဖြတ်ပါ။ ပဲတီပင်ပေါက် တစ်ပုံးစာအတွက် ဂုံနီအိတ်ဖြတ်စ ၆ စလိုပါတယ်။

ပုံ5) ကော်ဆန်ခါ ဖြစ်ပါတယ်။ ဆောက်လုပ်ရေးပစ္စည်းရောင်းတဲ့ဆိုင်မှာ ကိုက်နဲ့  ရောင်းပါတယ်။
ပဲတီပဲ မပေါက်ကျနိုင်တဲ့အရွယ် ဆန်ခါဖြစ်ရမယ်။ တောမှာတော့ နှီးဝါးနဲ့ ရက်လုပ်ယူလို့ ရပါတယ်။

ပုံ6) ဆန်ခါကို မိမိပြုလုပ်မယ့် ပုံးနဲ့ အရွယ်တူတိုင်းပါ။ ခြစ်ရာပေးရာမှာ အလွယ်တကူရှာလို့ ရတာနဲ့ ခြစ်ရာပေးလို့ ရပါတယ်။ ရှော့တ်ပင်၊ မြေဖြူ၊ မီးသွေးခဲ စတာတွေနဲ့ ခြစ်နိုင်ပါတယ်။

ပုံ၇) တိုင်းထားတဲ့ခြစ်ရာ အတိုင်းဖြတ်တောက်ပါ။

ပုံ၈) ပုံးနဲ့ အရွယ်တူဖြတ်ထားတဲ့ ဆန်ခါပုံဖြစ်ပါတယ်။

ပုံ9) ပုံးအောက်ပိုင်းမှာ ခဲ ဒါမှမဟုတ် အမာခံ တခုခုနဲ့ ပုံမှာ ပြထားတဲ့အတိုင်း အောက်စီထားပါ။ ပဲတီပင်အမြစ် တိုးကျနိုင်ဖို့ အတွက်ဖြစ်ပါတယ်။ အောက်ဆုံးတစ်ထပ်ပဲလိုပါတယ်။ ကျန်တဲ့အထပ်တွေအတွက် မလိုပါ။

ပုံ၁၀) ဖြတ်ထားတဲ့ ဆန်ခါ ၂ ချပ်ကို အောက်အမာခံ ပေါ်မှာ တင်ပါ။
ပုံ၁၁) အဲ့ဒီဆန်ခါ ၂ ချပ်ပေါ်မှာ ဂုံနီအိတ်ဖြတ်စ တစ်စကို တင်ပါ။ (ဂုံနီအိတ်စက ရေထိမ်းပေးဖို့ ဖြစ်ပါတယ်)

ပုံ၁၂) ဂုံနီအိတ်အစပေါ်မှာ ဆန်ကာ တစ်ချပ်ကိုတင်ပါ။ ပြီးရင် ရေစိမ်ထားတဲ့ပဲတီပဲ (ရေနွေးပူပူတစ်ခွက် ကို ရေအေး ၃ ခွက်နဲ့ ရောပြီး ပဲတီပဲကို ၈ နာရီခန့် စိမ်ပါ။) ကို ဖြန့် ထည့်ပါ။ ၂-၃ စေ့ ထပ်နေအောင် ဖြန့် ထည့်နိုင်ပါတယ်။ ပြီးရင် အဲ့ဒီပဲပေါ်မှာ ဂုံနီအိတ်စတစ်ချုပ်ထပ်တင်ပါ။ ပြီးရင် ဆန်ခါ တစ်ချပ်တင်ပြီး ရေစိမ်ပြီးသားပဲတီပဲ ကို ဖြန့် ထည့်ပါ။ အဲ့ဒီလို အဆင့်ဆင့် ၄ ထပ်အထိ လုပ်ပြီးရင် အပေါ်ဆုံးအထပ် ပဲပေါ်အထပ်ပေါ်မှာ ဂုံနီအိတ်စ ၂ ချပ်နဲ့ အုပ်ထားပါ။ ပြီးရင် အပေါ်ကနေ ရေဆွဲအောင် လောင်းပါ။ ပုံးအောက်ကနေ ရေစိတ်ကျတဲ့အထိရေလောင်းပါ။ ပြီးရင် အလင်းရောင်မ၀င်အောင် အပေါ်ကနေ တခုခုနဲ့ လုံအောင်အုပ်ထားပါ။

ပုံ13) 3 နာရီခြား တခါ ရေလောင်းပေးပါ။ နံနက်ကနေ ညနက်တဲ့အထိ လောင်းပေးပါ။ ၃ နေ့  ၂ ည (နာရီပေါင်း ၆၀ခန့် )မှာ စားသုံးနိုင်တဲ့ ပဲတီပင်ပေါက် ရပါလိမ့်မယ်။ ပဲတီပင်ပေါက်ကို ပုံးထဲကနေ တစ်ထပ်ခြင်းထုတ်ယူပါ။ ပုံထဲက အတိုင်း တစ်ထပ်ခြင်းမြင်ရမှာဖြစ်တယ်။)

ပုံ14) အနောက်ခြမ်းဖြစ်ပါတယ်။ ပဲတီပင်ပေါက် အမြစ်တွေ ဆန်ခါနဲ့ ဂုံနီအိတ်ကို ဖေါက်ထွက်နေပုံဖြစ်ပါတယ်။

ပုံ15) ပဲတီပင်ပေါက် မှာ ပဲတီအခွံတွေ မကပ်နေအောင် ရေထဲမှာ ခါချနိုင်ပါတယ်။ ပုံထဲမှာ မြင်တဲ့အတိုင်း ပဲတီပင်ပေါက်ဘက်ခြမ်းကို မှောက်ပြီး ရေထဲမှာ ခါချရင် ပဲတီအခွံတွေ ရေထဲမှာ ကျကျန်ခဲ့မှာဖြစ်ပါတယ်။

ပုံ16) ပဲတီအခွံတွေ ကျွတ်ကျကျန်ခဲ့တဲ့ပုံဖြစ်ပါတယ်။

ပုံ17) ပုံထဲက အတိုင်း ပဲတီပင်ပေါက်ကို ဓါးနဲ့ ဖြတ်ယူမယ်ဆိုရင် အမြစ်မပါတဲ့ ပဲတီပင်ပေါက်ကို အဆင်သင့်စားသုံးနိုင်မှာဖြစ်ပါတယ်။

Read More

ဆင်တုံးမနွယ် ၏ ကောင်းကျိုးများ

ဆင်တုံးမနွယ် (Heard Leaved Moonseed) ၏ ကောင်းကျိုးများ

၎င်းသည် ဆီးရွှင်စေသော အာနိသင်ရှိသည်။ 

ဆီးအရောင်ကို ကြည်စေသည်။သွေးထဲမှ Cholesterol ကို ကျစေသည်။

အသည်းအားဆေးတစ်မျိုး ဖြစ်သည်။သွေးကို သန့်စင်စေသည်။ သွေး၏အရည်အသွေးကို မြင့်စေ သည်။ 

  သွေးနီဥအရေအတွက်ကိုပွားစေသည်။ ခံတွင်းကို ကောင်းစေသည်။

မောပန်းခြင်းကို သက်သာစေ သည်။ အစာကို ကြေစေသည်။

မိန်းမများအဖြူဆင်းခြင်းကို သက်သာစေသည်။

ဆီးပူပြီး ဖျားသောနာတာ ရှည်အဖျားရောဂါကို သက်သာစေ သည်။

ကံ့ကော်
source: herbal-supplement-for-you
Health Updates Journal
Vol.2, No.30

Read More

သဲဝဲစားရာတွင် ကုသနိုင်သောအာလူး

အာလူးကိုစိတ်၍ သဲဝဲပေါ် သို့ တစ်နေ့လျှင် (၂)ကြိမ်ပွတ်တိုက် ပါ။ 
ထို့နောက် အခြောက်ခံပါ။
 သန့် ရှင်းသောခြေအိတ်ကို စွပ်ထားပါ။
 အာလူးတွင်ပါရှိသော အင်ဇိုင်းက သဲဝဲကို ကုသရာတွင် ထိရောက် သည်။ 
သဲဝဲမှိုကို သေစေနိုင်သည်။ 
နံနက်တွင် တစ်ကြိမ်၊ ညတွင်တစ်ကြိမ် ပြုလုပ်ပေးပါ။
 သိသာစွာ ယားယံ ခြင်းရပ်တန့်သွားပါလိမ့်မယ်။ 
အဖတ် များကွာကျခြင်းလည်း တဖြည်းဖြည်း လျော့ပါးသွားပါမည်။
 ညတစ်ကြိမ် အာလူးနှင့်ပွတ်တိုက်ရာ၌ ခြေထောက်ကို ခြေအိတ်မစွပ်တော့ဘဲ သဲဝဲစား သည့်နေရာကို လေဝင်လေထွက် ကောင်းအောင်ထားပါ။
 ခြေထောက် မှ အနံ့ဆိုးများကိုပင် ပျောက်စေ ကြောင်း သိရသည်။

ဒေါန
Health Updates Journal

Read More

ကနဖော့ ၏ ဆေးဖက်ဝင်အစွမ်းများ

ကနဖော့ဟာ မြန်မာနိုင်ငံအနှံ့အပြားမှာ အလွယ်တကူရနိုင်တဲ့ ဆေးဘက်ဝင်အပင်တစ်ပင်ပါ

၁။ ကနဖော့ရွက်ကို ကြိတ်ပြီး ခေါင်းမှာ အုံပေးရင် ခေါင်းကိုက်ပျောက်တယ်။ စာကျက်ရတာများလို့ ဦးဏှောက်ညောင်းညာ ပင်ပန်းတဲ့အခါ အဲဒီလို လုပ်ပေးသင့်ပါတယ်။ အရေပြားနဲ့ အကြောရောဂါတွေအတွက်လည်း သုံးကြတယ်။

၂။ ကနဖော့ရွက်အရည်ကို နွားနို့နဲ့ဖြစ်ဖြစ် ဆိတ်နို့နဲ့ဖြစ်ဖြစ် သောက်ပေးရင် ဆီးပူညောင်းကျနာ ပျောက်စေနိုင်တယ်။

၃။ ကနဖော့ကို ပြုတ်ပြီးတို့စားရင်ဖြစ်စေ၊ ကနဖော့ပြုတ်ရည်နဲ့ ချွေးအောင်းခဲ့ရင်ဖြစ်စေ ဖောရောင်ခြင်း ပျောက်ကင်းနိုင်တယ်။

၎။ ကနဖော့ ပဉ္စငါးပါးရည်ကို နည်းနည်းစီသောက်ပေးသွားရင် ကျောက်ဖြူပေါက်ရောဂါ၊ အရေပြားရောဂါ၊ ချဉ်ဆီတိုးတဲ့ ရောဂါတွေ ပျောက်ကင်းနိုင်ပါတယ်။

၅။ ကနဖော့ရည်ကို ပျားရည်နဲ့ ရောသောက်ရင် ကျောက်ရောဂါပျောက်ကင်းနိုင်တယ်။

၆။ ကနဖော့တစ်ပင်လုံးကို အမြစ်ပါမကျန် ယူ။ ရေစင်အောင်ဆေးပြီး ဆန်ဆေးရည်။ မုံညှင်းဆီတို့ ထည့်ပြုတ်ပြီး ဆားနည်းနည်းထည့်သောက်ရင် အသည်းအားနည်းတဲ့ ရောဂါကို ပျောက်ကင်းနိုင်ပါတယ်။


အစွမ်းထက် တိုင်းရင်းဆေးနည်းများ

Read More

ခွေးတောက်နွယ်ပင်

ခွေးတောက်ရွက်မှာ ပူ၏၊ ခါး၏၊ ဝမ်းမီးကို တောက်စေ၏။ ကြေကျက် လွယ်၏။
သွေးကို ပွားစေ၏။ ကာမကို အားပေး၏။ နှုတ်ကို မြိန်စေ၏။ သလိပ်ကို နိုင်၏။
 လည်ချောင်းနာ၊ ဂူလုံးနာ၊ လေရောဂါပိုးနာ၊ နူနာ၊ အဆိပ်သင့်နာ၊ ပန်းနာ ရင်ကျပ်၊ တုလာသရော ရောဂါ တို့ကို နိုင်၏ဟု အရှင်နာဂသိန် ပုံပြဆေး အဘိဓာန်မှ ဖော်ပြထားပါသည်။

အနာဖြစ်ပါက ခွေးတောက်ရွက်ကိုမီးကင်၍ကပ်ထားပါကအမြန်ပျောက်ကင်းပါသည်။ 
 ရေယုန်ရောဂါ ဖြစ်ပါက ခွေးတောက်ရွက် သတ္တုရည်ကို လိမ်းကျံပေး ပါက များစွာ အကျိုး ကျေးဇူးများ ပါသည်။
 ခွေးတောက် ရွက်ကို ကြက်သားနှင့် ဟင်းချို ချက်သောက်ပါက အရက်ချိုးများ ကျစေပါသည်။

Read More

ဖလန်တောင်ဝှေးနှင့်ကုသခြင်း နဲ့ အသုံးဝင်ပုံများ

ဖလန်တောင်ဝှေး၏ ကုသခြင်းပျောက်ကင်းစေခြင်း နှင့် အသုံးဝင်ခြင်း ရုက္ခဗေဒအခေါ်အရ Costus speciosus Smith ဟု ခေါ်ပြီး မျိုးနွယ်မှာ Zingiberaceae အုပ်စုဖြစ်၏။ ဟင်ဒီဘာသာဖြင့် keukand ၊ ဆင်ဟာလာ (သီရိ လင်္ကာဘာသာ) ဖြင့် Thebu ဟုခေါ်ဆိုကြသည်။ Costaceae Family တွင်ပါဝင်သည်။ spiral ginger ဟုလည်းခေါ်သည်။ ကမ္ဘာနှင့်အ၀ှမ်းတွင်မျိုးစိတ်ပေါင်း (၄၅) ခုခန့် နှင့် မျိုးကွဲပေါင်း (၈၀) ခန့် တွေ့ ရှိရသည်။ ပုံမှန်အားဖြင့် အရိပ်ကိုကြိုက်နှစ်သက်ပြီး အချို့ မျိုးကွဲ များမှာ နေရောင်ဒဏ်ကိုခံနိုင်ရည်ရှိသည်။

တွေ့ ရှိရာဒေသများ

သီရိလင်္ကာ၊ အိန္ဒိယ၊ မြန်မာ၊ အင်ဒိုနီးရှား၊ ဖီဂျီကျွန်းစု၊ ဟာဝိုင်အီကျွန်းစု နှင့် နီကိုဘာကျွန်းစုတို့တွင် အနှံ့  အပြားပါက်ရောက်သည်။ မိုးဥတုတွင်များစွာဖြစ်ထွန်း ပေါက်ရောက်သည်။ ငှက်တို့ မှ စားသုံး သယ်ဆောင် ခြင်းကြောင့် ကမ္ဘာ့ Tropical ဒေသအနှံ့ အပြားတွင် ပေါက်ရောက်ခြင်းဖြစ်သည်။

အသွင်အပြင်

အပင်သည် လှပတင့်တယ်သော သစ်ပင်ပျော့ဖြစ် သည်။ ပင်စည်မှာ နီညိုရောင် ဖြစ်သည်။ ၄ ပေမှ ၁၀ ပေအထိ မြင့်သည်။ အရွက်မှာ ငှက်တောင်ပုံ ဖြစ်ပြီး ထိပ်ချွန်သည်။ ၉ လက်မခန့် ရှည်သည်။ ပန်းခိုင်ထိပ်ဖျားမှထွက်၍ ကတော့ပုံသဏ္ဍာန်ပန်းခိုင် ဖြစ်သည်။ ၃ လက်မခန့် ရှည်၍နီသောပွင့်ခံရွက်များ ပါရှိသည်။ အပွင့်ပွင့်ရွက် အဖြူဆွတ်ဆွတ်ဖြစ်သည်။ နုနယ်၍ လှိုင်းတွန့်ကဲ့သို့ ဖြစ်သည်။ ကတော့ပုံဖြစ် သည်။ အချင်း ၃ လက်မခွဲခန့်ရှိ၍ ၂ လက်မခန့်အ ရှည်ရှိသည်။ (ပုံတွင်ကြည့်ပါ) သို့ သော်အချို့ သော မျိုးကွဲများမှာ အဖြူနှင့်အစိမ်းကျား အရောင်ရှိသည်။

အမြစ်

နှာစေး၊ ချောင်းဆိုး၊ အဖျား၊ အစာမကြေ လေနာ၊ အရေပြား ရောဂါ၊ မြွေကိုက်ခြင်း တို့ကို ကုသရာ၌ အမြစ်ကို သုံးသည်။

ကုသခြင်းပျောက်ကင်းစေခြင်း နှင့် အသုံးဝင်ခြင်း

နားပြည်ယို၊ နားကိုက် ရောဂါကို ဖလံတောင်ဝှေး အခွံ့နွှာ မီးကင်ပြီး အတန်ကြာ အေးစေ၍ ရည် ညှစ်ယူ ၎င်းအရည်ကို နားအတွင်းသို့ ၃-၄ စက် ခန့် မကြာမကြာထည့်ပေးရ၏။

ချောင်းဆိုးရောဂါ၊

သာမာန် နှလုံးတုန် ရောဂါ တို့ကို ဖလှံတောင်ဝှေး ဟင်းချက်စားခြင်း၊ နှမ်းဆီ စစ်စစ်ဖြင့်ကြော်စားခြင်း တို့ဖြင့် သက်သာစေနိုင်သည်။ ဒူလာရောဂါကို ဖလှံတောင်ဝှေး သုံးခွက် တစ်ခွက်တင်ကိုသောက် လျှင်ပျောက်၏။

ဖလှံတောင်ဝှေးဥကို အခြောက်ခံ အမှုန့်ပြုလုပ်၍ ချင်း၊ သကြားနှင့် စပ်သောက်ပါက ကျောက်ကပ်ရောဂါကို ပျောက်ကင်း၏။

ဖလံတောင်ဝှေးကိုငါးခူနှင့်ချက်စားပါက ကာမအား ကို ဖြစ်စေသည်။

ငါးသိုင်းသားနှင့်ချက်စားက ပါက သွေးဝမ်းသွားသောရောဂါကိုပျောက်ကင်းစေသည်။

ပုစွန်နှင့်ကြော်ချက်စားလျှင်လည်း သွေးဝမ်းရောဂါ ကိုပျောက်စေသည်။

အမဲသားနှင့် ချက်စားပါက ဆီးရွှင်ပြီး ကျောက်ကပ်ရောဂါကို ကာကွယ်စေနိုင် ပါသည်။

ရေကြက်သားနှင့်ချက်စားလျှင် ဆီးအိမ်၌ ကျောက်တည်ခြင်း၊ ဆီးပူခြင်း၊ ဆီးအောင့်၊ ဆီးအား နည်းခြင်း၊ ဆီးကျန်ခြင်း၊ ဆီးဝါခြင်းတို့ကို ပျောက် ကင်းစေသည်။

ဖလှံတောင်ဝှေးကိုဓါးပြားနှင့်ရိုက်၍ ဟင်းချက်သောက်ပါက အမျိုးသမီးများနို့ မထွက် ခြင်း၊ နို့ပူခြင်း၊ ယားယံခြင်း၊ နို့အနာပေါက်ခြင်း၊ နို့ချောင်း ပိတ်ခြင်း၊ သကျည်း ကိုက်ခြင်း တို့ကို ပျောက်စေနိုင်သည်။

ဖလှံတောင်ဝှေးကိုအခြောက်လှန်း အမှုန့်ပြု၍ အုန်းဆီနှင့်ဖျော်ပြီး စအိုနှင့်ဆီးစပ်ကို လိမ်းထား ပါကသားအိမ်လျှောကျခြင်း၊သားအိမ်အောင့်ခြင်း၊ ယောကျာ်းအူကျခြင်း၊ တိုနာဖြစ်ခြင်းတို့ကိုပျောက် စေသည်။

ဖလှံတောင်ဝှေးပဉ္စငါးပါးကို ငရုတ် ကောင်း၂ စေ့ထည့်၍ကျကျ ပြုတ်၍သောက်ပါက ကျောက်ကပ်ရောင်၍ ဖောခြင်း၊ ခါးနာခြင်းတို့ကို သက်သာပျောက်ကင်း စေသည်။

ဖလှံတောင်ဝှေး ကို အမှုန့်ပြု၍ ပျားရည်၊ ထောပတ်နှင့်တေ၍ လက်ဖက်ရည်ဇွန်း တစ်ဇွန်း တစ်နေ့တစ်ကြိမ် စားသုံးခြင်းခြင့် အားအင်ကုန်ခမ်းခြင်းကိုပြန်လည် အားဖြည့်စေသည်။

အမျိုးသမီးများ ရင်သားတွင် ဖြစ်ပေါ်တက်သော သာမာန်အကြိတ်များအား ဖလှံတောင်ဝှေးကိုထုခြေ၍ အကျိတ်ပေါ်အုံပေးပြီး အ၀တ်စည်းပေးခြင်းဖြင့်အကျိတ်ကိုကျေစေသည်။

Costus Speciosus တွင် Antidiabetic နှင့် antilipidemic ဓါတ်ပြည့်ဝစွာပါဝင်သည့်အတွက် ဖလှံတောင်ဝှေးဥကို အခြောက်ခံ အမှုန့်ပြုလုပ်၍ နေ့ စဉ်ပုံမှန်သောက်သုံးပါက ဆီးချိုရောဂါကို ပျောက်ကင်းစေပြီး ခန္ဓာကိုယ်အတွင်းမှ မလိုအပ် သော အဆီများကိုလည်း ချေဖျက်စေနိုင်သည်။

asthma ပန်းနာရင်ကြပ်ရောဂါကိုပျောက်ကင်းစေ သည်။ ယားနာ rash၊ လည်ချောင်းနာ bronchitis နှင့် intestinal worms အူလမ်းကြောင်းအတွင်းမှ သံကောင် တုပ်ပိုးများကို သေစေနိုင်ပြီး သျှတြရ ကျမ်းအဆိုအရ ကာမအားကိုတိုးစေနိုင်ကြောင်း သိရှိရပါသည်။

Post Script: ယူအက်စ်၊ ကနေဒါ၊ နှင့် ယူရော့ပ် တွင်ရောက်ရှိနေသော မြန်မာလူမျိုးများအတွက်၊ နွေရာသီတွင် - Summer Plant ရောင်းသော ဆိုင်များတွင် ၀ယ်ယူ၍ရရှိနိုင်ပါကြောင်း။

 မေတ္တာဖြင့် -

အရှင်ဇတိလ ......နှင့်.....လှိုင်ဘွား/၈၈ (Carleton University)

***ခွင့်တောင်းစရာမလိုပဲ Share နိုင်ပါသည်။

Related references:
----------------------
http://www.sciencedirect.com/science/article/pii/S0009279709003275

https://www.jstage.jst.go.jp/article/bpb/25/4/25_4_477/_article

http://www.flickr.com/photos/rekhaeipe/3886516147/

http://www.flickr.com/photos/vrocampo/3459110789/

http://www.inriodulce.com/links/costus.html

Read More